ԱՄՆ-ում հայտնի ռեփերը դատապարտվել է 16 տարվա ազատազրկման
ԺամանցԱմերիկացի 62-ամյա ռեփեր The Kidd Creole-ը (իսկական անունը՝ Օգյուստ Դարնել), որը հին դպրոցի հիփ-հոփի ռահվիրաներից է և Grandmaster Flash and the Furious Five խմբի անդամը, դատապարտվել է 16 տարվա ազատազրկման՝ անօթևանի սպանության համար։ Այս մասին հայտնում է TMZ-ը։
Դեպքը տեղի է ունեցել 2017 թվականին։ Արտիստը, անցնելով անօթևան մարդու կողքով, մի քանի արտահայտություն է փոխանակել նրա հետ, որից հետո դանակի մի քանի հարվածներ է հասցրել տղամարդուն։ Ռեփերը փախել է հանցագործության վայրից՝ մետրոյով հասնելով իր աշխատասենյակ, իսկ ականատեսները շտապօգնություն են կանչել։ Հիվանդանոցում բժիշկներն արձանագրել են տուժածի մահը դանակի հարվածներից։
Հենց սկզբից The Kidd Creole-ը պնդում էր, որ նա դա արել է ինքնապաշտպանության նպատակով, սակայն հավաքված ապացույցներն ու վկաների ցուցմունքները ապացուցել են, որ անօթևան տղամարդը վտանգ չի ներկայացրել արտիստի համար։ «Կյանքը կյանք է՝ անկախ նրանից՝ մարդը անօթևան է, թե գլխավոր տնօրեն», - հայտարարել է դատարանը:
Ավելի վաղ 33-ամյա ամերիկացի ռեփեր A $ AP Rocky-ի առանձնատանը ոստիկանության աշխատակիցները խուզարկության ժամանակ մի քանի ատրճանակ էին հայտնաբերել՝ 2021 թվականի նոյեմբերին տեղի ունեցած կրակոցների գործով նրա ձերբակալությունից հետո: