ՀՀ ԿԳՄՍ փոխնախարարն ու Մոլդովայի մշակույթի նախարարն անդրադարձել են մշակույթի ոլորտում փոխգործակցությանը

Հայաստանի Հանրապետության կրթության, գիտության, մշակույթի և սպորտի նախարարի տեղակալ Արթուր Մարտիրոսյանն ընդունել է աշխատանքային այցով Հայաստանում գտնվող Մոլդովայի Հանրապետության մշակույթի նախարար Սերգիու Պրոդանին:

Ինչպես հայտնում են ԿԳՄՍ նախարարությունից, նախարարին ուղեկցում էին Մոլդովայի ներդրումների գործակալության գլխավոր տնօրենի տեղակալ Իոն Իորդաչին և Մոլդովայի Հանրապետության մշակույթի նախարարության զբոսաշրջության գծով գլխավոր խորհրդական Դավիդ Լուպուսորը:

Հանդիպմանը մասնակցել են նաև ՀՀ ԿԳՄՍ նախարարի տեղակալ Արա Խզմալյանը, ԿԳՄՍՆ արտաքին կապերի և սփյուռքի վարչության պետ Արկադի Պապոյանը, ՀՀ ԱԳՆ Եվրասիական տարածաշրջանի վարչության երկկողմ հարաբերությունների բաժնի պետ Հասմիկ Հասմիկյանը:

Հանդիպմանը նախարարի տեղակալներ Արթուր Մարտիրոսյանը և Արա Խզմալյանը հյուրընկալվող կողմին հանգամանորեն ներկայացրել են Հայաստանում մշակույթի ոլորտում առկա գործընթացները՝ ընդգծելով առանձին ուղղություններում մասնագիտական կրթությանը միտված ծրագրերի իրականացման կարևորությունը: 

Զրույցի ընթացքում  քննարկվել են երկու երկրների միջև մշակույթի ոլորտում փոխգործակցության խորացմանն ու ամրապնդմանը, ինչպես նաև մշակութային կրթության ոլորտում  համատեղ  նոր ծրագրերի  ներդրմանն առնչվող մի շարք հարցեր: Այս համատեքստում կողմերն անդրադարձել են կինոարտադրության ոլորտին, ժամանակակից արվեստի մյուս ոլորտներում համագործակցության ընդլայնմանն ուղղված հնարավոր հեռանկարներին:

Որպես համագործակցության կարևոր բաղադրիչ՝ շեշտադրվել է կինոկրթության,    մշակութային արժեքների վերականգնող մասնագետների, գրադարանային գործի ոլորտում մասնագիտական կրթությանն ուղղված ծրագրերի համատեղ իրականացումը:

Խոսելով միջազգային համագործակցության ծրագրերի մասին՝ Արթուր Մարտիրոսյանը Մոլդովայի  մշակույթի նախարար Սերգիու Պրոդանին տեղեկացրել է, որ Հայաստանը «Ստեղծագործ Եվրոպա» ծրագրի «Մշակույթ» ենթածրագրին պաշտոնապես միացել է 2018 թվականին, ինչը հայաստանյան մշակութային գործիչներին հնարավորություն է տալիս համագործակցել եվրոպացի գործընկերների հետ և ստեղծարար գործունեություն իրականացնել եվրոպական հարթակներում: Նախարարի տեղակալն առաջարկել է  այս հարթակում ևս համագործակցել՝ հանդես գալով համատեղ ծրագրերով:

Հայ-մոլդովական մշակութային համագործակցության նոր ուղիների զարգացման և նախանշված ծրագրերի իրականացման նպատակով կողմերն անդրադարձել են նաև երկու նախարարությունների միջև 2022-2025 թթ. համար մշակույթի և արվեստի ոլորտում համագործակցության ծրագրի ստորագրման հեռանկարին:

Այս թեմայով ՏԿԵ փոխնախարարն ու Ուորեն Վիլսոնը կարևորել են հանքարդյունաբերության ոլորտում համագործակցության շարունակականությունը Միրզոյանը Սաուդյան Արաբիայի կրթության նախարարի հետ քննարկել է ոլորտում համագործակցությանն առնչվող հարցեր Բավականին մեծ աշխատանք է կատարվել ռազմավարական հաղորդակցության նոր ճարտարապետության ձևավորման ուղղությամբ. Հարությունյան ԲՏԱ նախարարն այցելել է «Հայաստանի հեռուստատեսային և ռադիոհաղորդիչ ցանց», ներկայացրել նորանշանակ գլխավոր տնօրենին Հայաստանն ու Ղազախստանը միգրացիայի ոլորտում համագործակցության մասին համաձայնագիր են ստորագրել Վեհափառը և Ավստրալիայի դեսպանը անդրադարձել են ՀՀ-ի առջև ծառացած անվտանգային մարտահրավերներին Մի փնտրեք դավադրություններ էնտեղ, որտեղ չկան. ԿԳՄՍ նախարարը` «Ակադեմիական քաղաքի» մասին ՀՀ ԱԽ քարտուղարը և Լիտվայի ԱԳ նախարարն անդրադարձել են Հարավային Կովկասում տիրող անվտանգային իրավիճակին 2024 թվականին ՏՏ ոլորտում գրանցված աշխատողների թվի աճ է արձանագրվել․ վարչապետ ՀՀ-ն կերկարաձգի զանգվածային ոչնչացման զենքի տարածմանը հակազդելու ոլորտում ԱՄՆ-ի հետ համագործակցության համաձայնագիրը