44-օրյա պատերազմից տուժած որոշ խմբերի սոցիալական աջակցության միջոցառման իրականացումը երկարացվել է 3 ամսով

2020 թվականի սեպտեմբերի 27-ից Ադրբեջանի Հանրապետության կողմից Արցախի Հանրապետության դեմ սկսված պատերազմական գործողությունների հետևանքով քաղաքացիական անձանց շրջանում զոհերի, անհետ կորածների (ինչպես նաև գերեվարվածների) ընտանիքներին և հաշմանդամություն ձեռք բերած անձանց տրամադրվող սոցիալական աջակցության միջոցառման իրականացման ժամկետը երկարացվել է 3 ամսով:

ՀՀ աշխատանքի և սոցիալական հարցերի նախարարությունը տեղեկացնում է, որ միջոցառումից կարող են օգտվել այն շահառուներն, ովքեր մինչ այս պահը չեն ստացել ծրագրով նախատեսված աջակցության գումարը։ Այդուհանդերձ, քաղաքացիական անձանց շրջանում անհետ կորած (ինչպես նաև գերեվարված) անձանց ընտանիքներն, ովքեր օգտվել են միջոցառումից, սակայն անհետ կորածի (ինչպես նաև գերեվարվածի) կարգավիճակը դեռևս հստակեցված չէ՝ կստանան ևս 3 ամիս աջակցություն` հունվար-մարտ ամիսների համար:

Միջոցառումից օգտվելու համար անհրաժեշտ է ներկայացնել դիմում՝  e-request.am էլեկտրոնային հարցումների միասնական հարթակի կամ նախարարության պաշտոնական www.mlsa.am պաշտոնական կայքէջի «Գրեք նամակ» բաժնի միջոցով՝ մինչև 2022 թվականի ապրիլի 15-ը։

Աջակցությունը տրամադրվում է դրամական օգնության ձևով՝ անկանխիկ եղանակով՝ հետևյալ չափերով՝ առաջին խմբի հաշմանդամություն ձեռք բերելու դեպքում` 3,000,000 դրամ, երկրորդ խմբի հաշմանդամություն ձեռք բերելու դեպքում` 2,000,000 դրամ, երրորդ խմբի հաշմանդամություն ձեռք բերելու դեպքում` 1,000,000 դրամ, հաշմանդամ երեխայի կարգավիճակ ձեռք բերելու դեպքում՝ 3,000,000 դրամ, զոհված քաղաքացիական անձանց ընտանիքների դեպքում՝ 5,000,000 դրամ, անհետ կորած քաղաքացիական անձանց ընտանիքների դեպքում՝ ամսական 300,000 դրամ:

Ապրիլի 15-ից հետո ուղարկված դիմումները չեն դիտարկվի։

Այս թեմայով Էլեկտրաէներգիայի պլանային անջատումներ` Երևանի և մարզերի որոշ հասցեներում Կփոխհատուցվեն 44-օրյա պատերազմում վիրավորում ստացած զինհաշմանդամի՝ Հունաստանում բուժման և կեցության ծախսերը Երևանի և մարզերի որոշ հասցեներում լույս չի լինի Երևանի և Կոտայքի մարզի որոշ հասցեներում լույս չի լինի 40+10 հազար դրամ աջակցության ծրագրի շահառուների շրջանակն ընդլայնվել է Ոստիկանությանը մաղթում եմ ազնիվ ծառայություն պետությանը, ոչ թե ինչ-ինչ խմբերի ու խմբային շահերի. Աշոտ Ահարոնյան ՌԴ որոշ մարզերում գետերի մակարդակի բարձրացման հետևանքով բազմաթիվ բնակավայրեր են հեղեղվել. մտցվել է արտակարգ դրություն «Ապրելու ուժ տվեց Դավիթիս երազանքի իրականացումը՝ Դադիտան կառուցումը». Դավիթ Ուզունյանն անմահացել է հոկտեմբերի 1-ին Եղնիկներում. «Փաստ» «Հրապարակ». Ինչու են ձգձգում 44-օրյա պատերազմի հանգամանքները քննող ԱԺ հանձնաժողովի զեկույցը Արմեն Աշոտյանի կալանքը երկարացվեց ևս 3 ամսով