Երկրի վարչապետը ստախոս է. նրանք խաբեցին բոլորին, այդ թվում և ինձ. Արսեն Ջուլֆալակյան

Պատմական գիտությունների թեկնածու, հունահռոմեական ոճի ըմբիշ, օլիմպիական խաղերի փոխչեմպիոն, սպորտի վաստակավոր վարպետ Արսեն Ջուլֆալակյանը, որ բազմաթիվ հաղթանակներ է բերել Հայաստանին, եղել է ՀՀ 6-րդ գումարման պատգամավոր «Իմ քայլը» դաշինքից, այսօր Ֆրանսիայի հրապարակում էր։

Նա հայտարարեց՝ իր համար մեծ պատիվ է կանգնել այդ բեմում, քանի որ այս մարդիկ պայքարի են դուրս եկել ոչ թե հանուն սոցիալական խնդիրների լուծման, ոչ թե աթոռի,  այլ հայրենիքի փրկության։

Որպես մարդ, որը կուսակցական չէ, որն ամբողջ կյանքը նվիրել է Հայաստանի պատիվը բարձր պահելուն, հայրենիքի անունը բարձր հնչեցնելուն, նա  կոչ արեց հայաստանցիներին, արցախցիներին, Սփյուռքում ապրողներին միանալ այս պայքարին։

«Սիրելի հայրենակիցներ, մեզ խաբել են։ Համընդհանուր էյֆորիայի մեջ մենք ուշադրություն չենք դարձրել, թե ում բերանից են հնչում թեկուզ ճիշտ թեզերը, իսկ իրականում ամբողջը սուտ էր։ Խաբել են Արցախի հարցում, տարածքային ամբողջականության պահպանման հարցում, տնտեսության թռիչքաձև աճի հարցում, առողջապահության հարցում։ Ինը հազար և ավելի զոհ ունենալու պարագայում երեկ հպարտ-հպարտ շեշտում էին, որ հաջողել են քովիդի դեմ պայքարում։ Խաբել են նույնիսկ իրենց այդքան սիրելի ասֆալտի թեմայով։ Շրջեք Հայաստանի տարածքով ու տեսեք։

Խաբել են ինձ անձամբ, երբ խնդրում էին միանալ նրանց ու մասնակցել պետականաստեղծ գործին, կառուցել հզոր, ուժեղ, մեր երազների Հայաստանը»,-ասաց Ջուլֆալակյանը։

Նրա խոսքով, այդ խոսքերն ընդամենը փաթեթավորում էին, մինչդեռ տալից իշխանություններն իրականացնում էին ազգակործան քաղաքականություն։

«Ապացուցված է՝ երկրի վարչապետը ստախոս է»,-ասաց Ջուլֆալակյանը։

Այս թեմայով Արսեն Գրիգորյանը միացել է շարժմանը «Առաջընթացն էական է, քանի որ ունի ամուր լեգիտիմ հիմքեր»․ Արսեն Թորոսյան «Ժողովուրդ». ԱՆ-ի շուրջ գործողությունների ֆոնին՝ Արսեն Թորոսյանը նախարարի պաշտոնի համար ընկերոջ PR-ով է սկսել զբաղվել Սա պատերազմ է մեր ինքնության դեմ, ոչ թե ուղղակի տարածքի խնդիր, մեզ ծնկի չեն բերելու. Արսեն Գրիգորյան (տեսանյութ) Ես չեմ նկատել, որ Արսեն Թորոսյանն ինձ թիրախավորում է. գործընկերային քննադատություն է, նորմալ է «Մնաց 2 օր»․ Արսեն Թորոսյանը զգուշացրել է վարորդներին Արսեն Զախարյանը Լա Լիգայի խորհրդանշական թիմի կազմում է Covid-ի դեմ պայքարը ձախողած և ոլորտը տապալած Թորոսյանն արցախցիներին է համարում ազգային անվտանգության սպառնալիք «Արսենից հետո երկու թևերս կարծես կտրված լինեն, ապրելու ուժ որդիս է տալիս». Արսեն Շահսուվարյանն անմահացել է հոկտեմբերի 14-ին «Թութակներ» կոչվող տեղամասի դիրքում. «Փաստ» «Սկզբունքայնություն»՝ ՔՊ ոճով. Անահիտ Ավանեսյան, Արսեն Թորոսյան