Զեյնալյանը հոգեկան հիվանդ է. Դավիթ Ղուլունցը՝ իր և ավագանու ընդդիմադիր անդամի քաշքշուկի մասին

Այսօր մամուլում տեղեկություն էր տարածվել այն մասին, որ «Սյունիքի մարզի Տեղ համայնքում իրավիճակը լարված է՝ քաշքշուկ է տեղի ունեցել համայնքապետի, նրա կողմնակիցների եւ ավագանու ընդդիմադիր անդամ Մասիս Զեյնալյանի միջև։ Վերջինս պարբերաբար անդրադառնում է համայնքապետ Դավիթ Ղուլունցի բացթողումներին։

«Ես, իհարկե, մարզպետի մոտ անուններ չեմ տվել, բայց իր գեղմասվարը՝ Սուրիկը, եկավ, թե խի՞ ես ինձնից բողոքել` քաշքշուկ եղավ, սեռական հայհոյանքներ, ներկա էր իր տեղակալ Արմիկը Միրզոյան, ինքը՝ Դավիթ Ղուլունցը»,- նշել էր նա։

Մամուլում տեղեկություն կար նաև այն մասով, որ Զեյնալյանը ոստիկանություն չի դիմել, հացադուլ է հայտարարել համայնքապետարանի ծառի տակ՝ համայնքապետի հրաժարականի պահանջով․ «Ինձ ասում է հոգեկան, խնդրում եմ՝ հետաքննություն արեք եւ պարզեք՝ ով է հոգեկանը՝ ե՞ս, թե՞ Ղուլունցը, որը բանակում չծառայելով՝ կանտուզիայի թոշակ է ստանում: Ի՞նչ հիմքով` թող պարզեն, իր թիկունքն իր քեռին է, մտածում է, թե ինքն անպարտելի է։ Իր եղբայրն էլ ինձ սպառնում է՝ որտեղ ես եմ, դու չպիտի լինես, ինչ է թե մարզպետի մոտ բարձրաձայնել եմ նաեւ իրենց հանքերի մասին»։ Մեր զանգերին Ղուլունցը երեկ չպատասխանեց»:

Թեմայի վերաբերյալ մանրաամսներ ստանալու նպատակով ԼՈՒՐԵՐ.com-ը կապ հաստատեց Սյունիքի մարզի Տեղ համայնքի ղեկավար Դավիթ Ղուլունցի հետ, որը նշեց՝ քաշքշուկ չի եղել.

«Քաշքշուկ ընդհանրապես չի եղել, Զեյնալյանի հայրն ու մայրը ասում են, որ ինքը հոգեկան հիվանդ է: Եթե դա իր ծնողն է ասում, ապա ինչպես կարող է այդպես չլինել»,- ասաց համայնքի ղեկավարը՝ հավելելով, որ իր հարաբերությունները համայնքում որևէ մեկի հետ լարված չեն՝ անգամ Մասիսի:

Դավիթ Ղուլունցն ասաց, որ ամբողջ գյուղը գիտի՝ Մասիս Զեյնալյանը հոգեկանի հետ կապված լուրջ խնդիրներ ունի և ինքը չհասկանալով անիմաստ տեղեկություններ է տարածում:

Հետաքրքրվեցինք՝ միայն իր անվան հետ է Մասիս Զեյնալյանը ոչ ճշգրիտ պատմություններ տարածում, մեր զրուցակիցը պատասխանեց՝ ամբողջ գյուղի:

Խոսելով ավագանու ընդդիմադիր անդամի այն հայտարարության մասին, թե ինքը մի շարք բացթողումներ ունի, պատասխանեց, որ դա Մասիս Զեյնալյանը չպետք է ասի, այլ՝ ժողովուրդը:

Փորձեցինք կապ հաստատել նաև Մասիս Զեյնալյանի հետ, բայց՝ ապարդյուն:

Զվարթ Պետրոսյան

Այս թեմայով ՄԻՊ-ը կգնա ԱԱԾ մեկուսարան՝ Դավիթ Տոնոյանի հետ հանդիպելու Դադարեցրե՛ք ժողովրդին տկարամիտի տեղ դնելը, դա պարզունակ անարգություն է․ Դավիթ Սանասարյան Բաղանիսի և Ոսկեպարի բնակիչներն այս պահին ակցիա են իրականացնում Ժողովուրդը երբեք ոտքի չի կանգնի, եթե չլինի առաջնորդություն․ Դավիթ Անանյան (տեսանյութ) Դավիթ Տոնոյանի դեմ գործը քաղաքական ուղիղ հրահանգի արդյունք է․ փաստաբաններ Առաջարկում եմ Փաշինյանին անձամբ «զննել» հրթիռները. Դավիթ Տոնոյան Դավիթ Տոնոյանը կշարունակի մնալ կալանքի տակ. դատարանը մերժել է միջնորդությունը Կառավարությունը հաստատեց Դավիթ Գյուրջինյանին Բրյուսովի համալսարանի ռեկտորի պաշտոնում «Հրապարակ». ՔՊ-ականները հիշել են Սյունիքի տեղը Դավիթ Ամալյանը՝ իշխանությունների, նրան սատարողների ու լափամանի համար կռիվ անողների մասին