Սիրելի քաղաքացի, քեզ փորձելու են համոզել, որ դու սխալվել ես․ Վահագն Ալեքսանյան

Այսօր լրանում է 4 տարին, որ Հայաստանի Հանրապետության քաղաքացին դուրս եկավ փողոց հանուն ժողովրդավարության, հանուն իր իրավունքների, հանուն պետականությունն ու ժողովրդին քամող կոռուպցիոն մեքենայի մերժման։ Այս մասին ֆեյսբուքյան իր էջում գրել է ԱԺ պատգամավոր Վահագն Ալեքսանյանը։

«Քաղաքացին դուրս եկավ ու թելադրեց իր կամքը, թելադրեց իր իշխանությունը, իր կանոնները։

Այսօր, սիրելի քաղաքացի, քեզ փորձելու են համոզել, որ դու սխալվել ես։ Սխալվել ես, երբ ելել ես անարդարության դեմ, երբ ելել ես կոռուպցիայի դեմ, երբ ելել ես թալանի դեմ։

Փորձելու են համոզել, որ հենց քո այդ պայքարն ու պայքարում քո տարած հաղթանակն էին պատճառը, որ տեղի ունեցավ պատերազմական պարտությունը։ Փորձելու են համոզել, որ եթե ինքդ քեզ որոշողի ու կամ արժեքավոր մեկի տեղ չդնեիր, թողնեիր, որ մարդիկ Բադեն-Բադենի կազինոներից Տանզանիայի առյուծի որսի սավաննաներ ու հակառակ ուղղություններով կյանք վայելեին, իրենց փեսաներն էլ տարբեր ստրատեգիական նշանակության պետական օբյեկտներ գրպանեին ջրի գնով, քավորներն ու սանիկները էս կամ էն ապրանքի ներմուծման մենաշնորհն ունենային երկրում, որդիները, եղբայրների որդիները կամ չծառայեին բանակում, կամ Երևանում մի զորամասի վրա գրանցված կյանք վայելեին, ԴԱՀԿ պետերը պանամաներում 700 և ավել միլիոն դոլար ունենային պահած, այ այդ ժամանակ վստահաբար պատերազմում պարտությունը տեղի չէր ունենա։ Քեզ, սիրելի քաղաքացի, սա փորձելու են համոզել անդադար, փորձելու են համոզել չտեսնված լկտիությամբ։

Բայց ես վստահ եմ, որ դու դրան չես հավատալու։ Չես հավատալու ոչ էն պատճառով, որ հիմա Հայաստանում կա անսախալական ու կամ իդեալական կառավարող կուսակցություն, այլ այն պատճառով, որ Հայաստանում այլևս դու ես ընտրում կառավարող ուժը, ու դու այս ու հաջորդ բոլոր կառավարող ուժերին փոխելու ես միայն ավելի լավով ու միայն քո կամքով, իսկ սեփական կերակրատաշտը կարոտած ու դրան վերադառնալու համար Բայրաքթարի ամբասադոր դարձած ողբի սպեկուլյանտները հավերժ մնալու են էնտեղ, ուր դու նրանց ուղարկել ես 2018-ին»,-գրել է նա։

Այս թեմայով Stop_nikol ակցիան կառավարության շենքի դիմաց. այս պահին ընթանում է նաև կառավարության նիստը (տեսանյութ) Վահագն Խաչատուրյանն ընդունել է Սիրիայի արտակարգ և լիազոր դեսպան Նորա Արիսյանին Վահագն Խաչատուրյանին իր հավատարմագրերն է հանձնել Հայաստանում Հարավային Աֆրիկայի Հանրապետության դեսպան Շոայբ Կասուն Վաղը՝ ժամը 12։00-ին, միացեք կառավարության դիմաց բողոքի ակցիային. իրենք 1+1 եկան, իրենց հնարավոր է կանգնեցնել 1+1-ով. Վահագն Չախալյան Հինգշաբթի օրը` ժամը 12։00-ին, միացեք կառավարության դիմաց մեր բողոքի ակցիային. Վահագն Չախալյան Կասիմ-Ժոմարտ Տոկաևը Վահագն Խաչատուրյանին հրավիրել է այցելել Ղազախստան STOP_NIKOL. Վահագն Չախալյանը բերման է ենթարկվել ակցիա անելու համար Վահագն Հովակիմյանի ընտրությունը ՀՀ ԿԸՀ նախագահի պաշտոնում անհանգստացրել է քաղաքացիական հասարակությանը. զեկույց Մայր Աթոռն առնվազն խախտել է պատվիրաններից մեկը՝ «մի՛ ստիր»-ը․ Վահագն Ալեքսանյան Սամվել Ալեքսանյանին պատկանող գործարանում բռնկված հրդեհը մարվել է