«Միանում եմ». նոր մտավորականներ են ստորագրում երեկ հրապարակած կոչի ներքո․ Լիլիթ Գալստյան

Ֆրանսիայի հրապարակում երեկ հնչեցրած կոչին նոր մտավորականներ են միանում։ Ֆեյսբուքյան իր էջում կոչն ամբողջությամբ հրապարակել  է ԱԺ պատգամավոր, թարգմանիչ, հրապարակախոս Լիլիթ Գալստյանը, որի ներքո ստորագրել են 190 մտավորականներ՝ գիտնականներ, մշակույթի, արվեստի գործիչներ, դասախոսներ, գրողներ։

Կոչի ներքո՝ մեկնաբանություններում բազմաթիվ մտավորականներ խնդրել են իրենց անունները ևս ավելացնել ստորագրողների թվում։

Տեքստն ու այն երեկվա դրությամբ ստորագրածների տեքստը ներկայացնում ենք ամբողջությամբ.

«Սիրելի հայրենակիցներ,

Մեր պետականությանն ուղղված սպառնալիքները ծայրահեղ խորացել են՝ հատելով բոլոր կարմիր գծերը։ Հայաստանում ստեղծված սոցիալ-տնտեսական, հոգևոր-մշակութային և քաղաքական ճգնաժամը ոչ միայն չի կասեցվում, այլև օրեցօր խորանում է։

Իշխանությունների կողմից չորս տարի վարվող քաղաքականության հետևանքով հայ ժողովուրդը կանգնել է գոյաբանական սպառնալիքի առջև, հարցականի տակ է Հայոց պետականության հեռանկարը։ Իշխանություններն, ըստ էության, վերջնականորեն հրաժարվել են Արցախի ինքնորոշման իրավունքից՝ վտանգելով մեր ժողովրդի մի զգալի հատվածի անգամ կյանքի իրավունքը։ Նրանք չեն կարողանում և չեն էլ ձգտում պաշտպանել ՀՀ տարածքային ամբողջականությունը։

Երկրում անթաքույց խորանում են բռնաճնշումներն ու քաղաքական հալածանքները։  Այս ամենը կատարվում է հասարակության մեջ խորացող ատելության և ազգային պառակտման, բարոյական և արժեքային կորուստներ պարտադրելու մթնոլորտում, ինչը հղի է կործանարար հետևանքներով և անկանխատեսելի հեռանկարով։

Անվտանգային և բարոյական աղետի օրհասական այս պահին հայ մտավորականի լռությունն անխուսափելիորեն հանգեցնելու է անդառնալի կորուստների՝ քաջալերելով ազգակործան քաղաքականությունը։

Հայ մտավորականը լռելու իրավունք չունի։ Այս ճակատագրական իրադարձությունների համապատկերում՝ սերունդների առջև արժանապատիվ կեցվածք պահպանելու մտահոգությամբ, կա միայն մի գերխնդիր՝ վճռականորեն կանգնել և կանխել Երկրի կործանումը։

Մենք բոլորս պատասխանատվություն ենք կրում ապագայի հանդեպ և հանդես ենք գալիս ի պաշտպանություն համաժողովրդական միասնական պայքարի, որն ուղղված է Արցախի փրկությանը, Հայոց պետականության կազմալուծման կասեցմանը, մեր ազգային արժանապատվության ու համերաշխության վերականգնմանը։

Մենք՝ ներքոստորագրյալներս, համոզված ենք, որ հանուն մեր արժանապատիվ ապագայի, միասնականությամբ կարող ենք կասեցնել այս կործանարար ընթացքն ու մասնակից դառնալ Հայոց պետականության իրական վերածննդին։

Այս թեմայով Քանի դեռ Հայաստանում իշխանության ղեկին Նիկոլն ու նրա քաղաքական թիմն են, Ադրբեջանը շարունակելու է ագրեսիվ պահանջատիրությունը Չեմ հավատում, որ ագրեսոր Ադրբեջանի հետ ԵՄ գազային գործարքն ավելի թանկ է, քան ժողովրդավարությունը. Լիլիթ Գալստյան Սփյուռքի հետ խոսելու անպտուղ մի ճիգ. Լիլիթ Գալստյան «Կարելի է» միջնակարգ կրթությամբ պատգամավոր լինել, կեղծ դիպլոմով՝ մարզպետ, առանց դիպլոմի՝ վարչապետ. Լիլիթ Գալստյան Հիմա էլ բուհ-ական համակարգն է սկսելու սեփական 0-ական կետից․ Լիլիթ Գալստյան Աշխարհաքաղաքական նոր միջավայրում Հայաստանը շարունակում է իր անղեկ վայէջքը․ Լիլիթ Գալստյան Չեն կարող քաղաքականությունն ու իշխանությունն այսքան հեռու լինել բարոյականությունից. Լիլիթ Գալստյան Ձերը պատմության մայթեզրին հայտնված ազգակործանի խարանն է Փայլասարն անցել է ադրբեջանական վերահսկողության տակ, իսկ ԱԱԾ-ն ինչ-որ բառախաղ է տարածում․ Լիլիթ Գալստյան «Նիկոլը հասարակությանը նախապատրաստում է նոր պարտության»