Մահացել է Յուրի Ջավադյանը

Մահացել է ՀՀ Գերագույն խորհրդի  նախկին պատգամավոր, նախկին նախարար Յուրի Լևոնի Ջավադյանը:

Հոգեհանգիստը տեղի կունենա ս. թ. մայիսի 22-ին ժամը 18:00-ին Կոնդի Սուրբ Հովհաննես եկեղեցում:

Հուղարկավորությունը՝ նույն վայրից, ս. թ. մայիսի 23-ին ժամը 13:00-ին:

Կենսագրություն

Ծնվել է 1935 թվականի հունվարի 1-ին Սիսիանի շրջանի Բնունիս գյուղում:

Բնունիսի յոթնամյա դպրոցը գերազանցությամբ ավարտելուց հետո, 1949 թ. ընդունվել է Երևանի հիդրոմելիորատիվ տեխնիկումի հողաշինարարական բաժին, գերազանցության դիպլոմով ավարտել 1954 թ.: Նույն թվականին ընդունվել է Երևանի Գյուղատնտեսական ինստիտուտի Հիդրոմելիորատիվ ֆակուլտետ, ավարտել 1959 թվականին` ստանալով ինժեներ-հիդրոտեխնիկի մասնագիտություն:

1997թ.-ից տեխնիկական գիտությունների թեկնածու է:

1959 թ. աշխատանքի է ընդունվել Երևան քաղաքի նախկին Լենինյան շրջանի թիվ 2 բնակարանային շահագործման գրասենյակում՝ որպես ինժեներ, նույն թվականին նշանակվել է բնակարանային տնտեսության վարչության գլխավոր ինժեներ:

1963 թ. նշանակվել է կոմունալ վարչության պետ, գործկոմի նախագահի տեղակալ:

Ընտրվել է նախկին Լենինյան շրջգործկոմի նախագահի առաջին տեղակալ, 1971 թվականին ղեկավարել է կրթության և կապիտալ շինարարության, ջրամատակարարման, ջերմամատակարարման աշխատանքները:

1974 թվականին ընտրվել է նախկին Լենինյան շրջանի գործադիր կոմիտեի նախագահ, 1976-1986թ.թ.` Երևանի քաղխորհրդի նախագահի առաջին տեղակալ:

1986-1990 թթ. եղել Հայաստանի Հանրապետության Ջրային տնտեսության և մելիորացիայի նախարար:

Հայաստանի Հանրապետության ջրային տնտեսության և մելիորացիայի մինիստրությունը Գյուղատնտեսության մինիստրությանը միանալուց հետո, 1990 թ. նոյեմբերից մինչև 1991 թ. հունվար ամիս աշխատել է որպես ՀՀ գյուղնախարարի առաջին տեղակալ, 1991 թ. հունվարից մինչև 1992 թ. վերջ` գյուղնախարար:

1992-1995 թթ. աշխատել է որպես ՀՀ գյուղնախարարի տեղակալ:

1995-1997թթ. աշխատել է «Հայջրնախագիծ ինստիտուտ» ՓԲԸ-ում՝ որպես տնօրեն:

1997-2000 թթ. աշխատել է որպես ՀՀ գյուղատնտեսության նախարարության Բարեփոխումների և սպասարկման գլխավոր վարչության պետ, նախարարի գլխավոր խորհրդական, կոլեգիայի անդամ:

2000-2001 թթ. աշխատել է «Հայջրնախագիծ ինստիտուտ» ՓԲԸ-ում՝ որպես տնօրենի տեղակալ:

2001-2018 թ.թ. աշխատել է «Հայջրնախագիծ ինստիտուտ» ՓԲԸ-ում՝ որպես տնօրեն:

2018-ից առ այսօր աշխատում է «Հայջրնախագիծ ինստիտուտ» ՓԲԸ-ում՝ որպես խորհրդի նախագահ և ընկերության ընդհանուր ծրագրերի ղեկավար:

Այլ գործունեություն

1976-1991 թթ.՝ ՀՀ Գերագույն խորհրդի անընդմեջ 3 նստաշրջանների պատգամավոր:

1994-1996 թթ. ՝ Հայաստանի Հանրապետության ոռոգման համակարգի վերականգնման ծրագրի ղեկավար, խորհրդի նախագահ:

1996-1998 թթ.՝ Սևանա լճի էկոլոգիական հավասարակշռության վերականգնման ծրագրի մշակման ենթախմբի ղեկավար:

2000-2001 թթ.՝ Հայաստանի Հանրապետության Ջրային ռեսուրսների կառավարման Համապարփակ ծրագրի մշակման տեխնիկական խորհրդատվական հանձնաժողովի նախագահ:

2000-2001 թթ.՝ Ջրային ռեսուրսների կառավարման Համապարփակ Ծրագրի խորհրդատվական խորհրդի նախագահ:

2000-2001 թթ.՝ Մատաղ սերնդի էկոլոգիական իրազեկության բարձրացման ծրագրի ղեկավար:

ՀՀ Վարչապետի որոշումով ստեղծված «Արփա-Սևան» թունելի տեխնիկական վիճակը գնահատող միջգերատեսչական մշտական գործող հանձնաժողովի անդամ:

2008-2018՝ ՀՀ նախագահին առընթեր Սևանա լճի հիմնահարցերի հանձնաժողովի նախագահի տեղակալ:

2009-2018 թթ.՝ ՀՀ Հանրային խորհրդի գյուղատնտեսական և բնապահպանական հարցերի հանձնաժողովի նախագահ

Մի շարք հոդվածների և գիտական աշխատությունների հեղինակ է:

Պարգևներ

1981 թ. պարգևատրվել է Կարմիր դրոշի շքանշանով:

2008 թ. պարգևատրվել է «Անանիա Շիրակացի» շքանշանով:

2016 թ. Հայրենիքին մատուցած ծառայությունների համար պարգևատրվել եմ 1-ին աստիճանի մեդալով:

2018 թ. ՀՀ վարչապետի առաջարկով կառավարության կողմից նշանակվել է Հանրային խորհրդի անդամ:

Այս թեմայով Երևանում 25-ամյա վարորդը «Hyundai»-ով վրաերթի է ենթարկել հետիոտնին․ նա տեղում մահացել Կոտորած Սիդնեյում. անհայտ անձը դանակով հարձակվել է առևտրի կենտրոնում գնորդների վրա՝ սպանելով 5 մարդու (տեսանյութ) Մահացել է իտալացի դիզայներ Ռոբերտո Կավալին Մահացել է խորհրդային տիեզերագնաց Վլադիմիր Ակսյոնովը 2024թ-ի հունվար-փետրվարին ՀՀ-ում 563-ով ավելի շատ մարդ է ծնվել, քան մահացել Մահացել է ԱԺ նախկին պատգամավոր Շուշան Սարդարյանի մայրը Երևանում 28-ամյա տղան շինաշխատանքներ կատարելիս հոսանքահարվել ու տեղում մահացել է Մոսկվայում եղանակային վատ պայմանների պատճառով` 2 մարդ է մահացել, 15-ը՝ վիրավորվել Մահացել է աշխարհի ամենատարեց տղամարդը ԱՄՆ-ում 102 տարեկանում մահացել է Փերլ Հարբորի հարձակումից ողջ մնացած վերջին վետերանը