2021թ․-ին 2018թ․-ի համեմատ Հայաստանում տրանսգենդերների թիվը աճել է 676, իսկ նույնասեռականների թիվը՝ 150 տոկոսով․ Արա Զոհրաբյան

Ազատագրական շարժումը նոր նախաձեռնություն է սկսել՝ «Ազատագրում այլասերումից»։ Հանրապետության հրապարակում, հերթական ակցիայի իրականացման ընթացքում, շարժման անդամ Արա Զոհրաբյանը պարզաբանելով, թե ինչու են նախաձեռնությունն անվանել «Ազատագրում այլասերումից», ասաց․ «Դուք լավ գիտեք, որ 2018թ․-ից այլասերվածության հետ կապված նոր քաղաքականություն սկսեց իրականացնել  այս իշխանությունը։ Այդ ընթացքում մենք ականատեսը եղանք մի շարք իրադարձությունների», փոխանցում է Panorama.am-ը:

Նա  հիշեցրեց, որ իշխանության գալուց հետո սկսեցին վավերացնել Ստամբուլյան կոնվենցիան, որն իբրև ընտանեկան պաշտպանությանն է վերաբերում։

«Խնդիրը կայանում է  նրանում, որ այդ կոնվենցիայով «ընտանիք» հասկացության մեջ տեղ էին գտել «զուգընկերներ» նոր հասկացությունը։ Այդ կոնվենցիայից ենթադրում էր նոր սեռ՝ «սոցիալական սեռ» հասկացությունը։ Այսինքն՝ տղամարդը կարող էր որոշել, որ ինքը կին է և հասարակությունը պետք է այդ տղմարդուն ուներ որպես կին։ Եթե մեկն ասում է՝ «ես Նապոլեոնն եմ», իրեն տանում են հոգեբուժարան, իսկ եթե  մի տղամարդ ասում է՝ « ես կին եմ», իր իրավունքներն են պաշտպանում»,- ասաց Զոհրաբյանն ու ընդգծեց, որ այս կոնվենցիայի դեմ տասն ամիս շարունակ շուրջ 75 հազար ստորագրություն է հավաքվել, որն էլ զսպել և  ճնշել է այս իշխանության ախորժակը։

Նրա խոսքով՝ իշխանությունը ստիպված է հետաձգել Ստամբուլյան կոնվենցիայի վավերացումը, թեև մտքից չի հանել։

Հաջորդ կոնվենցիան, որը  նշեց Զոհրաբյանը, Լազարոտեի կոնվենցիան էր, որը պաշտպանում է երեխաներին սեռական բռնությունից և շահագործումից։ Առաջին հայացքից հետաքրքիր թվացող այս կոնվենցիայի գաղտնիքը կայանում է նրանում, որ կոնվենցիայի մեկնաբանությունների համաձայն, երեխաներին բռնությունից պաշտպպանելու համար, մանուկ հասակից պետք է պատմել,թե ինչ է սեռական կյանքը։

«Մենք լավ գիտենք, որ մեր սահմանադրությունն էլ պաշտպանում է երեխաների մանկությունը։ Երեխան, երբ իմանում է ինչ է սեռական կյանքն, այդ պահից իր մանությունը վերանում է,- նշեց նա՝ հավելելով․-Բոլոր դեպքերում մենք լավ գիտենք, որ այս կոնվենցիաներով ի վերջո խարխլվելու է մեր ազգային շահերը»։

Արա Զոհրաբյանը նաև մի շարք ուշագրավ վիճակագրական տվյալներ ներկացնեց։ Ըստ այդմ՝ 2018թ․-ին կոմերցիոն սեռական ծառայություն մատուցող (մարմնավաճառ) կանանց թիվը 4600 է եղել, իսկ 2021թ․ին 177 տոկոսով աճել է՝ հասնելով 8140-ի։ Իսկ ահա նույնասեռականների թիվը 2018թ․-ին կազմել է 16 100, իսկ 2021թ․-ին 150 տոկոսով աճել է՝ կազմելով 22716։ Տրանսգենդեր անձանց թիվը 2018-ին կազմել է 150, իսկ 2021-ին՝ 676 տոկոսով աճել է՝ հասնելով 1015-ի։

Այս թեմայով ՀՀ «լամպուշկա» իշխանություններից պետք է պահանջել կալանքից ազատել բոլոր քաղաքական բանտարկյալներին. Զոհրաբյան Առաջիկայում շատ լուրջ քաղաքական գործընթացներ են սպասվում․ Նաիրա Զոհրաբյան ԵԽ բանաձևերը A4 ֆորմատի վրա գրված թղթեր են․ մեզ էմոցիոնալ ճառեր պետք չեն․ Զոհրաբյան Արևմտյան դեմոքրսիի լայն ապտակը Նիկոլին․ Նաիրա Զոհրաբյան ՀՀ-ն սարքել են տարածաշրջանային բոմժ ու չմո, դրել աշխարհաքաղաքական խժռման սեղանին. Զոհրաբյան Հայց է ներկայացվել ԿԳՄՍ նախարարության դեմ․ Արա Զոհրաբյան Նիկոլն իր թիմակիցներին ասաց՝ դուք զրո եք, ոչինչ չեք որոշում. Նաիրա Զոհրաբյան Սիրտս վկայում է՝ ընտրություններից առաջ Նիկոլը կալանավորելու է իր եղբորը՝ Արտակ Փաշինյանին․ Զոհրաբյան «Չեմ զարմանա, որ մի սիրուն օր էլ Նիկոլն ինքը հարցնի՝ «всё-таки, ո՞վ բերեց Նիկոլին»․ Նաիրա Զոհրաբյան «Ոչ մեկդ չեք մարսելու». Նաիրա Զոհրաբյանը՝ Աշոտյանի գործով նիստի ժամանակ (տեսանյութ)