Մի՛ պայքարեք Հայի դեմ․ Կարեն Ճշմարիտյան

Ոչ ոք չի կարող հիմնավորել ու պնդել, որ Հայաստանում ու Սփյուռքում չկան հայանուն ու հայախոս, բայց թյուրքական ցեղերի ժառանգներ, կամ ազգություն ու ծագում չունեցողներ (այսպես կոչված «աշխարհի քաղաքացիներ»): Այս մասին Facebook-ի իր էջում գրել է Էկոնոմիկայի նախկին նախարար, տնտեսագետ Կարեն Ճշմարիտյանը, ով իր գրառումը վերնագրել է. «Մի՛ պայքարեք Հայի դեմ»:

Նա, մասնավորապես, նշել է. «Սա այլևս փաստ է, սակայն գլխավոր խնդիրը սրանում չէ՝ հայանուն մարդիկ են, և ապրում են մեր երկրում, կամ դրսում…

Գլխավոր խնդիրն այն է, որ նրանք ամենակարևոր հարցում խորը մոլորության մեջ են։ Ամենայն հավանականությամբ նրանց թվում է, որ եթե թուրքին հաջողվի հայերին ցեղասպանել, ապա իրենց խնայելու են…

Անհրաժեշտ է հրատապ տեղեկացնել նրանց հետևյալը. պատմությունը վկայում է, որ ցեղասպան թուրքը սովորական ֆաշիստից տարբերվում է մեկ բանով՝ մինչ սպանելը մարդաբանական չափումներ չի անում, մասնագիտական կարողությունների, կամ գենետիկ փորձաքննությունների չի ենթարկում, այլ պարզում է անուն ազգանունը, լսում է լեզուն, ու կացնահարում, կամ մորթում…

Բոլոր նրանք, ովքեր այսօր դիրքավորվում են, որպես ներքուստ թուրք, ադրբեջանցի, ազգություն չունեցող (այսպես ասած՝ «աշխարհի քաղաքացի», կամ իրենց գործով զբաղվածներ) բայց կրում են հայկական անուն ազգանուն, խոսում են հայերեն, կամ որևէ ոլորտում հաջողված մասնագետ են՝ թող երբեք պատրանք չունենան, թե իրենք կարող են պատահաբար փրկվել։ Առավել ևս՝ հույսի նշույլ անգամ չունենան, որ իրենց հետ ազնիվ առևտուր են անելու, կամ ծառայության են վերցնելու։

Եթե թուրքերի ձեռքը ճար լինի, ապա ցեղասպանելու են, և ոչնչացնելու են բոլոր նրանց (նաև՝ աշխարհի բոլոր անկյուններում), ովքեր հայկական անուն ազգանուն են կրում, և խոսում են հայերեն։

Պիտի կրկնեմ. այս մասին բացահայտ, շատ ուղղակի և միարժեք հայտարարել է Թուրքիայի ղեկավարը, 44 օրյա պատերազմից հետո Բաքվի շքերթում նշելով, որ՝ «Էնվեր փաշայի հոգին փառավորվում է…»։

Սա է իրողությունը:

Այնպես որ, հայանուն էթնիկ թուրքերը, ազգություն չունեցողները («աշխարհի քաղաքացիները»), կամ «իրենց գործով զբաղվածները» թող հույս չունենան, և դադարեն լռել, կամ պայքարել Հայի դեմ, որովհետև իրենց գոյությունը հավասարապես վտանգված է։

Ցավն այն է, որ Հայ ժողովուրդը ստիպված է պայքարել նաև այդ տեսակների գոյության համար։

Սա նույնպես իրողություն է»։

Այս թեմայով Այսօր Հայաստանի ազգային հերոս Կարեն Դեմիրճյանը կդառնար 91 տարեկան (տեսանյութ) Կարեն Դեմիրճյանն այսօր կդառնար 92 տարեկան Կարեն Խաչանովը պահպանել է դիրքը ATP դասակարգման աղյուսակում Ցիցիպասը դուրս թողեց Կարեն Խաչանովին Մոնտե Կարլոյի մրցաշարից Կարեն Սարգսյանն ազատվել է պաշտոնից «Կրոկուսի» ահաբեկչության ժամանակ մի խումբ մարդկանց փրկած Կարեն Ենգիբարյանը մահացել է Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է Բաքուն համակարգային ցեղասպանություն է իրականացնում հայի նկատմամբ, զիջելով՝ նոր ողբերգություն կլինի Կարեն Գիլոյանը հետևել է Հեծանվային սպորտի և Հրանտ Շահինյանի անվան մարզադպրոցի կառուցման աշխատանքներին Կարեն Խաչանովը Մայամիի «Մաստերս» մրցաշարի 1/8 եզրափակչում է