Հայ ժողովրդին ցանկանում ենք փայլուն ապագա, ՀՀ-ին՝ խաղաղություն. Սիրիայի խորհրդարանականները այցելեցին Ծիծեռնակաբերդ

Սիրիայի Արաբական Հանրապետության խորհրդարանի պատգամավորները այսօր՝ ապրիլի 24-ին, այցելեցին Հայոց Ցեղասպանության հուշահամալիր՝ հարգանքի տուրք մատուցելու 1915 թ. Մեծ Եղեռնի զոհերի հիշատակին: Սիրիայի Ժողովրդական խորհրդի պատգամավոր շեյխ Տալալ Ալ-Խալիլը, որը նաև Հայաստան-Սիրիա խորհրդարանական բարեկամական խմբի անդամ է, «Արմենպրես»-ին հայտնեց, որ իրենք եկել Հայաստան մասնակցելու Մեծ Եղեռնի զոհերի ոգեկոչման միջոցառումներին, քանի որ հայերն ու սիրիացիները բարեկամ ժողովուրդներ են, որոնց միավորում է անցյալի դարավոր պատմությունը:

«Եկել ենք, որպեսզի հայ ազգի հետ միասին կիսենք այդ մեծ վիշտը և նշենք Հայոց ցեղասպանության տարելիցը: Հայ ազգին ցանկանում ենք հաջողություն և փայլուն ապագա, իսկ Հայաստանի Հանրապետությանը՝ խաղաղություն», - նշեց սիրիացի պատգամավորը:

Սիրիական պատվիրակության կազմում էր նաև Սիրիայի խորհրդարանի հայազգի պատգամավոր, Հայաստան-Սիրիա խորհրդարանական բարեկամական խմբի ղեկավար Լյուսի Իսկանյանը: Սիրիահայ գործիչը խոսեց ամբողջ արաբական աշխարհի կողմից Հայոց ցեղասպանության ճանաչման հեռանկարների մասին՝ նկատի ունենալով այն փաստը, որ առայժմ արաբական երկրներից միայն Լիբանանը և Սիրիան են ճանաչել Հայոց ցեղասպանությունը:

«Սիրիայի պարագայում ինքը վկան է այն ամենի, ինչ եղավ հայերի հետ: Ուրեմն իր խոստովանելը եղավ գործով խոսքից առաջ: Լիբանանի պարագայում Սիրիայի մասն է եղել եւ այժմ էլ իրար հետ սերտորեն կապված են: Մնացած արաբական երկրները պիտի խոստովանեն, երբ ավելի լավ ձևով ներկայացնենք իրենց մեր հարցը, և նրանք ավելի լավ իմանան հայերի իրավունքների մասին, որ շուրջ 1 մլն 700 հազար կամ նույնիսկ մեկուկեսից երկու միլիոն հայ Թուրքիայի զոհը դարձան, եւ ցեղասպանության ճանաչելը օգտակար կդառնա, որպեսզի երկրորդ անգամ չկրկնվեն այսպիսի մարդասպանությունները կամ ցեղասպանությունները: Ուրեմն մենք պիտի կարողանանք պաշտպանել ամբողջ մարդկությունը այդ վտանգից և ոճրից եւ ոչ միայն մեր զոհերի իրավունքը դարձնենք», -հաղորդեց Լյուսի Իսկանյանը:

Պատգամավոր Յասեր Ալ-Սալաման իր հերթին շեշտեց, որ իրենք մշտապես բարձրացնում են Հայոց ցեղասպանության ավելի լայն ճանաչման հարցը ե՛ւ կառավարության, ե՛ւ ժողովրդի մակարդակով:

«Մենք ընդունել եւ ճանաչել ենք Հայոց ցեղասպանությունը եւ մինչև օրս էլ հաստատուն կանգնած ենք մնում մեր դիրքերում, շարունակում ենք աջակցել մեր ընդունած դիրքորոշմանը: Եւ զարմանալի չէ, որ Թուրքիայի կողմից այդպիսի գործողություններ են իրականացվել, քանի որ մենք ինքներս ականատես ենք եղել Թուրքիայի միջնորդությամբ տարբեր ահաբեկչական տարրերի ներգրավմանը և մեր երկիր ներխուժելուն, ինչը խիստ դատապարտելի է», - նշեց Սիրիայի խորհրդարանի պատգամավորը:

Սիրիան ճանաչել է Հայոց ցեղասպանությունը խորհրդարանի մակարդակով: 2020 թ. փետրվարի 13-ին Սիրիայի Ժողովրդական խորհուրդը միաձայն ընդունեց Հայոց ցեղասպանությունը ճանաչող եւ դատապարտող բանաձևը՝ շեշտելով, որ սիրիացի ժողովուրդը դարձել է այդ ոճրի ականատեսը, երբ 19-րդ դարի վերջին և 20-րդ դարի սկզբին թուրք-օսմանցիների հրամանով տեղի ունեցավ 1,5 մլն հայերի կանխամտածված ցեղասպանությունը: Դրանից հինգ տարի առաջ՝ 2015 թ. մարտի 17-ին, Սիրիայի խորհրդարանը հատուկ նիստ էր գումարել՝ նվիրված Հայոց ցեղասպանության 100-րդ տարելիցին:

Այս թեմայով Վահագն Խաչատուրյանն ընդունել է Սիրիայի արտակարգ և լիազոր դեսպան Նորա Արիսյանին Ջերմ շնորհավորանքներ եմ հղում Ձեզ և Սիրիայի ժողովրդին Սիրիայի ազգային տոնի՝ Անկախության օրվա առթիվ Արևմուտքը չի ցանկանում, որ իրականացվեն ՌԴ-ի օգնությամբ Հայաստանի և Ադրբեջանի միջև ձեռք բերված պայմանավորվածությունները. Լավրով Հայաստանն ապագա ունի՛, Փաշինյանը Հայաստանում ապագա չունի՛․ չվախենա՛լ, չընկրկե՛լ, չհուսահատվե՛լ. Անդրանիկ Թեւանյան Ապագա Հայաստանի հաղթանակի շարժիչ ուժը երիտասարդությունն է․ Արմեն Մկրտչյան (տեսանյութ, լուսանկարներ) Բռնապետ Պուտինը ցանկանում էր գրավել Խարկովը, քանի որ նրա համար դա մեծ խորհրդանիշ է. Զելենսկի Վարչապետի ելույթը ճշմարտություն է, որն ապագա է փոխում. Ալեն Սիմոնյան Սիրե′ք ՀՀ-ն, սիրե′ք մեր ժողովրդին և փորձեք օգտակար լինել մեր երկրի հզորացմանը․ Արման Վարդանյանը՝ երիտասարդներին (տեսանյութ, լուսանկարներ) Իսրայելը հայտարարել է, որ պատերազմ չի ցանկանում Իրանի և Լիբանանի հետ, բայց հարձակման դեպքում պատրաստ է դրան Ֆրանսիան Հայաստանին տրամադրում է ռազմական տեխնիկա, որը բոլորը շատ են ցանկանում ստանալ․ դեսպան Դըկոտինյի