Ժամանակը չպետք է տարրալուծի պատմական հիշողությունը․ արգենտինացի փոխնախարարի ուղերձը՝ Ցեղասպանության տարելիցի կապակցությամբ

Արգենտինայի արտաքին հարաբերությունների, միջազգային առևտրի և պաշտամունքի նախարարի տեղակալ Պաբլո Տետամանտին ուղերձ է հղել Հայոց ցեղասպանության 107-րդ տարելիցի կապակցությամբ։ «Արմենպրես»-ին տրամադրած ուղերձում, մասնավորապես, ասված է․

«Արգենտինայում այսօր «Գործողություն՝ հանուն ժողովուրդների միջեւ հանդուրժողականության եւ հարգանքի» օրն է՝ 2008թ. թիվ 26199 օրենքի դրույթների համաձայն՝ ի հիշատակումն հարյուր հազարավոր հայերի ցեղասպանության, որը մեկնարկեց 1915թ. ապրիլի 24-ին։

Ժամանակը չպետք է տարրալուծի պատմական հիշողությունը։ Այդ հիշողությունը հանդիսանում է ավելի լավ աշխարհում ապրելու հստակ որոշման ապացույց, որտեղ տարաձայնությունները լուծվում են երկխոսության միջոցով եւ խաղաղ մեթոդներով՝ լսելով դիմացինին եւ հարգելով կյանքը։ Այդ հիշողությունը հանդիսանում է այն հարգանքը եւ պատիվը, որին զոհերն արժանի են։ Արգենտինայի եւ Հայաստանի միջեւ հարաբերույթուններն անկեղծ բարեկամության հարաբերություններ են։ 1915 թվականից ի վեր բազմաթիվ հայ վերապրածներ եկան Արգենտինա՝ փնտրելով խաղաղություն եւ բարեկեցիկ ապագա։ Այդ տղամարդիկ եւ կանայք փայլուն հայ համայնքի ներկայացուցիչներն են, որն արգենտինական հասարակության անբաժանելի մասն է կազմում։ Այդ առաջամարտիկներն ազնվորեն ծառայեցրեցին իրենց աշխատանքը, ազնվությունն ու տաղանդները իրենց հյուրընկալած երկրին։ Այստեղ մեծացան նրանց ժառանգները, այստեղ մշակեցին հողը, կառուցեցին գործարաններ, աչքի ընկան արվեստում, գիտություններում, սպորտում՝ այդպես նպաստելով իրենց նոր երկրի աճին, չմոռանալով իրենց նախնիների Հայրենիքի մասին։ Այսօր, ինչպես յուրաքանչյուր ապրիլի 24-ին, Արգենտինայի կառավարությունը հարգում է Ցեղասպանության զոհերի հիշատակը՝ մի ժեստով, որը վերահաստատում է մեր իրական հանձնառությունը մարդու իրավունքներին եւ Հայաստանի հանդեպ ջերմ վերաբերմունքը։  Խաղաղություն եւ բարեկեցություն հայերին»։

Այս թեմայով ԱԳՆ-ն Միրզոյանի՝ Սաուդյան Արաբիայի Թագավորություն այցը պատմական է որակել Մարդիկ վիրավորված են, որ իրենց ապրած կյանքը բաժանում եք իրական Հայաստանի և պատմական Հայաստանի միջև ԱՄՆ-ի կողմից Հայոց ցեղասպանության ճանաչմանն ու դատապարտմանը պետք է հետևեն իրական հետևանքներ․ Ադամ Շիֆ Սինջարում եզդիների նահատակությունը Հայոց ցեղասպանության կրկնությունն է՝ մեկ դար տարբերությամբ․ Հայաստանում Ֆրանսիայի դեսպան Հայաստանում օգոստոսի 3-ը կնշվի որպես եզդիների ցեղասպանության զոհերի հիշատակի օր ԱԺ-ն մեկ րոպե լռությամբ հարգեց ցեղասպանության ենթարկված բոլոր ժողովուրդների զոհերի հիշատակը Ցեղասպանության զոհերի անվանացանկի թեման պատմականորեն եղել է թուրքական քաղաքականության ուղեգիծը. Էդգար Էլբակյան Զորյան ինստիտուտն Արիզոնայի համալսարանում կներկայացնի Հայոց ցեղասպանության պատմությունը Սփյուռքում դրա դիմաց խալիներ փռող, Ցեղասպանություն վերապրածների ժառանգներ, լա՞վ եք. Ռուբեն Մխիթարյան Առաջարկվում է Հայաստանում օգոստոսի 3-ը նշել որպես եզդիների ցեղասպանության զոհերի հիշատակի օր