Ինձ վրա դժվար է տպավորություն թողնել, էությամբ շատ մաքսիմալիստ եմ․ Արմինե Սարգսյան

Մեր հարցազրույցի հյուրն է բանաստեղծուհի Արմինե Սարգսյանը: 2022 թվականի փետրվարին «Նարեկացի» արվեստի միությունում տեղի ունեցավ Արմինե Սարգսյանի «Անվերադարձ հուշեր» գրքի շնորհանդեսը:

-Ինչպե՞ս կբնորոշեիք Ձեզ:

- Ներսի մանուկին չկորցրած, լի հասկացողությամբ՝ անկախ ամեն ինչից, միշտ սթափ, խենթ, կտրուկ և համարձակ:

 -Ի՞ նչ կարծիք ունեք այսօր ստեղծվող գրականության մասին։

- Եփվելու շատ փուլերով անցնող, առայժմ իր բովանդակությամբ մեզ չզարմացնող, երկար ճանապարհ պահանջող՝ դեպի զիլ գագաթնակետին հասնելու համար։

-Ո՞ւմ եք համարում Ձեր գրական ուսուցիչը։

- Բազմիցս նշել եմ իմ գրական ուսուցիչների մասին՝ Հովհաննես Գրիգորյան և Վահան Վարդանյան, ցավոք, վաղուց լուսահոգի, բայց անչափ լուսավոր մարդիկ, ովքեր իրենց գործունեությամբ և ուսուցողական մոտեցումներով շատ ճանաչողական արահետներ են բացել դեպի գրական աշխարհ։

-Եթե անուններ թվելու լինեք, ո՞ւմ անունները կնշեիք ժամանակակից հայ գրական դաշտում։

- Ժամանակակից հայ գրական դաշտում ինձ հոգեհարազատ անուններից է Արմինե Բոյաջյանը, ում գիրն իր աշխարհընկալմամբ ու լայն հորիզոններով փափուկ գրկում է իմ խառնիխուռն հոգին։

-Բնակվում և ստեղծագործում եք Գերմանիայում. օտարության մեջ հային հայ պահելը, խոստովանենք, որ հեշտ գործ չէ. ի՞նչ եք անում այս ուղղությամբ։

- Ես հստակ ջանքեր չեմ գործադրում իմ դեմքն ու տեսակը պահպանելու համար: Վստահ եմ, որ յուրաքանչյուր ուժեղ և կայուն մարդ, անկախ այն բանից, թե աշխարհի որ կետում է բնակվում, կմնա իր ակունքներին ու սկզբունքներին հավատարիմ։

-Ի՞նչ է բերում և տանում ժամանակը:

-Իմ ամենասիրելի հարցերից մեկն է... Ժամանակն ու տարածությունը չեն կարող փորձնականորեն հասկացվել, այն մեր ընդունակությունների անշրջանցելի ընկալումն է... Ժամանակը բերում ու տանում է երգեր, դեմքեր, կյանքեր:

- Ձեր հանդիպած ամենատպավորիչ մարդը:

- Ինձ վրա դժվար է տպավորություն թողնել, էությամբ շատ մաքսիմալիստ եմ ու ռեալիստ, սակայն տարիներ առաջ բավական պատահական հանդիպեցի մի ֆիլիպինուհու, մասնագիտությամբ հոգեբան և զուգահեռ քանդակագործ, ու նրա մտածելակերպի անսահման անկեղծությունը անշուշտ մեծ տպավորություն թողեց։

 - Ձեր բանաստեղծություններում մի տեսակ իրականի ու անիրականի նուրբ զուգակցում կա: Թվում է՝ իրական է, բայց հեքիաթ է… կամ հակառակը:

-Շատ դիպուկ եք զգացել իմ պոեզիան, բավական ճիշտ դիտարկեցիք: Իմ պոեզիան հենց ինքս ես եմ՝ կանգնած երկրի և երկնքի բարակ թելի վրա, որտեղ կա մի պարադոքս, հասկացված ու չհասկացված լինելու մի լաբիրինթ։

-Եվ վերջում, կիսվեք ընթերցողների հետ ձեր ստեղծագործական ծրագրերի և աշխատանքների մասին:

-Կյանքի փոփոխությունների հետևանքով ստեղծագործական դադար էր ինձ մոտ, վերջին մեկ տարում եմ սկսել համեմատ ակտիվ գործունեությունս, որն իրեն մեջ պարունակում է եվրոպահայության մեջ ավելի ջերմ կապ ստեղծել դեպի ժամանակակից գրականությունը։ Ընթացքի մեջ է նաև իմ երրորդ գրքի ծնունդը։

Այս թեմայով Հայաստանից գյուղեր ու տարածքներ զիջելը լկտի սուտ է. ԱԺ փոխնախագահ Վաշտի ավագն ու ջոկի հրամանատարը հարձակման ժամանակ անձնակազմին կարգադրել են թողնել մարտական դիրքերը Ամերիաբանկի առաքելությունն է Հայաստանը վերածել տեխնոլոգիայի և նորարարության տարածաշրջանային նոր հանգրվանի․ Արմինե Ղազարյան «Ժողովուրդ». «Ակադեմիական քաղաք» նախագիծը, Փաշինյանի կարծիքով, դժվար իրագործելի է. այն կչեղարկվի՞ ՆԱՏՕ-ի ազդեցությունն ընդլայնելու փորձերը դժվար թե կայունություն հաղորդեն. Պեսկովը՝ Ստոլտենբերգի՝ Հայաստան այցի մասին Արցախն Ադրբեջան համարող իշխանությունից այլ բան դժվար է ակնկալել. Աբրահամյան Եվրոպայի այս առաջնությունը ինձ համար դժվար ստացվեց․ Հակոբ Մկրտչյան Մյունխենում Փաշինյանը հերթական պասը տվեց Ալիևին. գոլը Հայաստանի դարպասին դժվար ուշանա Գիտեինք, որ դժվար է խաղալ Բավարիայի դեմ․ Իսակսեն Տպավորություն է՝ Ադրբեջանը որևէ հետաքրքրություն չի ցուցաբերում սահմանային կայունության ու անվտանգության ապահովման հարցում․ Փաշինյան