Էդմոն Մարուքյանը Փաշինյանի դեմ հանցագործության մասին հաղորդում է տվել

«Այս իշխանությունների պատճառով մարդիկ կան, որոնք մաքրվում են իրավական գործընթացներից, պետք է սա թույլ չտալ: Ցավոք, ես հիմա արտաքին քաղաքականության մեջ եմ ներգրավված, ներքաղաքական չէ իմ գործառույթը, թե չէ լուրջ պրոբլեմներ կարող է իրենք ունենային»,- այս մասին Հաղթանակի զբոսայգում լրագրողների հետ զրույցում ասել է ՀՀ հատուկ հանձնարարություններով դեսպան Էդմոն Մարուքյանը։

Մարուքյանի այս հայտարարությունը ոչ այլ ինչ է, քան բացահայտ հանցագործության մասին հաղորդում` իր իսկ վերադասի դեմ: Հակառակ դեպքում` ինչպես կարելի է հասկանալ այն պնդումը, որ այս իշխանությունների պատճառով որոշ անձինք մաքրվում են իրավական գործընթացներից: Իհարկե, կարևոր է նաև հասկանալ համատեքստը՝ իշխանությունների անգործության պատճառո՞վ են վերջիններս խուսափում պատիժը կրելուց, թե հակառակը՝ գործուն միջամտության: Երկու դեպքում էլ Մարուքյանի հայտարարությունը և շեշտադրումները չեն բխում գործող իշխանությունների, ասել է թե` Նիկոլ Փաշինյանի շահերից: Մի դեպքում գործ ունենք հանցավոր անգործության և անփութության հետ, մյուս կողմից՝ ակնհայտ ապօրինի գործունեության, որի արդյունքում որոշ մարդիկ խուսափում են պատժից:

Մարուքյանի այս հայտարարությունից հետո պատկան մարմինները կամ պետք է հերքեն վերը նշված պնդումները և արդյունքում մեղադրանք առաջադրեն հենց իրեն՝ Էդմոն Մարուքյանին սուտ մատնության հոդվածով, կամ էլ եթե պատկան մարմիններն այս հայտարարությունից հետո ոչինչ չձեռնարկեն, առնվազն չկանչեն հատուկ հանձնարարաթյուններով դեսպանին վկայություն տալու, ապա կստացվի, որ Մարուքյանը ճիշտ է, և Նիկոլ Փաշինյանն իսկապես ապօրինի գործընթացների մեջ  է ներգրավված:

Գնդակը, ինչպես ասում են, պատկան կառույցների դաշտում է:

Այս թեմայով Սա ծուղակ է, դադարեցրեք քննարկել Հայոց ցեղասպանության զոհերի ցուցակագրումը. Մարուքյան Փաշինյանն անցել է շանտաժի լեզվի Կռիվ են անում, մեկը մյուսին անվանում է թուրք, խի՞ թուրք և ոչ թե նորզելանդացի. Փաշինյան (տեսանյութ) Արևմուտքի՝ «մտրակի ու բլիթի» քաղաքականությունը Փաշինյանի հանդեպ Ֆրանկոֆոնիայի խաղերի ազգային կոմիտե կստեղծվի. Փաշինյանը որոշում է ստորագրել 290 միլիոն ֆունտ ստեռլինգ՝ Հայաստանը Ռուանդայի վերածելու դիմաց. The Times Հայաստանն ու Ղազախստանը առևտրատնտեսական համագործակցության չիրացված ներուժ ունեն․ Փաշինյան Փաշինյանը «ՀՀ սոցիալ-հոգեբանությունը» թեմայով դասախոսություն է կարդացել (տեսանյութ) Արևմուտքը Փաշինյանի վրայից «մաքրում» է Արցախի հանձնման մեղավորությունը «Կոֆե, կենտրոն, Հռոմ» նախագծի անփառունակ ավարտը