Ռեֆորմների մաստեր-կլասս՝ «սնդիկին» և «աղին» պատերազմ հայտարարած նախարարի համար

Առողջապահության նախարար Անահիտ Ավանեսյանը ջանք ու եռանդ չի խնայում իր ռեֆորմները հանրությանը իբրև անչափ օրակարգային և աննախադեպ հրամցնելու համար: Վերջերս էլ նախարարը հպարտության նոր առիթ է գտել. դա իր անխոնջ պայքարն է սնդիկի և աղի դեմ, որը, սակայն, հանրության մեծ մասի մոտ տրամաբանական հարց է առաջացնում՝ արդյո՞ք Ավանեսյանը և իրենք ապրում են նույն իրականության մեջ, քանի որ Հայաստանի հասարակության իրականության մեջ կան շատ ավելի լուրջ և օր առաջ լուծում պահանջող հարցեր, քան սնդիկն ու աղն է:

Մինչ Ավանեսյանը զբաղված է աշխատանքի բուռն իմիտացիայով, նրա արտասահմանցի գործընկերները զբաղված են գործով: Դիցուք՝ հարևան Վրաստանում առողջապահության համակարգի ռեֆորմները բերել են նրան, որ պետությունը անապահով խավի ներկայացուցիչների համար սահմանել է վաուչեռներ, որոնցով վերջիններս կարող են ձեռք բերել առողջության ապահովագրման պոլիսներ: Բացի այդ, մեծ աշխատանք է տարվել առողջապահական ծառայություններն ամբողջ ծավալով երկրի ծայրամասերում հասանելի դարձնելու համար:

Գերմանիայում առողջապահության ոլորտում իրականացված բարեփոխումների արդյունքում ձևավորվել է հիմնադրամ, որից էլ ֆինանսավորվելու են առողջապահության ապահովագրման կասսաները: Բացի այդ, ռեֆորմների արդյունքում քառակի անգամ ավելացել է ոլորտի պետական ֆինանսավորումը: Գյուղական բնակավայրերում ցուցաբերվող անհետաձգելի բուժօգնության որակի կտրուկ բարելավում է տեղի ունեցել: 5 տոկոսով ավելացել են սոցիալական նպաստները` կապված տնային պայմաններում իրականացվող խնամքի հետ:

Ֆրանսիայում իրականացված բարեփոխումները հիմնականում ուղղված են եղել ստացիոնար պայմաններում բուժօգնություն ստացող քաղաքացիների համար պայմանների բարելավմանը: Բացի այդ, կտրուկ աճել է թվային տեխնոլոգիաների դերն աոռողջապահության ոլորտում աշխատանքների իրականացման մեջ: Պետությունը վարձել է 400 ընտանեկան բժիշկ երկրի հեռավոր հատվածներում նրանց բացը լրացնելու և հասարակության սոցիալական բեռը նվազեցնելու համար:

Իսկ ի՞նչ է անում այս ընթացքում մեր նախարարը, ճիշտ է՝ անհաշտ պայքար է մղում սնդիկի և աղի դեմ, այլ կերպ ասած՝ աշխատանքի և ռեֆորմների իմիտիացիա է անում: Պարզապես, չգիտես ինչու, հանրությունը դեռևս որևէ կերպ իր կյանքում և իր առողջության վրա չի զգում Ավանեսյանի աննախադեպ և անհետաձգելի ռեֆորմների դրական ազդեցությունը: Բացասականները զգում է, այն էլ՝ չափից դուրս շատ: Իսկ սա նշանակում է, որ նախարարը թերևս ավելի լավ ուսումնասիրի իր արտասահմանցի կոլլեգաների կողմից իրականացված ռեֆորմները, գոնե դրանց մասին տարրական տեղեկություններ ստանալու համար: Քանի որ արդյունավետ ռեֆորմը դա բնավ էլ պետպատվերը վերացնելը, բուժծառայությունների գները բարձրացնելը կամ մարզային ԲԿ-ը փակելը չէ:

Այս թեմայով Անահիտ Ավանեսյանը սաբոտաժի է ենթարկում Փաշինյանի ծրագիրը ՔՊ-ում «պատերազմ» է. Ավանեսյանը գտել է սեփական կաշին փրկելու ձևը ՔՊ-ական պաշտոնյաների արտոնյալ ԽԾԲ-ն. Անահիտ Ավանեսյան «Սկզբունքայնություն»՝ ՔՊ ոճով. Անահիտ Ավանեսյան, Արսեն Թորոսյան Կիսում եմ իմ քաղաքական թիմի մոտեցումները, վարչապետը Տավուշի մասին մանրամասն ասել է. Ավանեսյան Կյանքին սպառնացող վիճակների և հիվանդությունների ճիշտ կառավարման առումով պետք է լուծումներ տալ․ նախարար Արդեն 90 հազարից ավելի էլեկտրոնային դեղատոմս է դուրս գրվել. Անահիտ Ավանեսյան Առանձնահատուկ շնորհավորում եմ առողջապահական համակարգում աշխատող բոլոր կանանց. Անահիտ Ավանեսյան Անահիտ Ավանեսյանի նոր «ռեֆորմը»՝ պատուհաս քաղաքացիների համար ԱՄՆ կատարած այցի ընթացքում այցելեցի նաև «Ռոնալդ Ռեյգանի բժշկական» կենտրոն. Անահիտ Ավանեսյան