Պուտինը ՌԴ ազգային հերոսի կոչում է շնորհել հրամանատար Անդրանիկ Գասպարյանին

ՌԴ նախագահ Վլադիմիր Պուտինն Անդրանիկ Գասպարյանին շնորհել է Ռուսաստանի ազգային հերոս բարձրագույն կոչումը՝ Ուկրաինայում ընթացող հատուկ գործողության ժամանակ ցուցաբերած սխրանքի համար։

Այս մասին հայտնել է Օմսկի նահանգապետ Ալեքսանդր Բուրկովը, գրում է vesti-omsk.ru-ն։

«Առափնյա պաշտպանության առանձին բրիգադի հրամանատար Անդրանիկ Գասպարյանը իրեն վստահված ստորաբաժանման հետ միասին կարողացել է գրավել Խերսոնի շրջանում գետի վրայով անցնող կամուրջը։

Հրամանատարի բրիգադը 3 օր շրջապատված լինելով հակառակորդի ուժերի կողմից և ենթարկվելով օդային զանգվածային հարվածների ու հրետակոծությունների՝ թույլ չի տվել հակառակորդին ճեղքել գիծը։ Նրանք հետ են մղել 9 հարձակում և ոչնչացրել Ուկրաինայի զինված ուժերի 23 զրահամեքենա։ Արդյունքում տղաները պահել են կամուրջը և կանխել հակառակորդի ուժի տեղափոխումը»,-ասվում է ռուսական բանակի քաջարի հայորդու մասին տարածած հաղորդագրության մեջ։

Բուրկովի խոսքով, Անդրանիկ Գասպարյանը շարունակում է կատարել իր մարտական պարտքը։ 

«Մեր ժամանակների նման  հերոսների մասին պետք է անպայման պատմենք մատաղ սերնդին։ Առաջիկայում Անդրևսկու անվան դպրոցում, որն ավարտել է Գասպարյանը, կտեղադրվի հուշատախտակ»,-նշել է նահանգապետը։

Այս թեմայով Հայտնի է՝ երբ տեղի կունենա Պուտինի երդմնակալությունը Շատ բան է կախված մեր երկրների փոխգործակցությունից․ Ալիևը՝ Պուտինին Ադրբեջանը և Ռուսաստանը համատեղ մասնակցում են Հյուսիս-Հարավ տրանսպորտային միջանցքի ռեալիզացիային․ Պուտին Կիմ Չեն Ընը երթևեկել է Պուտինի նվիրած ավտոմեքենայով (լուսանկար) Պուտինն ու Ռաիսին քննարկել են Մերձավոր Արևելքում տիրող իրավիճակը Մոսկվան ստիպված էր պատասխանել ուկրաինական հարձակումներին․ Պուտին Պուտինը խոսել է Ռուսաստանի հակառակորդների հետ բանակցությունների մասին Խնդիրները պետք է լուծվեն Պուտին-Փաշինյան-Ալիև պայմանավորվածությունների շրջանակում. Զախարովա Պուտինը հայտարարել է, որ Ռուսաստանը ստիպված է պաշտպանել իր ավանդական արժեքները ԽՍՀՄ-ի փլուզումից հետո փորձում էին կործանել Ռուսաստանը. Պուտին