Տեղի է ունեցել պարտքի կառուցվածքի էական բարելավում. նախարար

Պարտքի կառուցվածքում 2021 թվականին տեղի է ունեցել բարելավում, կառավարության պարտքի կազմում ավելացել է դրամային պարտքի տեսակարար կշիռը: Այս մասին ասաց ՀՀ ֆինանսների նախարար Տիգրան Խաչատրյանն ԱԺ-ում կառավարության 2021 թվականին ծրագրի կատարման ընթացքի և արդյունքների մասին զեկույցի ներկայացմանը:

Խաչատրյանի խոսքով՝ կառավարության պարտքը 2021-ին պետք է կազմեր ՀՆԱ-ի 62.3 տոկոսը: Տարվա փաստացի արդյունքներով կառավարության պարտքը կազմել է 4 տրլն 209. 8 մլրդ դրամ կամ ՀՆԱ-ի 60.3 տոկոսը, որը շուրջ 2 տոկոսային կետով ավելի ցածր է, քան այն նախնական գնահատականը, որ եղել է տարեսկզբին: «Կարող ենք փաստել, որ մի կողմից ծրագրվածից բարձր տնտեսական աճի, մյուս կողմից հետևողական հարկաբյուջետային քաղաքականության արդյունքում 2021-ի փաստացի ցուցանիշն արձանագրել է պարտքի կառավարելիության բարելավման կարևոր առաջընթաց: Ընդ որում, տարվա ընթացում տեղի է ունեցել նաև պարտքի կառուցվածքի էական բարելավում՝ կառավարության ընդհանուր պարտքի կազմում ավելացնելով դրամային պարտքի տեսակարար կշիռը»,-ասաց Խաչատրյանը:

Պարտքի կառուցվածքում դրամային պարտքի ցուցանիշն աճել է՝ հասնելով 28.8 տոկոսի՝ 2020-ի 24.4 տոկոսի փոխարեն: Նախարարն ընդգծեց՝ կառուցվածքի այսպիսի փոփոխությունը համահունչ է պարտքի միջնաժամկետ կառավարման ուղենիշներին, որոնք պահանջում են, որ արտարժույթի փոխարժեքային փոփոխությունների հետ կապված ռիսկերը կրճատելու նպատակով ընդհանուր պարտքի կազմում ներքին պարտքի կշիռը լինի ոչ պակաս, քան 25 տոկոսն է: 

«Կառավարության պարտքի կառուցվածքում դրամային պարտքի ավելացումը հանգեցրել է կառավարության պարտքի կշռված տոկոսադրույքի որոշակի բարձրացման, որը 2021 թվականին կազմել է 4.7 տոկոս՝ նախորդ տարվա 4.3-ի դիմաց»,-ասաց նախարարը:

Սակայն նա անհրաժեշտ համարեց հաշվի առնել, որ կառավարության պարտքի կառուցվածքում ներքին պարտքի և տոկոսավճարների ավելացման արդյունքում վերջինիս ավելի մեծ մասն են դառնում Հայաստանի ռեզիդենտների եկամուտները: «Մասնավորապես 2021-ի ընթացքում վճարված 180. 8 մլրդ դրամ տոկոսավճարներից 108.3 մլրդ դրամը կամ ընդհանուր տոկոսային վճարների 60 տոկոսը կազմել են ներքին տոկոսավճարները, իսկ արտաքին պարտքի դիմաց տոկոսավճարները կազմել են 72.5 մլրդ դրամ կամ 40 տոկոսը: 2021-ին հարկաբյուջետային քաղաքականությունը, այդ թվում՝ հարկային եկամուտների ավելացումը, ծախսերի հաշվեկշռվածությունը, պետբյուջեի դեֆիցիտի կրճատումն էական դրական ազդեցություն են ունեցել մակրոտնտեսական կայունության վերականգնման և ՀՀ տնտեսական զարգացման հեռանկարների առնչությամբ դրական սպասումների ձևավորման հարցում»,-ասաց Խաչատրյանը:

Այս թեմայով Սոնա Ղազարյանը ելույթ է ունեցել ԵԽԽՎ նստաշրջանում Վայոց ձորում իրանական համարանիշերով բեռնատարը կողաշրջվել է Վահան Կոստանյանը հանդիպում է ունեցել Սաուդյան Արաբիայի տեղեկատվական տեխնոլոգիաների նախարարի տեղակալ Ահմադ Ալ-Սայանի հետ Ռուս խաղաղապահների Արցախից հեռանալը նախևառաջ ամրագրում է թուրքական գործոնի էական ուժեղացումը. Աբրահամյան Բագրատ Սրբազանը չի մասնակցի Ոսկեպարում Փաշինյանի հետ հանդիպմանը Նարեկ Ադամյանը նշանակվել է «Հայաստանի հեռուստատեսային և ռադիոհաղորդիչ ցանց» ՓԲԸ տնօրեն Որքան եկամուտ են ունեցել Բայդեն ամուսինները անցած՝ 2023 թվականին Դա էմոցիոնալ պոռթկում չէր, կանխամտածված էր․ Ասլանյանը` երթուղայինում տեղի ունեցած միջադեպի մասին Ցեղասպանության զոհերի անվանացանկի թեման պատմականորեն եղել է թուրքական քաղաքականության ուղեգիծը. Էդգար Էլբակյան Անհանդուրժող ենք լինելու համակարգում կոռուպցիոն որևէ դրսևորման հանդեպ․ ՆԳ նախարար