Կարեն Անդրեասյանը և Դմիտրի Արիստովը կարևորել են հարկադիր կատարման համակարգում թվային տեխնոլոգիաները

ՀՀ վարչապետ Նիկոլ Փաշինյանի՝ Ռուսաստանի Դաշնություն կատարած պաշտոնական այցի շրջանակներում, ՀՀ Արդարադատության նախարար Կարեն Անդրեասյանի և ՌԴ Դատական կարգադրիչների ծառայության տնօրեն Դմիտրի Արիստովի կողմից ստորագրվել է «ՀՀ Արդարադատության նախարարության Հարկադիր կատարումն ապահովող ծառայության և ՌԴ Դատական կարգադրիչների դաշնային ծառայության միջև համագործակցության ծրագիրը»:

Ծրագրի շրջանակներում կողմերը պայմանավորվածություն են ձեռք բերել 2022-2023թթ.-ին իրականացնել մի շարք փոխադարձ այցեր, այդ թվում.

Դատական կարգադրիչների դաշնային ծառայության պատվիրակության այց Հայաստանի Հանրապետության Արդարադատության նախարարության Հարկադիր կատարումն ապահովող ծառայություն՝ դատական ակտերի հարկադիր կատարման աշխատանքներին ծանոթանալու նպատակով:

Հայաստանի Հանրապետության Արդարադատության նախարարության Հարկադիր կատարումն ապահովող ծառայության պատվիրակության մասնակցություն՝ հարկադիր կատարման հարցերով առաջին միջազգային ֆորումին:

Արդարադատության նախարար Կարեն Անդրեասյանն անդրադարձել է նաև Հարկադիր կատարումն ապահովող ծառայության ոլորտում իրականացվող բարեփոխումներին՝ առավելապես ընդգծելով թվային տեխնոլոգիաների ներդրման անհրաժեշտությունը:

Հանդիպման ընթացքում կողմերը պատրաստակամություն են հայտնել քայլեր ձեռնարկել իրենց ղեկավարած գերատեսչությունների միջև համագործակցությունը խորացնելու ուղղությամբ, որը կնպաստի նաև Հարկադիր կատարման ծառայության բարեփոխմանը:

Այս թեմայով Այսօր Հայաստանի ազգային հերոս Կարեն Դեմիրճյանը կդառնար 91 տարեկան (տեսանյութ) Կարեն Դեմիրճյանն այսօր կդառնար 92 տարեկան Փաշինյանը Ժաննա Անդրեասյանին գործուղում է Լոնդոն Կարեն Խաչանովը պահպանել է դիրքը ATP դասակարգման աղյուսակում Ցիցիպասը դուրս թողեց Կարեն Խաչանովին Մոնտե Կարլոյի մրցաշարից «Հայոց պատմության» դասագրքի անվանափոխությունը ուղղված է հենց իրական հայրենքի խնդրին. Անդրեասյան Դպրոցներում տարհանման կարիք չկա, իրավապահներն աշխատում են. Ժաննա Անդրեասյան Փաշինյանը Ժաննա Անդրեասյանին գործուղում է Թուրքմենստան Կարեն Սարգսյանն ազատվել է պաշտոնից «Կրոկուսի» ահաբեկչության ժամանակ մի խումբ մարդկանց փրկած Կարեն Ենգիբարյանը մահացել է