Ով է փոխհատուցելու քաղաքացիներին՝ ոստիկանների կողմից վնասված գույքի համար․ «Ժողովուրդ»

«Ժողովուրդ» օրաթերթը գրում է. Մայիսի 4-ին, երբ մի խումբ քաղաքացիներ Հայաստանի տարբեր կամուրջներ փակել էին մեքենաներով, ՀՀ ոստիկանությունը բացեց կամուրջները՝ հաճախ ուրիշի սեփականությունը, գույքը վնասելով:

«Ժողովուրդ» օրաթերթը այս առիթով ՀՀ ոստիկանության պետ Վահե Ղազարյանից պարզաբանում էր պահանջել՝ նշելով. «ՀՀ ոստիկանության աշխատակիցները մի խումբ քաղաքացիների կողմից կամուրջները փակելու ու բողոքի ակցիան կանխելու համար վնասել են ուրիշի գույքը: Ո՞վ է փոխհատուցելու նրանց վնասված գույքի դիմաց»: Ոստիկանությունից ստացել ենք պատասխան «Վարչարարության հիմունքների եւ վարչական վարույթի մասին» ՀՀ օրենքի երկար-բարակ մեջբերումներով, բայց այդպես էլ հստակ չի հասկացվում՝ կոնկրետ այդ օրը ոստիկանների կողմից վնասված գույքերի համար ով, երբ է փոխհատուցելու քաղաքացիներին:

Դատելով պաշտոնական պատասխանից, որը Ոստիկանության շտաբի պետի տեղակալ Ա. Սարգսյանի անունով է փոխանցվել, կոնկրետ դեպքի օրը ոստիկանական գործողությունները քննության առարկա չեն դարձել, եւ չկա հստակ պատկերացում՝ ոստիկանության որ աշխատակիցը ում գույքն է վնասել, եւ, հետեւաբար, ինչ միջոցներով պետք է հատուցվի՝ պետբյուջեի՞ց, թե՞ համայնքային բյուջեի միջոցներից: Միայն կա հուշում, որ Քաղաքացիական օրենսգրքով սահմանված կարգով կարող են վնասի հատուցման պահանջ ներկայացնել դատարան»:

Այս թեմայով Կառավարությունն ընդունել է «Գույք ամրացնելու մասին» որոշում Կառավարության շենքը շրջապատված է ոստիկաններով․ 24News (տեսանյութ) Դատախազությունը 6 ամիսների ընթացքում պետությանն է վերադարձրել 24 մլն 657 հազար ԱՄՆ դոլարի գույք Օկուպացված Արցախում ադրբեջանցի ոստիկաններ են մահացել «Հրապարակ». Պատերազմի ժամանակ վնասված տեխնիկայի գումարը նոր են փոխհատուցում Գլխավոր դատախազությունը պահանջում է նախկին համայնքապետից բռնագանձել 17 անշարժ գույք և դրամական միջոցներ Ադրբեջանցիներն ու թուրքերը կարո՞ղ են ՀՀ-ում անշարժ գույք գնել. հարց՝ Կադաստրի կոմիտեի նախագահին Ապօրինի ծագման գույքերի գործերով տնօրենից կբռնագանձվի 1 միլիարդ 233 միլիոն դրամ և 5 անշարժ գույք «Ժողովուրդ». 8 անշարժ գույք, 25 մլն եկամուտ. ի՞նչ ունեցվածք ունի դասախոս-դատավորը «Ժողովուրդ». 14 անշարժ գույք, ժառանգություն ստացած 65 մլն դրամ. Արթուր Ջավադյանի ունեցվածքը