Ո՞ւմ են գյուղացիները «պարտական» ստեղծված խայտառակ վիճակի համար

«Հայաստանում ոռոգման ջուրը նույնքան հասանելի պետք է լինի, որքան էլեկտրական հոսանքն է տարածված և հասանելի»,- այս խոսքերի հեղինակը վարչապետի պաշտոնակատար Նիկոլ Փաշինյանն է։ Խոստումը տվել է 2018թ․ մայիսի 8-ին Ազգային ժողովում, երբ փորձում էր համոզել, որ ինքը կլինի լավագույն վարչապետը` բոլոր առումներով։

2019-ին և նախորդ տարի ոռոգման ջուր չեղավ, Փաշինյանի կառավարությունը ոռոգման սեզոնի ավարտին միայն թույլ տվեց Սևանից ջրառ անել, և գյուղատնտեսությունը մոտ երկնիշ անկում գրանցեց, ինչը բացառիկ էր։ Ջրային կոմիտեի այն ժամանակվա նախագահ Ինեսա Գաբոյանը, իհարկե, չընդունեց իր մեղքն ու թերացումը այս հարցում, սակայն այդ մեղքն ու թերացումը այնքան ակնհայտ են, որ վերջինս շուտով ազատվեց պաշտոնից. մեղավորներ էին անհրաժեշտ` բացի Փաշինյանից:

Փաշինյանը, ըստ էության, խաբել է գյուղացիներին և շարունակում է դա անել նաև այսօր: Հեղափոխության օրերին նա խոստանում էր ջրել գյուղացիների վարկերը, դառնալով վարչապետ` նա հայտարարեց, որ նման քայլի գնալը նպատակահարմար չէ: Իսկ այն ժամանակվա ԿԲ նախագահ Արթուր Ջավադյանը Ֆիզիկական անձանց տրամադրված գյուղացիական վարկերի, ինչպես նաև սպառողական վարկերի տույժերի և տուգանքների զիջման հետ կապված իրական և գործուն քայլեր ու միջոցառումներ այդպես էլ չարեց: Նույնը կարելի է ասել նաև ԿԲ գործող ղեկավար Մարտին Գալստյանի մասին:

Նա խոստանում էր անձամբ գնալ ՋԸՕ պետերի տները և ձեռքներից բռնած դուրս շպրտել, եթե վերջիններս օրենք խախտեն: Չնայած գյուղացիների շարունակվող բողոքների` քանի՞ ՋԸՕ պետի ձեռք բռնեց այս իշխանությունը: ՋԸՕ-ը դարձան էլ ավելի մեծ սկանդալների առարկա և դրանց համար սկսեցին պայքարել արդեն ՔՊ-ականները: Այսպես՝ 2019 թվականին Արմավիրի ՋԸՕ-ի վերակառուցումը ուղեկցվեց մեծ սկանդալով: Մամուլը գրում էր, որ խնդիրը ոչ թե ՋՕԸ-ի վերակազմավորումն էր, այլ այն, որ դեռևս որոշումը չկայացած, արդեն հայտնվել էին ՋՕԸ-ի ղեկավարի հավակնորդներ և հովանավորներ: Արմավիրի քաղաքապետ Դավիթ Խուդաթյանը այս պաշտոնի համար լոբբինգ էր անում իր մերձավոր Սիրաք Սարգսյանի համար: Ավելին՝ Արմավիրի մարզի Քարակերտ գյուղի «Թալին» ՋՕԸ-ում հնչած կրակոցի գործով որպես կասկածյալ է ներգրավվել Տավրոս Սափեյանը, որից հետո մեղադրանքը հանեցին, իրեն էլ դարձրին Թալինի քաղաքապետ:

Փաշինյանը խոստանում էր, որ գյուղացին բերքը իրացնելու հետ որևէ խնդիր չի ունենալու, այնուհետև ի հայտ եկավ կոնֆլիկտը մթերող ընկերությունների, նույն Սպայկայի հետ, ինչի արդյունքում տուժեց միայն ու միայն գյուղացին: Փոխարենը` Փաշինյանը իրագործեց սպանդանոցների կառուցման ծրագիրը, ինչը, ի դեպ, չէր խոստացել և ինչին, ի դեպ, գյուղացիները դեմ էին: Որքան էլ որ էկոնոմիկայի նախարար Վահան Քերոբյանը խոստանում էր լուծել առաջացող հարցերը՝ դրանք լուծում չգտան, ավելին` այսօր արդեն ի հայտ է եկել պարարտանյութի լուրջ խնդիր, սակայն գյուղացիներին սուբսիդավորելու փոխարեն նախարարը որոշել է սուբսիդավորել այն ներկրող օլիգարխների բիզնեսները:

Իր հերթին ՏՄՊՊՀ-ն, որը պետք է կանխեր շուկայում չարաշահումները, վեր հաներ դրանք, գյուղացիներին հայտարարեց, որ որևէ կրիմինալ չկա այն բանում, որ պարարտանյութի մի պարկը տաս անգամ աճել է գնի մեջ: Ըստ էության, ՏՄՊՊՀ-ն` Գեղամ Գևորգյանի ղեկավարությամբ, նույնպես երես թեքեց գյուղացիներից:

Այսքանից հետո իշխանությունները զարմանում են, որ գյուղացիները չեն վստահում իրենց և խնդիրները լուծելու տարբերակ են ընտրում բողոքի ակցիաները, ճանապարհներ փակելը: Գյուղացիներին ճոխ խոստումներ տալով իշխանության եկածները այսօր ամուր բռնել են այդ նույն գյուղացուն տարիներ շարունակ կեղեքողների ձեռքը, իսկ խաբված գյուղացին մնացել է միայնակ՝ իր խնդիրների հետ դեմ հանդիման....

Այս թեմայով Իշխանությունների 20 քայլն՝ ընդդեմ Հայ Դատի Նիկոլ Փաշինյանը լուսանկար է հրապարակել տիկնոջ հետ Երկու քարի արանքում. ո՞ւմ ի վերջո «կքցի» Փաշինյանը Գազի գինը կարող է բարձրանալ. Փաշինյանի միակողմանի զիջումների հետևանքը Փաշինյանը և ՀՀ-Ֆրանսիա բարեկամական խմբի ղեկավարը քննարկել են Տավուշում սահմանազատման գործընթացը Էս քո համար ա հող, պարոն Փաշինյան, մեզ համար սրբազան հայրենիք ա. նոյեմբերյանցի (տեսանյութ) Եթե այսպես շարունակվի՝ վերամասնակցությունը ՀԱՊԿ–ում դառնա գործնականում անհնարին․ Փաշինյան 48 ժամը լրացել է․ Միհրան Պողոսյանը պատրաստվում է իշխանափոխություն անել Պատրաստ ենք քայլեր ձեռնարկել, որ «ադրբեջանական գյուղերում» ապրելը հնարավոր դառնա․ Փաշինյան 29,743 քառ. կմ տարածքից անդին ՀՀ-ն հավակնություններ չունի ոչ մի ուղղությամբ. Փաշինյան