Վեդիում ՔՊ-ի քարոզարշավի ժամանակ տեղի ունեցավ ծեծկռտուք, որին միջամտեցին ոստիկանները. Aravot.am
ՀասարակությունԱյսօր Վեդիի քաղաքային ամֆիթատրոնում, որտեղ տեղի էր ունենում «Քաղաքացիական պայմանագիր» կուսակցության Վեդիի համայնքապետի թեկնածու Գարիկ Սարգսյանի քարոզարշավը, մի քանի քաղաքացիների միջեւ ծեծկռտուք տեղի ունեցավ, որին միջամտեցին ոստիկանները: Այս մասին գրել է Aravot.am-ը։
«Քարոզարշավին ներկա ԱԺ ՔՊ-ական պատգամավոր Ռուստամ Բաքոյանն ասաց, որ մյուս թիմից ինչ-որ մարդիկ պատվերներ են կատարում եւ սադրանքներ են հրահրում. «30 տարի լափել են եւ այդ խուժանությունները հիմա փորձում են շարունակել: Ուզում եմ ասել, որ վեդեցիներն իրենց համար անձնական օգտագործման, հարստացման մատերիալ չեն, եւ վստահ եմ, որ վեդեցիները կիրակի օրը մերժելու են ոչ մարդկային այս տեսակին, եւ սրանք պետք է իրենց տեղը գտնեն եւ նրանք պետք է իրենց արժանի պատասխանատվությունը կրեն: Այս սադրանքն առաջին անգամ չի: Մենք մեր ընկերներին, մեր գործընկերներին ու մեր կողմնակիցներին հորդորել, խնդրել ու պահանջել ենք, որ չտրվեն այդ սադրանքներին: Բայց նրանք այս քանի օր է այդ սադրանքները շարունակում են»։
Ռուստամ Բաքոյանն ասաց, որ մի քանի հոգով, խմբով հարձակվել են իրենց թիմակիցների վրա եւ մի քանի հոգով հարվածել մեկին: «Ոստիկանությունը միջամտեց, հուսով եմ՝ նրանց բերման են կենթարկեն»,- ասաց Ռուստամ Բաքոյանը»,-գրել է aravot.am-ը։