Ծանրորդ Անդրանիկ Կարապետյանը Եվրոպայի առաջնության պոկում վարժության արծաթե մեդալակիր է

Հայաստանի ծանրամարտի հավաքականի Անդրանիկ Կարապետյանը Եվրոպայի առաջնությունում արծաթե մեդալ նվաճեց պոկում վարժությունում:

«Արմենպրես»-ի հաղորդմամբ` ծանրամարտի Եվրոպայի տղամարդկանց և կանանց առաջնությունն այս տարի անցկացվում է Ալբանիայի մայրաքաղաք Տիրանայում: Տղամարդկանց 89 կգ քաշային կարգում Հայաստանն ուներ երկու ներկայացուցիչ` հավաքականի հնաբնակներից Անդրանիկ Կարապետյանը և առաջին անգամ մեծահասակների մրցաշարին մասնակցող Վարդան Մանուկյանը:

Անդրանիկ Կարապետյանը պոկում վարժությունում հաջորդաբար բարձրացրեց 168 կգ և 174 կգ, սակայն չկարողացավ գլխավերևում պահել 178 կգ: Պոկում վարժությունում նա նվաճեց արծաթե մեդալ: Հրում վարժությունում երեք մոտեցումներից միայն մեկը հաջողեց` 191 կգ (չբարձրացրեց 196 կգ): Երկամարտի 365 կգ արդյունքով Կարապետյանը Եվրոպայի առաջնությունում 5-րդն է:

Վարդան Մանուկյանը պոկեց միայն 160 կգ, իսկ հրեց վարժությունում զրո ստացավ:

Այս քաշային կարգում Եվրոպայի չեմպիոն դարձավ Իտալիայից Անտոնիա Պիզոլատոն` երկամարտի 392 կգ արդյունքով:

Նախօրեին Եվրոպայի առաջնության ոսկե մեդալակիր էր դարձել Ռաֆիկ Հարությունյանը: 

Այս թեմայով Ցանկացած այլ երկրի դեպքում ներողություն կխնդրեի. ծանրորդ Նազիկ Ավդալյան (տեսանյութ) Ծանրորդ Վարազդատ Լալայանը՝ աշխարհի գավաթի խաղարկության հաղթող Հայ 5 ծանրորդ վաղը կմեկնի Թայիլանդ՝ մասնակցելու վարկանիշային աշխարհի գավաթին ԵԱ․ Պոկում վարժությունից հետո Վարազդատ Լալայանը փոքր ոսկե մեդալակիր է Սամվել Գասպարյանը՝ Եվրոպայի փոխչեմպիոն, Գարիկ Կարապետյանը՝ բրոնզե մեդալակիր Ծանրորդ Լիանա Գյուրջյանը Եվրոպայի առաջնությունում 4-րդն է Ծանրորդ Գոռ Սահակյանը՝ Եվրոպայի կրկնակի չեմպիոն (տեսանյութ) Չքաղաքականացնե՜լ. ծանրորդ Հռիփսիմե Խուրշուդյանի տանը Ծանրորդ Գարիկ Կարապետյանը դարձավ Կատարի Գրան Պրիի բրոնզե մեդալակիր Ծանրորդ Անդրանիկ Կարապետյանը Կատարի Գրան Պրիում 7-րդն է