Գազը թանկացավ

Այսօրվանից գազի սակագինը սովորական սպառողների համար կբարձրանա 4.7 դրամով՝ դառնալով 143.7 դրամ:

Գազի սակագնի բարձրացման մասին 1 ամիս առաջ` մարտի 1-ին կայացրած որոշումն ուժի մեջ է մտնում այսօրվանից` ապրիլի 1-ից։
Ըստ հաստատված սակագների` ՀՀ շարքային սպառողների համար գազի գինն այսօրվանից կբարձրանա 4․7 դրամով՝ 139 դրամի փոխարեն դառնալով 143.7 դրամ։ Բացառություն են կազմում սոցիալապես անապահով սպառողները, որոնց համար գազի գինը չի փոխվի` ի հաշիվ կառավարության սուբսիդավորման։ Նրանք կշարունակեն վճարել 1խմ–ի դիմաց` 100 դրամ սակագնով։

Որոշ արտոնություններից կօգտվեն նաև գյուղոլորտի տնտեսվարողները, մասնավորապես` ջերմոցային տնտեսությունները։ Նրանց համար սահմանվել են սեզոնային զեղչեր. ջեռուցման սեզոնին` նոյեմբերի 1-ից մինչև մարտի 31-ը, նրանք 1000 խմ–ի դիմաց կվճարեն 233.9 ԱՄՆ դոլարին համարժեք դրամ (1խմ–ի դիմաց շուրջ 114 դրամ` ըստ այդ պահի փոխարժեքի)։ Տարվա մնացած ամիսներին կվճարեն ՀՀ շարքային սպառողների պես` 1 խմ–ի դիմաց 143.7 դրամ։

Գյուղատնտեսության ոլորտի վերամշակող՝ պահածոների, խմիչքների և կաթնամթերքի արտադրությամբ զբաղվող տնտեսությունների համար գազի սակագինն ամբողջ տարին կլինի անփոփոխ` 1000 խմ–ի համար 233.9 ԱՄՆ դոլարին համարժեք դրամ (շուրջ 114 դրամ)։
Հայաստանյան այլ տնտեսությունները, այդ թվում` ՋԷԿ–երը ամսական մինչև 10 000 խորանարդ մետր բնական գազի համար կվճարեն բնակչության համար սահմանված սակագնով` 143.7 դրամ, իսկ 10 000 խորանարդ մետրից ավելի սպառած յուրաքանչյուր 1000 խմ գազի համար՝ 265.81 ԱՄՆ դոլարին համարժեք դրամ (շուրջ 130 դրամ):

Նշենք, որ գազի սակագնի վերանայման ժամկետը` ամեն տարի ապրիլի 1-ը, որոշվել է այն տրամաբանությամբ, որ ապրիլից արդեն Հայաստանում ջեռուցման սեզոնն ավարտվում է։ Այս տարի, սակայն, եղանակը ևս սպառողների կողմից չէ։

Այս թեմայով Դոլարն ու եվրոն շարունակում են թանկանալ. նրանց է միացել ռուբլին Դոլարն ու եվրոն շարունակում են թանկանալ Դոլարն ու եվրոն շարունակում են թանկանալ Դոլարի փոխարժեքը նվազել է. եվրոն շարունակում է թանկանալ Դոլարի փոխարժեքը մի փոքր նվազել է. եվրոն շարունակում է թանկանալ Դոլարի փոխարժեքը կայուն է. եվրոն շարունակում է թանկանալ Դոլարն ու եվրոն շարունակում են թանկանալ Ջուրը կարող է նորից թանկանալ․ «Վեոլիա ջուրը» մտադիր է սակագինը վերանայելու հայտով դիմել ՀԾԿՀ-ին Դոլարն ու եվրոն շարունակում են թանկանալ Դոլարի փոխարժեքը մի փոքր նվազել է. եվրոն ու ռուբլին շարունակում են թանկանալ