«Մամիկոն Ասլանյան» դաշինքը մինչև օրինական պրոցեսների վերականգնումը չի մասնակցելու որևէ ապօրինության․ հայտարարություն

Վանաձորի ավագանու անդամ Մամիկոն Ասլանյանը հայտարարություն է տարածել, որում ասվում է իր գլխավորած դաշինքը չի մասնակցելու ավագանու նիստերին։ Հայտարարությունում ասվում է․

«Սիրելի՛ հայրենակիցներ, խոշորացված համայնքի սիրելի՛ բնակիչներ, Սահմանադրության, օրենքների, բարոյականության նկատմամբ իշխանությունների սանձազերծած լկտի ասպատակությունները, որոնք զուգորդված են աննկարագրելի ու փնթի ցինիզմով և մեր բնակչության նկատմամբ բացառիկ անհարգալից վերաբերմունքով, գալիս են ևս մեկ անգամ ապացուցելու այն, որ այդ գործընթացի բարձր իշխանական պատասխանատուները պատրաստ են մեր համայնքը դարձնել ավերակ, մեր բնակիչներին դարձնել ստրկամիտ ու ձայնազուրկ։

Ամենասանձարձակ օրինախախտումներով հիմա էլ ՏԻՄ-ի տրամաբանությունը խեղաթյուրելով՝ քաղաքապետի ժ/պ-ի հատուկ հանձնարարություններով պաշտոն են ներմուծել (Աժ-ում Վանաձորի մասով հատուկ հանձնաժողով կա, որն օրումեջ կարկատաններով նոր «օրենքներ» է մուտացնում)։ Ես` այս պահին որպես ավագանու անդամ, որպես մի ուժի ղեկավար, որ ՏԻՄ ընտրություններում հավաքել է առավելագույն քվեներ, հայտարարում եմ, որ իմ գլխավորած դաշինքը մինչև օրինական պրոցեսների, սահմանադրականության վերականգնումը չի մասնակցելու որևէ ապօրինության ու չի նպաստելու օրենքի բռնաբարության գործընթացներին։

Ուշ, թե շուտ այս «շապիտո֊ կրկես»-ի բոլոր դերակատարները պատասխան են տալու իրենց օրինապիղծ արարքների համար։ Ես երբեք մեզ տրված քվեն գետնին ընկած չեմ թողնելու, տեր եմ կանգնելու յուրաքանչյուր քվեին և ցանկացած միջոցով պայքարելու եմ մեր իրավունքների համար։

Թույլատրելիության սահմանները անցնողները պիտի հասկանան, որ բումերանգի էֆեկտը ոչ ոք չի չեղարկել (դա ՏԻՄ օրենք չէ, որ ցեխոտ կրունկներով վրայով քայլեն. Աժ-֊ն այդտեղ անզոր է)։ Ժամանակը ամեն ինչ իր տեղը կդնի։ Վանաձո՛ր ջան, պի՛նդ մնա, չընկճվես»։

Հիշեցնենք, որ վարչապետի որոշմամբ այսօր Վանաձոր համայնքի ղեկավարի պաշտոնակատար է նշանակվել   Արկադի Փելեշյանը, որի գլխավորած ուժը 2021-ի ՏԻՄ ընտրություններին ընդամենը 5 մանդատ էր ստացել ավագանիում։ Ընտրություններում հաղթել էր «Մամիկոն Ասլանյան» դաշինքը՝ ստանալով 15 մանդատ, սակայն դաշինքի ղեկավար Մամիկոն Ասլանյանը կալանավորվել է ավագանու առաջին նիստից առաջ։

Այս թեմայով Պրոիշխանական քաղաքագետը ՔՊ–ականին նեղացնողներին սպառնում է «պադեզդներում ծեծելու» և «զուգարանում մարդ սպանելու» մեթոդներով պատժել «Սկզբունքայնություն»՝ ՔՊ ոճով. Ռուբեն Ռուբինյան, Հակոբ Ասլանյան Մարդկանց 54%-ը կարծում է, որ ՀՀ-ում կան քաղբանտարկյալներ` Աշոտյան, Ասլանյան, Սամսոնյան Որպես Լոռեցի՝ Մամիկոն Ասլանյանի համար ցավ չե՞ք զգում. Գեղամ Մանուկյանը՝ ԲԴԽ անդամի թեկնածուին Եվս մեկ տարի Վանաձորն ընթացավ ճակատագրի անորոշ ուղով. Մամիկոն Ասլանյան «Հայաստանի Հանրապետություն, թե Հնազանդների Հանրապետություն»․ Մամիկոն Ասլանյան Մամիկոն Ասլանյանը մնում է կալանքի տակ, որովհետև իշխանությանը ոչ հաճո քաղաքապետ է. Մանուկյան Վանաձորի նախկին քաղաքապետ Մամիկոն Ասլանյանը կմնա կալանքի տակ Անհիմն, օդից կախված մեղադրանքներով մարդուն էս վիճակում են դնո՞ւմ, միս ու արյունից ենք, չէ՞. Ասլանյան ԱԺ պատգամավորներ, վերացրեք էդ ֆիկցիան, ցիրկը՝ ընտրությունները, ես էլ չէի բռնվի. ինձ ինչի՞ եք խոշտանգում. Մամիկոն Ասլանյան