Վրացի «օրենքով գողի» որդիները կարող են ներգրավված լինել Հայաստանում հանցագործությունների մեջ

Հանգուցյալ «օրենքով գող» «Դաթո Թբիլիսցիի» ձերբակալված որդիները` Գուկա և Դավիթ Կակուլիաները, կարող են ներգրավված լինել Հայաստանում հանցագործությունների մեջ, ասվում է Վրաստանի գլխավոր դատախազության հաղորդագրությունում, փոխանցում է Սպուտնիկ Վրաստանը։

Թբիլիսիում ձերբակալվել են Կակուլիա եղբայրները՝ Թբիլիսիի կենտրոնում սպանության փորձի գործով։ Նրանք մեղադրվում են նաև ապօրինի զենք-զինամթերք ձեռք բերելու, պահելու և կրելու ու սահմանն ապօրինի հատելու մեջ։

«Վրաստանի իրավապահ մարմինները իրավական համագործակցության շրջանակներում ակտիվորեն համագործակցում են Հայաստանի համապատասխան իրավասու մարմինների հետ՝ մեղադրյալի կողմից Հայաստանում հանցագործություն կատարելու հետ կապված»,- ասված է դատախազության հաղորդագրությունում։

Հետաքննության նյութերի համաձայն՝ Թբիլիսիի կենտրոնական թաղամասում մեղադրյալը 2022 թվականի մայիսի 27-ին մի քանի կրակոց է արձակել մարդկանց ուղղությամբ։

Կրակոցների արդյունքում 1 հոգի ստացել է բազմաթիվ վնասվածքներ, բացի այդ, մեկ հոգի, ով կրակոցի պահին եղել է այդ վայրում, վիրավորվել է ոտքից։

Քննությամբ պարզվել է նաև, որ մեղադրյալներն ապօրինի հատել են Վրաստանի սահմանը և երկրում ապօրինի կերպով հրազեն ձեռք բերել, որը պահել են վարձակալած բնակարանում։

Մեղադրանքով Կակուլիա եղբայրներին սպառնում է 13-ից 17 տարի ազատազրկում։

Այս թեմայով «Օրենքով գող» Շաքրո Մոլոդոյը հոսպիտալացվել է սրտի հետ կապված խնդիրների պատճառով «Օրենքով գող» Շաքրո Մոլոդոյն ազատ է արձակվել «Օրենքով գող» Շաքրոն ազատ է արձակվել. մանրամասներ Մեր մոտ սաղ օրենքով ա, չգիտեմ՝ որտեղ, ոնց. Ալեն Սիմոնյանը՝ ՍԴ դատավորի թեկնածուին Ո՞նց կարող է ժամկետային զինծառայողը «ստավկա» անի, սա պետք է արգելվի օրենքով. Արշակյան Ես էլ ունեմ փարոսիկներ, բայց փորձում ենք ամեն ինչ անել օրենքով. իմ շարասյունը երբեւիցե խախտում չի անում. ՆԳ նախարար Թանգարանների գործունեությունը կկարգավորվի օրենքով «Չե՞ք համարում, որ կուսության ստուգումը բռնության տեսակ է, պետք է օրենքով ամրագրել և արգելել» Հայտնաբերել են «օրենքով գող» Օշականցի Գևորիկի 21-ամյա որդուն, ով խուսափել էր ծառայությունից «Հրապարակ». ՔՊ-ականները օրենքով պաշտպանության տակ են առնում նույնասեռականներին. նախագիծ է մշակվել