Իսրայելը կփոխի իր դիրքորոշումն Ուկրաինայի հարցում Լավրովի հայտարարությունից հետո. JP

Իսրայելի իշխանություններն այլևս չեն կարողանա չեզոք դիրքորոշում որդեգրել ուկրաինական ճգնաժամի հարցում: Իրավիճակը, ըստ The Jerusalem Post-ի, փոխվել է ՌԴ արտգործնախարար Սերգեյ Լավրովի հետ հարցազրույցից և հրեաների մասին նրա խոսքերից հետո։

Միաժամանակ հրապարակումն ընդգծում է, որ Իսրայելը ցանկություն չունի թշնամանալ Ռուսաստանի հետ, քանի որ դա կարող է բումերանգի վերածվել հարեւան Սիրիայում տիրող իրավիճակի վրա։ Այնուամենայնիվ, Լավրովի խոսքերը կարող են վերջնականապես զրկել Իսրայելին չեզոք կողմ մնալու հնարավորությունից։

Հրապարակման մեջ նշվում է նաև, որ Իսրայելի ղեկավարության բարձրաստիճան պաշտոնյաները, որոնք նախկինում պահպանել են չեզոքությունը, սկսել են բացահայտ քննադատել Լավրովի հայտարարությունները։

Ավելի վաղ ՌԴ ԱԳ նախարար Սերգեյ Լավրովը իտալական լրատվամիջոցներին տված հարցազրույցում անսպասելի հայտարարություն էր արել Ուկրաինայի նախագահ Վլադիմիր Զելենսկու մասին։ Սա գրավել էր իսրայելական լրատվամիջոցների ուշադրությունը։ «Այն փաստը, որ Զելենսկին հրեա է, չի հերքում Ուկրաինայում նացիստական ​​տարրերը։ Կարող եմ սխալվել, բայց Հիտլերը նաև հրեական արյուն է ունեցել»,- Լավրովի խոսքերը մեջբերում է իսրայելական 7-րդ ալիքը: Նա նաև նշել էր, որ հրեաներն իրենք են որոշ հրեաների անվանում գլխավոր հակասեմիտներ։

Լավրովի հայտարարությունները Իսրայելում ծայրահեղ բացասաբար են ընկալվել։ Այսպիսով, վարչապետ Նաֆթալի Բենեթն ասել է, որ այս խոսքերը «կեղծ և զայրացուցիչ են»։ Իսկ Իսրայելի արտգործնախարար Յաիր Լապիդը Լավրովից ներողություն է պահանջել։

Այս թեմայով «Ամոթ քեզ»․ Իսրայելի արտգործնախարարը նախատել է Էրդողանին Իսրայելը ներկայումս կանգնած է էկզիստենցիալ սպառնալիքի առաջ․ Նեթանյահու Էս կապիկից առաջացածները էկել հայ ազգի ճակատագիրն են որոշում. Իսրայել Հակոբկոխյան (տեսանյութ) Իսրայելը ծրագրել էր հակահարված տալ Իրանին ապրիլի 15-ի երեկոյան․ ԶԼՄ Ի՞նչ է սպասվում Հայաստանին՝ Իրան-Իսրայել լայնածավալ պատերազմի դեպքում Բաքուն համաձայնել է Իրանի դեմ օդային հարձակումների համար տրամադրել երեք ռազմակայան ԱՄՆ-ում բացատրել են, թե ինչու են պաշտպանում Իսրայելին, բայց ոչ Ուկրաինային Իսրայելը որոշել է «հնարավորինս շուտ» հարված հասցնել Իրանին Իսրայելի պաշտպանության բանակը խոստացել է պատասխանել Իրանին Նեթանյահուն բանակին հանձնարարել է Իրանի վրա հարձակման համար թիրախներ առաջարկել