Պետրոս Պետրոսյանը՝ երիտասարդների աշխարհի փոչեմպիոն

Հունաստանի Հերակլիոն քաղաքում ավարտվող ծանրամարտի աշխարհի երիտասարդական առաջնությունում Հայաստանի վերջին մասնակից Պետրոս Պետրոսյանը նվաճեց փոխչեմպիոնի կոչումը: 102 կգ քաշայինների պայքարում հայ ծանրարոդը երկամարտում գրանցեց 363 կգ արդյունք եւ նվաճեց արծաթե մեդալ:

Պոկում վարժությունում Պետրոս Պետրոսյանը առաջին մոտեցմամբ հաջողությամբ բարձրացրեց 155 կգ-ն: Երկրորդ մոտեցման համար պատվիրված 160 կգ-ն ձախողեց, բայց երրորդ մոտեցմանը պոկեց 161 կգ: Այս վարժությունունում երիտասարդ ծանրորդը փոքր մեդալ չնվաճեց:

Լարված ստացվեց հրում վարժության պայքարը: Պետրոս Պետրոսյանը նախ հրեց 195 կգ, երկրորդ մոտեցմամբ՝ 202 կգ: Երրորդ մոտեցման համար Հայաստանի թիմի մարզիչները միանգամից 10 կգ-ի քայլ կատարեցին եւ պատվիրեցին 212 կգ, որպեսզի Պետրոսյանն առաջ անցնի ուզբեկ մրցակցից եւ ապահովի երկամարտի ոսկե մեդալը, բայց Հայաստանի ներկայացուցիչը չկարողացավ հրել: Այս վարժությունում նա նվաճեց փոքր բրոնզե մեդալը՝ ընդամենը 2 կգ-ով հետ մնալով ուզբեկ մարզիկից:

Երկամարտի 363 կգ արդյունքով Պետրոս Պետրոսյանը նվաճեց երիտասարդների աշխարհի փոխչեմպիոնի տիտղոսը: Ոսկե մեդալակիր դարձավ ուզբեկ Շարոֆիդին Ամրիդինովը (372կգ), բրոնզե մեդալակիր պաղեստինցի Համադա Մոհամեդը (361 կգ):

Մելիք Ղուկասյանի գլխավորած թիմը 5 մեդալով ավարտեց պայքարը երիտասարդների աշխարհի առաջնությունում՝ երկու ոսկե, երկու արծաթե եւ մեկ բրոնզե մեդալներով:

Ոսկե մեդալակիրներ դարձան Գառնիկ Չալոյան (55կգ) եւ Գարիկ Կարապետյանը (96 կգ), արծաթե մեդալակիրներ Սուրեն Գրիգորյան (89 կգ) եւ Պետրոս Պետրոսյան (102 կգ),  բրոնզե մեդալակիր՝ Գոռ Սահակյան (67կգ):

Այս թեմայով Աշխարհի գավաթ. Գարիկ Կարապետյանը` արծաթե մեդալակիր Ծանրամարտի ԵԱ․ Հայաստանն առաջինն է մեդալային հաշվարկում Ծանրորդ Վարազդատ Լալայանը՝ Եվրոպայի առաջնության չեմպիոն, Սիմոն Մարտիրոսյանը՝ փոխչեմպիոն Ծանրամարտի ԵԱ․ Պետրոս Պետրոսյանը վնասվածք ստացավ և ժամանակից շուտ ավարտեց ելույթները Ծանրամարտի ԵԱ. Կարապետյանը 5-րդն է երկամարտում Ռաֆիկ Հարությունյանը՝ ծանրամարտի Եվրոպայի առաջնության բրոնզե մեդալակիր Ալեքսանդրա Գրիգորյանը՝ ծանրամարտի Եվրոպայի չեմպիոն Ծանրամարտի ԱԱ․ Մկրտչյանն ու Հովհաննիսյանը մեդալ չնվաճեցին Գոռ Սահակյանն՝ աշխարհի առաջնության բրոնզե մեդալակիր Ծանրամարտի ԱԱ. Իզաբելա Յայլյանը վնասվածք ստացավ և լքեց պայքարը