Քաղաքացուն ոստիկանների ուղեկցած հիվանդանոցում սալջարդ են ախտորոշել, մեկ այլ հիվանդանցում` կոտրվածք. իրավապաշտպան

Մայիսի 17-ին ոստիկանների կողմից բերման ենթարկվելիս վնասվածք ստացած քաղաքացուն առաջին համլսարանական հիվանդանոցում սալջարդ են ախտորոշել, իսկ հաջորդ օրը մեկ այլ հիվանդանոցում կոտրվածք են ախտորոշել: Այս մասին ֆեյսբուքյան լայվով հայտնել է իրավապաշտպան Ռուբեն Մելիքյանը:

«Մայիսի 17-ին քաղաքացիներից մեկը` արցախյան պատերազմի հաշմանդամ, ոստիկանության ծառայողների մեկի կողմից Տերյան փողոոցում անհամաչափ ուժ կիրառելիս մայթից բերման ենթարկվելիս արմունկի վնասվածք էր ստացել, մենք գնացել էինք, հանցագործության մասին հաղորդում էինք տվել: Դրանից առաջ ոստիկանությունը ապահովել էր քաղաքացու տեղափոխումը առաջին համալսարանական հիվանդանոց, այնտեղ ռենտգեն էին արել, ասել էին` ամեն ինչ նորմալ է, թեթեւ սալջարդ է, սառը դրեք, կանցնի: 2 օր անց պարզվում է, որ քաղաքացին խայտառակ ցավեր է ունեցել, ձեռքը ուռել է, հաջորդ առավոտյան մեկ այլ  բուժհաստատություն է դիմում, ռենտգեն են անում, պարզվում է կոտրվածք է: Այսօր խոսում եմ քաղաքացու հետ, ասում է, որ գիտես` այնտեղ ես լսեցի, որ ասում էին ցուցարար է: Հիմա հարց առաջին համալսարանական հիվանդանոցի ղեկավարությանը` դուք արդյոք տարբերակում եք դնում բողոքի մասնակիցների եւ այլ քաղաքացիների միջեւ, եթե տարբերակում չեք դնում, ինչով կարող եք բացատրել սա»,-ասաց նա` կոչ անելով հիվանդանոցի ղեկավարությանը պարզել միջադեպը:
Իրավապաշտպանը հայտնեց, որ քննիչի մոտ են եղել եւ ուղեգրվել են դատաբժշկական փորձաքննության:

https://www.facebook.com/rubenmelikian/videos/1042171919732528

Նշենք, որ իրավապաշտպանի հայտարարությանը արձագանքել են առաջին համալսարանական հիվանդանոցի ղեկավարությունից` նշելով, որ հիվանդանոց տեղափոխվելուց հետո արված ռենտգեն հետազոտության արդյունքում քաղաքացու մոտ կոտրվածք չի եղել:

« Ի պատասխան իրավապաշտպանի լայվի... Եվ այսպես, վստահ եմ, որ կասկածի նշույլ անգամ որևէ մեկի մոտ չկա, որ շտապ օգնության մեքենայով թիվ 1 համալսարանական հիվանդանոց տեղափոխված քաղաքացուն ցուցաբերվել է անհրաժեշտ բուժօգնությունը՝ ողջ ծավալով: Հնչեցրած մեղադրանքին ի պատասխան.

⦁ քաղաքացուն, ի թիվս այլ հետազոտությունների արվել է նաև ռենտգեն հետազոտություն՝ երկու տարբեր դիրքերով,

⦁ համաձայն հետազոտության պատկերի,հիվանդանոց դիմելու պահին, կոտրվածք առկա չէ,

⦁ քաղաքացին, իր համաձայնությամբ և ստորագրությամբ, դուրս է գրվել բուժհաստատությունից՝ բժշկի ցուցումներին ծանոթնալուց հետո (տնային ռեժիմ, արմունկի ֆիքսված դիրք... )

⦁ քաղաքացու համաձայնությամբ, հնարավոր է ռենտգեն հետազոտության պատկերը և եզրակացությունը տրամադրվի նաև այլ մասնագետի:

Կասկածի տակ չդնելով, քաղաքացու խոսքերը, այնուամենայնիվ պնդում եմ, որ թիվ 1 համալսարանական հիվանդանոցում արված ռենտգեն հետազոտության պատկերում հստակ է՝ ակնհայտ կոտրվածք առկա չէ:

Հավելեմ, նաև, որ լսելով իրավապաշտպանի մեղադրանքը,հիվանդանոցի բուժանձնակազմը կրկին ցուցաբերեց մասնագիտական բարձր պրոֆեսիոնալիզմ և դիմեց Հայաստանի առաջատար մասնագետներին՝ վնասվածքաբաններին և ռենտգենոլոգներին, կարծիքի և կրկին հաստատվեց, թիվ 1 համալսարանական հիվանդանոցում ռենտգեն հետազոտության եզրակացությունը՝ հետազոտություն արված պահին ակնհայտ կոտրված առկա չէ:

Այնուամենայնիվ, պատրաստակամ ենք նաև թե իրավապաշտպաններին և թե այլ մասնագետներին ևս տրամադրել քաղաքացու հիվանդության պատմագիրը, եթե իհարկե լինի քաղաքացու համաձայնությունը:

Ինչ վերաբերվում է, մեղադրանքին, որ տուժածին չի ցուցաբերվել համապատասխան բուժօգնության, ապա ասեմ կարճ՝հուսով եմ, որ մարդկային ազնվությունը կհաղթի ստին:

Խնդրում եմ ու հորդորում եմ, գնահատել գիշեր ու ցերեկ ծանրաբեռնվածությամբ աշխատող սպիտակ խալաթ հանգող յուրաքանչյուր անձի ու երբեք չփորձել ստվերել նրանց անձնուրած ու գնահատելի ծառայությունը:

Հ.Գ. Հրապարակում եմ միայն մասնագետի եզրակացությունը, որտեղ անձնական տվյալներ առկա չեն, տուժածի բժշկական պատմագիրը չեմ հրապարակում, քանի որ չունեմ քաղաքացու համաձայնությունը:

Թիվ 1 համալսարանական հիվանդանոցի տնօրեն, պրոֆեսոր Արեն Բաբլումյան»:

Այս թեմայով Սալջարդ, ճակատի ուռած հատված, քերծվածքներ. Սամվելի խոշտանգման հետևում իշխանությունն է Միզող ոստիկանների պատմությունը ծանր հանցանքից շուտով կդառնա անեկդոտ, այնուհետև կմոռացվի. փաստաբան Պահանջում ենք խստագույնս պատժել ՀՀ քաղաքացուն խոշտանգած ստահակներին․ «Որդիների կանչ» Թոշակ չեն ավելացնում, բայց ոստիկանների աշխատավարձը նորից բարձրացնում են. «Փաստ» «Հատուկ» օպերացիա (տեսանյութ) Վստրեչի կամրջի մոտակայքում քաղաքացին ընկել է չորս մետր խորությամբ փոսը Ադրբեջանում Ֆրանսիայի քաղաքացուն մետրոյի վագոնները նկարազարդելու համար դատապարտել են ազատազրկման (լուսանկարներ) Վրաերթի ենթարկված 83-ամյա կինը հիվանդանոցում մահացել է Երկու դրվագ Կումայրիի ոստիկանների հակաթմրամոլային պայքարից Վրաերթի ենթարկված «Օպելի» վարորդը հիվանդանոցում մահացել է