Թուրքիան մեծ թափով շարունակում է սահմանների կահավորման աշխատանքները

Թուրքիան շարունակում է իր սահմաններին պատեր ու աշտարակներ կառուցել, տեսախցիկներ ու ջերմատեսիլ սարքեր տեղադրել: Այս մասին հայտնում է Ermenihaber-ը։ Դրանից բացի պատերի երկայնքով իրականացվելիք պարեկային ծառայության մեքենաների համար ճանապարհներ են կառուցվում, անցկացվում են լուսավորություն ու հոսանքի գծեր:

Պաշտոնապես հաղորդվում է, որ այդ աշխատանքները կատարվում են մեծամասամբ Սիրիայից ու Իրանից փախստականների հոսքը կանխելու ու սահմանների վերահսկողությունն ուժեղացնելու նպատակով: 

Սիրիայի հետ 911 կիլոմետրանոց սահմանի 873 կմ-ի հատվածում ավարտվել են պատի կառուցման աշխատանքները: Իրանի հետ սահմանին էլ մինչ այս պահը արդեն 191կմ հատվածում ավարտվել են պատի ու ճանապարհի կառուցման լուսավորության անցկացման, տեսախցիկների ու ջերմատեսիլ սարքերի տեղադրման աշխատանքները:

Ընդհանուր առմամբ ապօրինի սահմանահատումների տեսանկյունից ռիսկային գնահատվող  Թուրքիայի արևելյան ու հարավարևելյան 2.949կմ երկարությամբ սահմանների 1028 կիլոմետրանոց հատվածում ավարտվել են պատի ու պարեկային ծառայության համար նախատեսված ճանապարհի կառուցման աշխատանքները: 

Սահմանային անվտանգության մակարդակը բարձրացնելու նպատակով Թուրքիայի սահմանապահ ծառայությանը հատկացվել է նաև 139 հետախուզական ու դիտարկման զրահամեքենաներ: Դրանցից 82 կօգտագործվի արևելյան, իսկ 57-ը արևմտյան սահմաններին ծառայություն կազմակերպելու համար:

Բացի դրանից ոստիկանության գլխավոր վարչության կողմից Իրանի հետ սահմանային Վանի նահանգում  լրացուցիչ 750 հոգանոց հատուկ նշանակության ստորաբաժանում է կազմավորել, որը պետք է աշխատի Իրանից աֆղան փախստականների մուտքը Թուրքիա կանխելու ուղղությամբ:

Այս թեմայով Մինչև մայիսի 15-ը Ադրբեջանը և Թուրքիան կստանան նվեր Տավուշի ամենակարևոր 4 կետերը. Գեղամյան Աղմկահարույց լինեին, թե չլինեին քանդման աշխատանքները, որևէ մեկի ամառանոցը այգու մեջ չի կարող լինել Բա չիմանանք՝ 1.5 մլն ա, թե ավելի քիչ կամ ավելի շատ, եթե անունները չիմանանք՝ Թուրքիան կասի՝ չի եղել. Անդրանիկ Քոչարյան Երևանի թիվ 4 առողջության կենտրոնի «Նորք-Մարաշ» մասնաճյուղի հիմնանորոգման աշխատանքները ավարտին են մոտենում Սանահին-Ակներ ճանապարհի կառուցման աշխատանքները մոտենում են ավարտին Սահմանների հարցը չի կարելի կտրել մարդուց, դա հենց մարդու անվտանգ կյանքի, նրա իրավունքների համար է Ադրբեջանը շարունակում է սպառնալ ՀՀ-ի գոյությանը. Freedom House (տեսանյութ) Ակադեմիական քաղաքի կառուցման աշխատանքները նախատեսվում է մեկնարկել 2025-ից Երևանի քաղաքապետարանը շարունակում է պայքարը փողոցային անօրինական առևտրի դեմ Թուրքիան սահմանափակել է ավելի քան 50 անուն արդյունաբերական ապրանքների արտահանումը Իսրայել