Զբոսաշրջի՞կ, թե՞ երկրի վարչապետ. ինչ են տվել Հայաստանին Փաշինյանի արտասահմանյան վոյաժները

Իր ընդդիմադիր քաղաքական գործունեության տարիներին Նիկոլ Փաշինյանի քննադատության հիմնական թիրախներից էին ՀՀ իշխանությունների գործուղումներն ու արտասահմանյան այցերը։ Հիմնական շեշտադրումն այն էր, որ «պետության հաշվին ծախսված միլիոններն իրենց նպատակին չեն ծառայում», և «իշխանությունների գործուղումներն անպտուղ ու անարդյունավետ են»։ Փաշինյանն այդ օրերին ամբոխահաճո ճառեր էր ասում և հայտարարում, որ դրանք «զրո արժեք ունեցող» այցեր են։ 

Փորձենք հասկանալ, թե ինչ արդյունքներ են գրանցվել արդեն վարչապետի պաշտոնում չորս տարի կառավարող Նիկոլ Փաշինյանի գործուղումների արդյունքում։ Այսպիսով, ՀՀ ռազմավարական դաշնակից և հիմնական գործընկեր Ռուսաստանի ուղղությամբ ուշադիր հետևելով՝ ունենում ենք հետևյալ պատկերը․ ըստ էության, Փաշինյանի կառավարությունը ՀՀ բոլոր կառավարություններից ամենառուսամոլն է, քանի որ առիթը բաց չի թողնում «վազել» Մոսկվա և իր հերթական «սիրո ու հավատարմության» խոստումը հղել ՌԴ իշխանություններին։ Հավելենք, որ իր թվով 12 այցերի ընթացքում Փաշինյանը ՌԴ-ում չի ունեցել ոչ մի պետական այց: 

Նիկոլ Փաշինյանը չորս տարվա ընթացքում ունեցել է 60 արտասահմանյան այց: Նա հասցրել է այցելել ԱՄՆ,ՌԴ, Ֆրանսիա, Իտալիա, ԲԵլգիա, Վրաստան, Իրան, Ղազախստան, Ղրղզստան, Տաջիկստան, Սինգապուր, Չինաստան, Վիետնամ, Բրյուսել, Լյուքսեմբուրջ, Գերմանիա և այլ երկրներ: Իսկ այժմ դիտարկենք, թե այդ այցերի ընթացքում քանի կարևոր համաձայնագիր, փաստաթուղթ է ստորագրել Նիկոլ Փաշինյանը: Թերևս երկու: Առաջինը Իրանում հաստատվել էր Իրան-Հայաստան 400 կՎ լարման էլեկտրահաղորդման 3-րդ գծի կառուցման ծրագիրը և վերջերս, շաբաթներ առաջ Մոսկվա կատարած պաշտոնական այցի ընթացքում ստորագրվել էր փաստաթղթերի մի ամբողջ փաթեթ: Մնացած բոլոր այցերի ընթացքում Փաշինյանի առօրյան շարքային զբոսաշրջիկի առօրյա է հիշեցնում՝ հյուրասիրություն, համերգներ, ցուցահանդեսներ:

Փաստ է, որ Նիկոլը ոչ միայն արտաքին ճակատում ոչնչով չի փայլում, այլև՝ ամբողջովին ձախողել է ՀՀ արտաքին քաղաքականությունը և գործընկեր պետությունների հետ ունեցած հարաբերությունները հասցրել բավականին ցածր մակարդակի:

Այս թեմայով ՌԴ-ն՝ ՀՀ անվտանգության միակ գարանտ. Արևմուտքի հեղինակավոր պարբերականների «անկեղծացումը» Անվտանգությո՞ւն, թե կուշտ որովայն. ՔՊ-ականների «առաջարկը»՝ ժողովրդին Տեղի է ունեցել ՔՊ նախաձեռնող խմբի նիստ․ ներկայացվել է Բրյուսելյան հանդիպման վերաբերյալ զեկույց Ինչ աղետների է հանգեցնելու Փաշինյանի արկածախնդրությունը Փաշինյանը հայտնել է՝ ինչ է պետք հաջողակ պետություն ունենալու համար (տեսանյութ) «Ժողվարչապետը» տվեց-անցավ բոլորին. Փաշինյանի «կոմպլեքսներն» ու վախերը Փաշինյանը ՔՊ-ականների հետ նիստ է անցկացնում (տեսանյութ) Փաշինյանն ու ԵԱՀԿ ՄԽ Ֆրանսիայի համանախագահը քննարկել են տարածաշրջանային նշանակության հարցեր Խորը խնդիրներ եմ տեսնում պետական համակարգի կառավարման առաջնային օղակում․ Փաշինյան Նիկոլ Փաշինյան, դու վարում ես մուրացկանի քաղաքականություն, իսկ մուրացկանին ոչ թե անկախ հայրենիք, այլ ֆորպոստ էլ չի հասնում. Շարմազանով