Եթե արցախցիների անվտանգության երաշխիքներ ստանանք նաև ՄԱԿ-ից, բացառում եմ՝ Ադրբեջանը կարողանա որևէ բան անել․ Ալեքսանյան

Ազգային ժողովում Արցախի կարգավիճակի մասին վարչապետ Նիկոլ Փաշինյանի ելույթն այն մասին էր, որ Արցախի բնակչության անվտանգության հարցում գործող երաշխիքները բավարար չեն, որովհետև գործող երաշխիքներով տեղի են ունենում միջադեպեր, ինչպիսին եղավ Ասկերանի Փարուխ գյուղում, երբ հակառակորդի զինուժն առաջ եկավ։

Այս մասին Հանրային հեռուստաընկերության եթերում հայտարարեց ՀՀ ԱԺ «Քաղաքացիական պայմանագիր» խմբակցության պատգամավոր Վահագն Ալեքսանյանը՝ պատասխանելով հարցին, թե ինչ երաշխիք կա, որ եթե մենք Արցախի կարգավիճակի նշաձողը իջեցնենք, ապա  դրանից մեկ ամիս հետո Ադրբեջանը պատրվակ չի գտնի առաջ գալու, քանզի Ադրբեջանը բազմից ապացուցել է, որ չի պահում պայմանավորվածությունները։

«Ոչ մեկ չի ապահովագրել մեզ նոր փարուխներից, ու խոսքը հենց այդ երաշխիքները մեծացնելու, այդ երաշխիքների շուրջ միջազգային ավելի լայն կոնսոլիդացիա ապահովելու մասին էր։ Այսինքն՝ հիմա զուտ տեսական մակարդակի օրինակով եմ խոսում, օրինակ՝ ԵԱՀԿ Մինսկի խմբի երեք համանախագահների երաշխավորությունը շատ ավելի լավ է ու շատ ավելի բարձր երաշխիք է, քան միայն մեկինը։ Էլ չեմ խոսում այլ միջազգային կառույցների, այդ թվում՝ ՄԱԿ–ի մասին։ Եթե մենք ստանանք նաև ՄԱԿ–ի երաշխիքներ, ես, օրինակ, բացառում եմ, որ Ադրբեջանը կկարողանա ինչ–որ բան անել»,– ասել է նա։

Հարցին, թե արդյոք պատգամավորը հիշում է, թե ովքեր էին երաշխավորում Ուկրաինայի տարածքային ամբողջականությունը, երբ Ուկրաինան համաձայնեց ատոմային զենքից հրաժարվել, Վահագն Ալեքսանյանն ասել է, որ «մենք խնդիր ունենք հիմա նոր փարուխներ թույլ չտալու»։

«Մենք խնդիր ունենք, վերջապես այս հարցը լուծելու ու լուծելու այնպես, որ Լեռնային Ղարաբաղի ժողովուրդը, հայ ժողովուրդը Լեռնային Ղարաբաղի ունենա հնարավորություն, ունենա իրավունք անվտանգ ապրելու իր պատմական հայրենիքում։ Ու բոլոր նրանք, ովքեր խոսում են այս օրակարգի դեմ, իրենց առաջարկած այլընտրանքը ես մինչև հիմա չեմ տեսել»,– ասել է նա։

Դիտարկմանը, որ ընդդիմությունը իշխանության մեղադրում է Արցախի անկախության գաղափարից հրաժարվելու մեջ, Վահագն Ալեքսանյանն ասել է․«Մենք առաջնահերթ ենք համարում Արցախի քաղաքացիների անվտանգության երաշխիքները, իրավունքներն ու ազատությունները»։

Հարցին, թե ինչպես կարող է Արցախը, արցախցին անվտանգ ապրել Ադրբեջանի հետ, ով պիտի նման երաշխիքներ տա, պատգամավորը պատասխանել է, թե նման երաշխիքներ կարող է տալ ԱՄՆ–ն, Ռուսաստանը, Ֆրանսիան, ՄԱԿ–ի Անվտանգության խորհուրդը, Եվրոպական միությունը, միջազգային մոնիտորինգային խմբերը։

Այս թեմայով «Այսօր Հայաստանը մեր բոլորիս աջակցության կարիք ունի»․ Վահագն Չախալյանը երթ է իրականացնում (տեսանյութ) Stop_nikol ակցիան կառավարության շենքի դիմաց. այս պահին ընթանում է նաև կառավարության նիստը (տեսանյութ) Վահագն Խաչատուրյանն ընդունել է Սիրիայի արտակարգ և լիազոր դեսպան Նորա Արիսյանին Վահագն Խաչատուրյանին իր հավատարմագրերն է հանձնել Հայաստանում Հարավային Աֆրիկայի Հանրապետության դեսպան Շոայբ Կասուն Վաղը՝ ժամը 12։00-ին, միացեք կառավարության դիմաց բողոքի ակցիային. իրենք 1+1 եկան, իրենց հնարավոր է կանգնեցնել 1+1-ով. Վահագն Չախալյան Հինգշաբթի օրը` ժամը 12։00-ին, միացեք կառավարության դիմաց մեր բողոքի ակցիային. Վահագն Չախալյան Կասիմ-Ժոմարտ Տոկաևը Վահագն Խաչատուրյանին հրավիրել է այցելել Ղազախստան STOP_NIKOL. Վահագն Չախալյանը բերման է ենթարկվել ակցիա անելու համար Վահագն Հովակիմյանի ընտրությունը ՀՀ ԿԸՀ նախագահի պաշտոնում անհանգստացրել է քաղաքացիական հասարակությանը. զեկույց Մայր Աթոռն առնվազն խախտել է պատվիրաններից մեկը՝ «մի՛ ստիր»-ը․ Վահագն Ալեքսանյան