Արցախում պարեկները իրականացնում են ուժեղացված ծառայություն․ ստուգվում են տրանսպորտային միջոցները

Արցախում ճանապարհային ոստիկանությունը խստացված ռեժիմով ծառայություն է իրականացնում։ Տեղեկությունը հայտնում է ԱՀ ՆԳՆ Ոստիկանությունը։

Նշվում է, որ հաշվի առնելով վերջին շրջանում հրազենի գործադրմամբ կատարված հանցագործությունների և իրավախախտումների թվի աճը, Արցախի նախագահի կողմից անվտանգության խորհրդի նիստում տրված հանձնարարություններով Արցախի ողջ տարածքում կազմակերպվում և իրականացվում են հատուկ միջոցառումներ։

«Ներպետական ու միջհամայնքային ճանապարհահատվածներում Կանգնեցվում են բոլոր տրանսպորտային միջոցները, ստուգվում ճանապարհային երթևեկությանը մասնակցելու իրավունք վերապահող և փոխադրվող բեռի փաստաթղթերը, վարորդների և քաղաքացիների ներկայությամբ զննվում են տրանսպորտային միջոցները»,–ասվում է հաղորդագրության մեջ։

Նշվում է նաև, որ ստուգվում է նաև փոխադրվող բեռը` քաղաքացիական շրջանառությունից հանված առարկաներ, նյութեր և իրեր, հանցավոր ճանապարհով ձեռք բերված գույք, հանցագործության գործիքներ և այլ առարկաներ տեղափոխելու մասին տեղեկությունների կամ հիմնավոր կասկածների առկայության դեպքում։

Այս թեմայով Ինչ է գրել Արցախի ԱԱԾ աշխատակիցն իր քենուն կյանքից զրկելու և իր կյանքին վերջ տալուց առաջ. մանրամասներ․ ArmLur.am ԱՄՆ ՄԶԳ-ն նախատեսում է մոտ 8,5 միլիոն դոլար հատկացնել Արցախից բռնի տեղահանվածների համար Օկուպացված Քաշաթաղի շրջանում գտնվող Զորախաչ եկեղեցին՝ ադրբեջանական թիրախում Օկուպացված Արցախում բանվորներ տեղափոխող միկրոավտոբուս է շրջվել․ կա 9 վիրավոր Ամուսինը զոհվել է, երեխաներն ունեն լսողական սարքերի կարիք. Արմինեն օգնություն է խնդրում Արարատ ու Արցախ չնկատողը չի նկատում իր հորն ու մորը, Նիկոլ. Շարմազանով 40+10 հազարական դրամ աջակցություն կստանան նաև Արցախից տեղահանված անձանց ընտանիքում նոր ծնվող երեխաները Արցախի վերադարձը կիրականանա գուցե բազում չարչարանքների ճանապարհով, բայց կլինի երանելի ձեռքբերում բոլորիս համար․ Արցախի թեմ Բոլոր ծրագրերը պետք է սպասարկեն Արցախ մեր հավաքական, անվտանգ ու արժանապատիվ վերադարձի տեսլականին Մինչ իշխանավորները խորշում ու սարսափում են Արցախ բառից անգամ...․ «Փաստ»