Իր մոտ ընկերն էր կրակողը, այսօր պետք է դիրքերից իջնեին. մանրամասներ ծառայակցի կողմից արձակված կրակոցից մահացած Սամվել Սանոյանից

Շատ հանգիստ, կիրթ խելացի, չափից դուրս հավասարակշռված երեխա էր, բացարձակ կռվարար չէր իր բույթով: Այս մասին ԼՈՒՐԵՐ.com -ի հետ զրույցում ասաց նախնական տվյալով` ծառայակցի կողմից արձակված կրակոցից մահացու հրազենային վիրավորում ստացած պարտադիր ժամկետային զինծառայող, շարքային Սամվել Սանոյանի ընտանիքի բարեկամը՝ Տիգրան Վարդանյանը: 

Վերջինս հայտնեց, որ զինվորը Գեղարքունիքի մարզի Ծովագյուղ համայնքից էր, դեռ մեկ տարին չէր լրացել, ինչ Սամվելը ծառայում էր բանակում։

«Սամվելը ընտանիքի երրորդ զավակն էր. երկու քույր, երկու եղբայր են: Վերջին անգամ 20 օր առաջ եկավ արձակուրդ, տրամադրությունը շատ բարձր էր, ոչ էլ ընկճված էր»,– նշեց մեր զրուցակիցը:

Անդրադառնալով կատարվածին, նա ասաց, որ պատահական է եղել դեպքը. «Իր մոտ ընկերն է պատահական կրակել, այսօր էլ պետք է իջնեին դիրքերից»,- ցավով նշեց Տիգրանը:

Հիշեցնենք՝ ապրիլի 28-ին՝ ժամը 19:20-ի սահմանում, նախնական տվյալով` համածառայակցի կողմից արձակված կրակոցից հրազենային վիրավորում է ստացել ՀՀ ՊՆ N զորամասի պարտադիր ժամկետային զինծառայող, շարքային Սամվել Սեդրակի Սանոյանը (ծնվ.`2002թ.): 

Հիվանդանոց տեղափոխելու ճանապարհին շարքային Սամվել Սանոյանը մահացել է: Տարվում է քննություն` դեպքի հանգամանքները լիարժեք պարզելու համար:

Զվարթ Պետրոսյան

Այս թեմայով Փաշինյանի հետ համաձայն չեմ, Ադրբեջանը դիրքեր է դրել Բերքաբերի մոտ, բայց մեր ազգից հիասթափվել Զինվորներն են իրենց գումարով հաճախ զինվորական մեքենաները նորոգում. վթարից տուժածի մայր Ոսկեպարում միասնական աղոթք հնչեց վթարի հետևանքով զոհված զինվորների հիշատակի համար Սուրբ Գայանե վանքում կկատարվի հոգեհանգստյան կարգ վթարից զոհված զինծառայողների համար Վթարի հետևանքով տուժած զինծառայողների հարազատները հավաքվել են «Մուրացան» հոսպիտալի մոտ (տեսանյութ) Վթարի հետևանքով մահացած բոլոր չորս զինծառայողները ժամկետայիններ էին․ News.am 4 զինծառայողի կյանք խլած վթարը տեղի է ունեցել Մեղրիում․ մանրամասներ Զինծառայողներին տեղափոխող «Ուրալը» վթարի է ենթարկվել․ կա 4 զոհ և վիրավորներ Գեղարքունիքի մարզում 19-ամյա զինծառայողը հրազենային վնասվածքով տեղափոխվել է հիվանդանոց Զինծառայող Ժորա Կարապետյանին անզգուշությամբ ինքնասպանության հասցնելու վարույթի նյութերը, երկու անձի մեղադրանքով, ուղարկվել են դատարան