Իշխանություններն սկսել են «քցել» իրենց համար «վիզ դրած» նախկիններին

Վերջին օրերին բավական լարված իրավիճակ է ստեղծվել Սիսիանի համայնքապետարանում: Երեկ տեղեկություն ստացվեց, որ  ԱԱԾ-ն մտել է Սիսիանի համայնքապետարան և նույնիսկ կան երեք ձերբակալվածներ:  նրանց մեղադրում են կեղծ դիպլոմներ տալու մեջ։ Նաեւ հայտնի է դարձել, որ ձերբակալվածները համայնքապետարանի հին աշխատակիցներ են։

Սիսիանի համայնքապետը Արմեն Հակոբջանյանն է, ում ամիսներ առաջ Նիկոլ Փաշինյանը նշանակեց համայնքապետի ԺՊ: Այն ժամանակ Հակոբջանյանի նշանակումը միանշանակ չընդունվեց ՔՊ-ում, քանի որ շատերի կարծիքով այդ պաշտոնին պետք էր նշանակել ոչ թե նախկինների հետ կապված անձի, այլ քայլած ՔՊ-ականներից մեկին: Սիսիանում նույնիսկ որոշակի լոկալ բախում տեղի ունեցավ:  Սիսիանցի ՔՊ-ական ակտիվիստ Արսեն Ավագյանը, ով եկեղեցու դեմ արշավի նախաձեռնողներից էր, բավարարված չէ իր կարգավիճակով՝ նրան ընդամենը քաղաքաշինության, տեխնիկական եւ հրդեհային անվտանգության տեսչական մարմնում ինչ-որ աշխատանք են տվել։ Էլի դժգոհ մարդիկ կան Սիսիանի իշխանամետների շրջանում, որոնք պայքար են սկսել քաղաքապետի ժամանակավոր պաշտոնակատար Արմեն Հակոբջանյանի դեմ:  Մյուս թեւը կարծում է, որ ավելի շատ վաստակ ունի եւ ավելիին է արժանի՝ իրենք ավելի հավատարիմ են եղել իշխանություններին, սակայն իրենց հավատարմությանը համարժեք պաշտոններ չեն ստացել, ուստի սկսել են փորել գործող ԺՊ-ի տակ եւ կենտրոնացել են ավագանու նիստերի վրա։ Ոստիկանությունում արդեն նյութեր են նախապատրաստվում այն առիթով, որ ավագանու նիստերում քվորում չի ապահովվել, սակայն նիստերը կայացել են:

Ինչպես երևում է` Նիկոլ Փաշինյանը և Սյունիքի նորանշանակ մարզպետ Ռոբերտ Ղուկասյանը որոշել են անսալ ՔՊ-ականների բողոքի ձայնին և քցել Հակոբջանյանին, ում դեմքով էլ փաստացի այս ողջ ընթացքում պահում են իշխանությունը Սիսիանում: Հակոբջանյանը Սիսիանի նախկին համայնքապետ Աղասի Հակոբջանյանի ազգականն է, ՔՊ-ական չէ, սակայն ՔՊ-ականները, չունենալով անհրաժեշտ կադրային ռեզերվ և հեղինակություններ մարզերում, որոշեցին դիմել Հակոբջանյանի օգնությանը և հենց նրան վստահեցին համայնքապետի պաշտոնը: Աչք փակվեց անգամ այն հանգամանքի վրա, որ Հակոբջանյանի ընտանիքը քրեական ինչ-ինչ պատմությունների կիզակետում էր հայտնվել և այժմ փորձում է ԱԱԾ-ով լուծել համայնքապետի հարցերը:

Բնական է, որ Սյունիքի մարզպետը, ով վերջին շաբաթներին ակտիվ պայքար է սկսել ոչ ՔՊ-ական համայնքապետերի դեմ, ունի դրա համար համապատասխան քարտ-բլանշը, իսկ սա նշանակում է, որ ՔՊ-ում սկսել է քցել արդեն ոչ միայն յուրայիններին, այլև նաև իրենց համար վիզ դրած նախկիններին, ում դեմքով էլ տվյալ համայնքում ստացել և պահում էին իշխանությունը...

Այս թեմայով ՌԴ-ն՝ ՀՀ անվտանգության միակ գարանտ. Արևմուտքի հեղինակավոր պարբերականների «անկեղծացումը» Անվտանգությո՞ւն, թե կուշտ որովայն. ՔՊ-ականների «առաջարկը»՝ ժողովրդին Տեղի է ունեցել ՔՊ նախաձեռնող խմբի նիստ․ ներկայացվել է Բրյուսելյան հանդիպման վերաբերյալ զեկույց Ինչ աղետների է հանգեցնելու Փաշինյանի արկածախնդրությունը Փաշինյանը հայտնել է՝ ինչ է պետք հաջողակ պետություն ունենալու համար (տեսանյութ) «Ժողվարչապետը» տվեց-անցավ բոլորին. Փաշինյանի «կոմպլեքսներն» ու վախերը Փաշինյանը ՔՊ-ականների հետ նիստ է անցկացնում (տեսանյութ) Փաշինյանն ու ԵԱՀԿ ՄԽ Ֆրանսիայի համանախագահը քննարկել են տարածաշրջանային նշանակության հարցեր Խորը խնդիրներ եմ տեսնում պետական համակարգի կառավարման առաջնային օղակում․ Փաշինյան Նիկոլ Փաշինյան, դու վարում ես մուրացկանի քաղաքականություն, իսկ մուրացկանին ոչ թե անկախ հայրենիք, այլ ֆորպոստ էլ չի հասնում. Շարմազանով