Ինձ հետ ամեն ինչ կարգին է. մի քանի օրից նորից լինելու եմ ձեր կողքին. Արթուր Վանեցյանը՝ Եվրոպայից

Ինձ հետ ամեն ինչ կարգին է. մի քանի օրից նորից լինելու եմ ձեր կողքին: Այս մասին Facebook-ի իր էջում գրել է «Հայրենիք» կուսակցության ղեկավար, ԱԺ «Պատիվ ունեմ» խմբակցության ղեկավար Արթուր Վանեցյանը, ով կարճ ժամանակով մեկնել է Եվրոպա՝ առողջական խնդիրներով պայմանավորված:

Նա, մասնավորապես, նշել է. «Սիրելի՛ հայրենակիցներ,

Մայիսի 28-ը ոչ միայն Հայաստանի առաջին հանրապետության հռչակման, այլ մայիսյան հերոսամարտերի, անկախության գաղափարի համար մեր ժողովրդի աննահանջ պայքարի և այդ պայքարի արդյունքների նշանավորման օրն է:

Այսօր էլ, բոլոր դժվարություններով հանդերձ, մենք պայքարում ենք մեր անկախության ու անվտանգության համար, որովհետև ունենք մայիսյան հերոսամարատերի և Արցախյան երեք պատերազմների մեր քաջագործ մարտիկների ոգին:

Մեր էությունը, ազգային հոգեկերտվածքը ձևավորվել են հենց այդ հաղթանակներով:

Շնորհավորում եմ:

Հ.Գ. Սիրելի՛ հայրենակիցներ,

Շնորհակալ եմ ձեր բազմաթիվ նամակների և հաղորդագրությունների համար: Ինձ հետ ամեն ինչ կարգին է:

Մի քանի օրից նորից լինելու եմ ձեր կողքին, ձեզ հետ՝ մեր մեծ Հայրենիքի համար մղվող պայքարի շարքերում:

Այսօր ժամը 18:00-ից տասնյակ հազարավոր մեր քաղաքացիներ լինելու են Ֆրանսիայի հրապարակում՝ ազգային-ազատագրական պայքարի այս փուլին նոր զարկ տալու համար:

Յուրաքանչյուրի մասնակցությունը շատ կարևոր է»:

Այս թեմայով «Ազատության մեջ եմ, ամեն ինչ լավ է»․ Կարեն Վանեցյան Կարեն Վանեցյանը գտնվում է ազատության մեջ․ փաստաբանական խմբի հայտարարությունը Մոսկվայում ձերբակալել են Կարեն Վանեցյանին․ ԶԼՄ Երևանում վթարի է ենթարկվել Արթուր Վանեցյանի որդին, ով տեղափոխվել է «Նաիրի» ԲԿ Կարեն Վանեցյանին կալանավորելու որոշումը բավարարվել է Ես մասնակից չեմ ո՛չ Զանգեզուրի կոմբինատի գործերին, ո՛չ էլ իմ եղբոր բիզնես գործունեությանը. Վանեցյան Եթե մենք դուրս չգայինք պայքարի՝ այսօր Արցախը ստորագրությամբ հանձնված կլիներ թշնամուն. Վանեցյան Կասկած չկա՝ Հայաստանի, Արցախի և Սփյուռքի միասնության պարագայում թշնամին չի կարողանալու կոտրել մեր ազգային ոգին. Վանեցյան Ադրբեջանի գաղտագողի առաջխաղացումը սպառնում է մեր գոյությանը․ Արթուր Վանեցյան Արթուր Վանեցյանը հայտարարել է, որ իրականում իշխանությունը չունի հանրային վստահություն