Արցախի խնդրի կարգավորումը համազգային հարց է, այն որևէ քաղաքական ուժի մենաշնորհը չէ. «Ազատ դեմոկրատներ»

Արցախի հիմնահարցի կարգավորումը համազգային հարց է և պահանջում է ՀՀ ու Արցախի պետական շահից բխող համընդհանուր մոտեցում: Սա որևէ քաղաքական ուժի մենաշնորհը չէ: Այս մասին հայտարարություն է տարածել «Ազատ դեմոկրատներ» կուսակցությունը:

Հայտարարությունում ասվում է. «Հայաստանի և Արցախի պետական շահերի պաշտպանությունը յուրաքանչյուրիս սրբազան պարտքն է

Հարգելի՛ հայրենակիցներ,

Մեր գիտակցական և քաղաքական-դիվանագիտական որակներից և հմտություններից է կախված, թե աշխարհաքաղաքական ներկայիս իրավիճակն ինչպես կծառայեցնենք ի նպաստ ինքնիշխան, կենսունակ, արժանապատիվ  և երաշխավորված ապագա ունեցող ժողովրդավարական պետության կառուցման գործին, ինչին հասնելու համար անհրաժեշտ է իրատեսական և գործուն քայլեր ձեռնարկել: Չափազանց իրատեսական ենք համարում, օգտվելով աշխարհաքաղաքական նույնիսկ այս իրավիճակից և առկա մարտահրավերներից, բանակցություններն ի նպաստ ՀՀ-ի և Արցախի շահին ծառայեցնելուն՝ այս գործընթացները հանգուցալուծելով Հայաստանի և Արցախի համար առնվազն շահեկան ելքով:

Անընդունելի է նաև այդքան անհրաժեշտ խաղաղությանն հասնել ուժի սպառնալիքի ազդեցությամբ և Հայաստանի Հանրապետության ու Արցախի կենսական շահերի ոտնահարման հաշվին:

Բանակցային գործընթացներում և դրանից բխող գործառույթներում (դելիմիտացիա և դեմարկացիա, տնտեսական և տրանսպորտային հաղորդակցությունների  ու ենթակառուցվածքների ապաշրջափակում) Հայաստանի Հանրապետության համար ներքոնշյալ պայմանները պետք է լինեն անհերքելի նշաձողը.

Արցախի ժողովրդի ինքնորոշման իրավունքի իրացում՝ որպես միջազգայնորեն ճանաչված փաստ՝ պետք է լինի կարմիր գիծ՝ հասնելով  Արցախի միջազգային ճանաչման: Արցախը որևէ պայմանով չի կարող լինել Ադրբեջանի կազմում: 

Արցախի Հանրապետության Ադրբեջանի կողմից օկուպացված հայկական տարածքների դեօկուպացիա՝ ապահովելով Հայաստանի հետ անվտանգ և անխափան ցամաքային կապը: Գերեվարված զինծառայողների և քաղաքացիական անձանց  անհապաղ վերադարձ՝ առանց որևէ նախապայմանի:

Հայաստանի Հանրապետության՝ 2021թվականի մայիսի 12-ից ի վեր խախտված տարածքային ամբողջականության վերականգնում: Այս գործընթացներում ներգրավված միջազգային դերակատարները, ՄԱԿ-ը և ՀԱՊԿ-ը պարտավոր են միջազգային առկա բոլոր մեխանիզմներով գործուն քայլեր իրականացնելու Ադրբեջանի զինված ուժերը ՀՀ սուվերեն տարածքից ժամ առաջ դուրս բերելու և ՀՀ միջազգայնորեն ճանաչված ինքնիշխան տարածքի վերականգման ուղղությամբ: 

Թուրքիայի հետ դիվանագիտական հարաբերությունների հաստատում բացառապես առանց նախապայմանների՝ բացառելով Արցախի հիմնահարցի կարգավորման գործընթացի հետ որևէ փոխկապակցությունը: 

Հայաստանի Հանրապետության առջև ծառացած մարտահրավերների լուծումը և Արցախի հիմնահարցի կարգավորումը համազգային հարց է և պահանջում է ՀՀ ու Արցախի պետական շահից բխող համընդհանուր մոտեցում: Սա որևէ քաղաքական ուժի մենաշնորհը չէ, և որևէ մեկը իրավունք չունի ժողովրդի հետ խոսելու վերջնագրերի լեզվով, այլ միայն համազգային ողջ ներուժի համախմբմամբ և մեր ժողովրդի ու պետության շահը գիտակցելով է հնարավոր դիմակայել առկա կենսական նշանակություն ունեցող մարտահրավերներին, քանզի Հայաստանի և Արցախի պետական շահերի պաշտպանությունը յուրաքանչյուրիս սրբազան պարտքն է:

Այս թեմայով Եթե Հայաստանը որոշի դուրս գալ ՀԱՊԿ-ից, հարց է՝ ինչպես է նրա ներկայիս ղեկավարությունը գնահատում երկրի առջև ծառացած սպառնալիքները. Թասմաղամբետով Եթե գերտերությունը գեոտնտեսական շահեր է հետապնդում, ապա խոչընդոտում է այդտեղի ժողովուրդների անկախացմանն ու պետականակերտմանն ուղղված գործընթացներին. Դավթյան 24.04.2024-ից թող սկսվի Հայաստան-Արցախի վերածննդի հետհաշվարկը․ ես հավատում եմ. Նազենի Հովհաննիսյան Արցախի հայաթափումից հետո ներկայիս մտահոգիչ ծանր իրավիճակ է ՀՀ սահմանային տարածքներում․ Վեհափառ Էդ Երկրապահ կոչեցյալը երկրորդ անգամ ա մարդկանց վրաերթի ենթարկում ու ազատ ման ա գալիս. Դանիելյան (տեսանյութ) Մինչև այսօր չունենք Արցախի ցեղասպանությունը վկայող փաստաթուղթ. Գեղամ Ստեփանյան (տեսանյութ) Հայաստան-Ադրբեջան շփման գծի որևէ փոփոխություն այսօր չի նախատեսվում. ՀՀ ԱԱԾ «Այս իշխանությունը «կաղ բադիկ է», գնացող, խնդիրը զուտ արտաքին և ներքին քաղաքական որոշումն է». «Փաստ» Տավուշում չեք կարող ցույց տալ որևէ տարածք, որը զիջվելու է Ադրբեջանին. Վլադիմիր Վարդանյան (տեսանյութ) Պատերազմին դիվանագիտական, քաղաքական միջոցներով այլընտրանք կա. Արա Այվազյան (տեսանյութ)