Երկիր մոլորակի ուղեծրում Հայաստանի արբանյակը կմնա առնվազն 4 տարի

Երկիր մոլորակի ուղեծիր Հայաստանի Հանրապետության առաջին տիեզերական արբանյակի դուրս բերումը կարևոր ենթակառուցվածք է երկրում ոլորտի զարգացման համար: «Արմենպրես»-ի հաղորդմամբ՝ լրագրողների հետ զրույցում այս մասին նշեց ՀՀ բարձր տեխնոլոգիական արդյունաբերության նախարարի տեղակալ Դավիթ Սահակյանը:  

«Այս գործընթացը երկար ժամանակ է սկսվել, սակայն առավել ակտիվ եղել  է 2022 թվականի ընթացքում:  Այն կարևոր ենթակառուցվածք է երկրում տիեզերական էկոհամակարգի ձևավորման համար:  Խորհրդային տարիներին Հայաստանի գիտնականները մեծ ձեռքբերումներ են գրանցել այս ոլորտում, այժմ, հաշվի առնելով ունեցած նախկին փորձը, ձգտում ենք վերականգնել նախկին հաջողությունները: Էկոհամակարգը բազմաշերտ է, այն ենթադրում է տիեզերական սարքավորումների արտադրություն, ծրագրային միջոցների մշակումը և այլն: Հայաստանն ունի այդ պոտենցիալը»,-ասաց փոխնախարարն՝ ավելացնելով, որ  խնդիր է դրված նպաստել ոլորտում ձեռնարկությունների ակտիվացմանն ու զարգացմանը:  

Ոլորտի զարգացման աշխատանքներում կարևոր բաղադրիչ է արբանյակի կառավարման կենտրոն և ընդունիչ կայանի ստեղծումը: Նախարարի տեղակալը նշեց, որ մի շարք ուղղություններով բազմաթիվ միջոցառումներ են նախատեսված Հայաստանում ոլորտի ակտիվացման ու զարգացման համար: Արդեն կան ոլորտի ձեռնարկություններ, որոնք արդյունքներ են գրանցել  ֆինանսական շոշափելի միջոցներ են ներգրավելու առումով: Նրանք հաջողություններ ունեն ոչ միայն Հայաստանի շուկայում, այլև դրսում:

Երկիր մոլորակի ուղեծիր Հայաստանի Հանրապետության առաջին տիեզերական արբանյակի դուրս բերման գործընթացի վերաբերյալ նախարարի տեղակալը մանրամասներ չներկայացրեց՝ հաշվի առնելով գաղտնիությունը:  Միայն նշեց, որ արբանյակը մոլորակի ուղեծրում կմնա առնվազն 4 տարի: 

Այս թեմայով Հայկական արտադրության «Հայասաթ-1» արբանյակի թռիչքը տեղի կունենա դեկտեմբերի 1-ին ՔՊ-ն «կաղ բադիկի» կարգավիճակ ունի ավագանիում, իր արբանյակ ուժի հետ անգամ չունի 50+1% ձայն Սեուլում հայտարարել են, որ ԿԺԴՀ-ն շուտով կարող է ռազմական արբանյակ արձակել Հայաստանը տիեզերք երկրորդ արբանյակ ուղարկելու ուղղությամբ աշխատանքներ է իրականացնում Կիմ Չեն Ընը հանձնարարել է այս ամիս ռազմական հետախուզական արբանյակ արձակել ուղեծիր Մինչև 2028 թվականը նախատեսվում է տիեզերք արձակել հայկական ևս երկու արբանյակ. վարչապետին է ներկայացվել ԲՏԱ նախարարության հաշվետվությունը Իրանը մտադիր է Ռուսաստանի հետ համատեղ 3 նոր արբանյակ կառուցել Առաջին հայկական արբանյակը կապ է հաստատել Երկրի հետ. ենթահամակարգերն աշխատում են ՀՀ-ն և Չինաստանը կհամագործակցեն Երկրի արբանյակային հեռազննման տվյալների կիրառման ոլորտում Արբանյակը վարձել ենք Booking-ի նման, ինչպես հյուրանոցային համար ես բրոնյա անում. «Հրապարակ»