«Այս թեման օգտագործվում է քաղաքական անձանց ու նրանց հետեւորդների կողմից»․ Սիրուշոն՝ երրորդ երեխային արտերկրում լույս աշխարհ բերելու մասին

Երգչուհի Սիրուշոն նոր գրառում է կատարել՝ անդրադառնալով երեխային արտերկրում լույս աշխարհ բերելուն։
Մոտենում է այն շրջանը, երբ պետք է մեկնեմ՝ երրորդ երեխայիս լույս աշխարհ բերելու: Ինչպես նաև այն շրջանը, երբ մի զանգված կօգտագործի առիթը ու կգրի. «բա եթե հայրենասեր ես, ինչու՞ ես ուրիշ երկրներում երեխաներիդ ունենում» :)))

Սա երբեք չեմ հասկացել: Այսինքն, բոլոր հայերը, ովքեր ծնվել ու ծնվում են Հայաստանից դուրս հայրենասեր չե՞ն: Լավ, դա մի կողմ) Որպեսզի հիմա չպատմեմ բժշկական նրբությունների ու անձնական պատճառների մասին, ասեմ, որ այլ կերպ պարզապես հնարավոր չէ: Ու սա այն շրջանն է, որ հաստատ ավելի շատ կուզեի այստեղ լինել: Հոգով ու մտքով այստեղ եմ լինելու և հեռվից էլ փորձելու եմ մաքսիմալ օգտակար լինել: Այս անգամն ինձ համար ամենադժվարն է լինելու, որովհետև Լևոնն ինձ հետ չի գալու, մնալու է այստեղ ու շարունակելու պայքարել մեր հայրենակիցների հետ միասին: Ու այդ միտքը, որ մեր կյանքի ամենակարևոր պահերից մեկը գուցե չկարողանանք միասին կիսել շատ ցավալի է, բայց այլ տարբերակ, ցավոք, չկա:

Հ.Գ. հղիության հատկապես վերջին շրջանում միշտ նախընտրում եմ ավելորդ ուշադրությունից հեռու լինել ու լիարժեք կենտրոնանալ երեխայիս ու ընտանիքիս վրա: Նույն պատճառով կոլեգաներիցս շատերն են նախընտրում երկրից դուրս ունենալ: Բայց իմ դեպքում իհարկե այս թեման օգտագործվում է քաղաքական անձանց ու նրանց հետևորդների կողմից ու ներկայացվում այլ կերպ:

Այն, ինչ ճիշտ եմ գտնում, տեղադրում եմ իմ էջերում ու կիսում իմ լսարանի հետ, և ուզում եմ ինքս որոշել ինչ եմ կիսում, ոչ թե որևէ անցորդ կամ լրագրող, որ կարող է նկարել ինձ պատահական ու հետո էլ դա օգտագործել իրեն ինչպես հարմար է:

Երկու երեխաներս էլ ՀՀ քաղաքացի են: Ապրել և ապրում ենք այստեղ ու ուզում ենք շարունակել ապրել այստեղ», - գրել է երգչուհին։

Այս թեմայով «Ուսումնասիրում ենք Հայաստանը Ռոբի հետ»․ Սիրուշոն ընտանեկան ջերմ կադրեր է հրապարակել Ինչպես է Սիրուշոյի դուստրը ձայնակցում մայրիկին՝ «Արդյոք ովքեր են» երգի կատարման ժամանակ (տեսանյութ) «Ինձ հաճախ են գովեստի խոքեր ասում»․ Սիրուշո Սիրուշոն ցուցադրել է՝ ինչպես է դստեր հետ նախաճաշ պատրաստել (լուսանկարներ) Սիրուշոն դստեր հետ ջերմ լուսանկար է հրապարակել Սիրուշոն ցույց է տվել, թե ինչպես է ծնողական ժողով գնում «Բարև, լավագույն ընկեր»․ Սիրուշոյի և ամուսնու ջերմ լուսանկարը Սիրուշոյի և երեխաների ձմեռային զբոսանքը (տեսանյութ) «Լրիվ պատահական»․ Սիրուշոյի և Անդրեի հանդիպումը Նյու Յորքում (լուսանկարներ) Սիրուշոն դստեր մասնակցությամբ ջերմ կադրեր է հրապարակել