«Հայաստանյան ընդդիմությունը ակտիվ գործողությունների պետք է անցնի. Արցախն այլ ելք չի թողնում»

Ընդդիմությունն ինչ-որ մի բան նախապատրաստում է: Այս մասին ԼՈՒՐԵՐ.com -ի հետ զրույցում ասաց քաղտեխնոլոգ Վիգեն Հակոբյանը:

Նա այն կարծիքին է, որ ընդդիմությունն իր բողոքի ակցիաներն ուշացնում է՝ հասկանալու համար՝ Մոսկվայում ինչ կարող է լինել Փաշինյան-Պուտին հնարավոր հանդիպումից հետո:

«ԱԺ-ում հայտնի սկանդալային հայտարարություններից հետո շատերը ընդդիմության կողմից սպասում էին ավելի ակտիվ գործընթացների, և հիմա, երբ չկան նման գործընթացներ, նշանակում է կամ ընդդիմությունը հստակ գիտի՝ ինչ է անելու մոտակա օրերին և չի շտապում հայտարերել այդ մասին, կամ սպասում է հետագա զարգացումներին»,- ընդգծեց քաղտեխնոլոգը:

Անդրադառնալով  Արցախի ԱԺ-ի երեկվա հայտարարությանը՝ մեր զրուցակիցն ասաց՝ գնդակն այս պահին հայաստանյան քաղաքական դաշտում է, սպասում են պատասխանի. «Արցախը բացահայտ արտահայտեց իր կարծիքը իշխանության կողմից առաջարկվող կոնցեպտների շուրջ. իր կոշտ անհամաձայնությունը հայտնեց ՝ օգնություն խնդրելով Հայաստանից, որպեսզի իրեն մենակ չթողնի: Այդ հայտարարությունն ընդունելով՝ Արցախն այլ ելք չի թողնում հայաստանյան ընդդիմությանը, քան որևէ ակտիվ գործողությունների անցնելու»,- ասաց Վիգեն Հակոբյանը:

Հարցին, ինչ պետք է աներ ընդդիմությունը որ չի արել, նա նշեց՝ պետք է միշտ ունենար զանգվածների ռեսուրս, որոնք միշտ պատրաստ կլինեին առաջին իսկ կոչով փողոցում լինելու՝ մոտ 7-8 հազար հոգի. «Ընդդիմությունն ունի նման պոտենցիալ,  քանի որ իրեն ընտրել է մոտավորապես 400.000 մարդ: Նրանք պետք է անընդմեջ աշխատեին և ունեինային միշտ պատրաստ այդպիսի զանգված»,-ընդգծեց նա:

Հետաքրքրվեցինք՝ արդյոք զանգվածային ակցիաների միջոցով կլինի այդ ցանկալի արդյունքը, այն դեպքում, երբ ընդդիմությանը ձայն տված գրեթե կեսը հիասթափված է, քաղտեխնոլոգն ասաց. «Եթե սկսում ես ակցիաների շրջան, ապա դրանք պետք է լինեն հետևողական և անժամկետ: Հիասթափությունը արագ անցնում է, երբ տեսնում են, որ իրենց նախընտրած քաղաքական թիմը սկսում է նորից ճիշտ գործով զբաղվել, որի հեռանկարը հստակ երևում է»: 

Զվարթ Պետրոսյան

Այս թեմայով Իսակովի պողոտայից ակցիայի մասնակից 12 անձ է բերման ենթարկվել (տեսանյութ) Վաղը Կառավարության շենքի դիմաց նախատեսվում է բողոքի ակցիա․ Արսեն Նիկողոսյան Ընդդիմադիր պատգամավորներն այցելել են Կիրանցում ակցիա իրականացնողներին (տեսանյութ) Քաղաքացիները փակում են Բագրատաշենի ճանապարհը․ ուղիղ Բողոքի ակցիա Կառավարության դիմաց (տեսանյութ) Ակցիա՝ Կառավարության մոտ․ ինչ են պահանջում մարդիկ (տեսանյութ) Պարտվել ես, գնա՛. ակցիա` Կառավարության մոտ (տեսանյութ) «Ազատություն քաղբանտարկյալներին», «ընդդեմ երկակի ստանդարտների». ակցիա ԵՄ պատվիրակության գրասենյակի դիմաց ԱԱԾ սևազգեստ հատուկջոկատայինները ժամանեցին Ոսկեպարի եկեղեցուն հարակից տարածք, որտեղ բողոքի ակցիա է ընթանում (տեսանյութ) Stop_nikol ակցիան կառավարության շենքի դիմաց. այս պահին ընթանում է նաև կառավարության նիստը (տեսանյութ)