ՀՀ 1-ին արբանյակից մինչև ՌԴ-ից ՀՀ ՏՏ ոլորտով հետաքրքրություն․ ԲՏԱ նախարարը և Կոպիրկինը հանդիպել են

ՀՀ բարձր տեխնոլոգիական արդյունաբերության նախարար Ռոբերտ Խաչատրյանը ընդունել է Հայաստանի Հանրապետությունում Ռուսաստանի Դաշնության արտակարգ և լիազոր դեսպան Սերգեյ Կոպիրկինի գլխավորած պատվիրակությանը:

Ողջունելով հյուրերին՝ Ռոբերտ Խաչատրյանն ընդգծել է Հայաստանում ՌԴ դեսպանության և նախարարության միջև ձևավորված կառուցողական համագործակցությունը, երկկողմ հետաքրքրություն ներկայացնող ծրագրերի կարևորությունը  և դրանք հետևողականորեն իրագործելու պատրաստակամություն հայտնել: 

Դեսպան Կոպիրկինը շնորհավորել է նախարարին նշանակման կապակցությամբ և նշել, որ բարձր տեխնոլոգիական արդյունաբերության ոլորտն առանձնակի նշանակություն ունի հայ-ռուսական հարաբերությունների զարգացման, փոխգործակցության ամրապնդման առումով:  

Նախարարը դեսպանին է ներկայացրել ռուսական կողմի հետ ադիտիվ տեխնոլոգիաների ոլորտում փոխգործակցության ընթացքը և ծրագրերը։

Ռոբերտ Խաչատրյանն ու Սերգեյ Կոպիրկինը անդրադարձել են նաև հունիսին Սանկտ Պետերբուրգում կայանալիք տնտեսական միջազգային ֆորումին նախարարության մասնակցության հետ կապված հարցերին։

Նախարար Խաչատրյանը նշել է, որ վերջին շրջանում ռուսական ՏՏ ոլորտի ընկերությունների կողմից Հայաստանում աշխատելու մեծ հետաքրքրություն է նկատվում, ինչը կարող է խթան հանդիսանալ տեղական շուկայում մրցակցության աշխուժացմանը։ 

Ռոբերտ Խաչատրյանը և Սերգեյ Կոպիրկինը անդրադարձել են նաև տիեզերական ծառայությունների զարգացման կարևորությանը: Նախարարը դեսպանին է ներկայացրել ՀՀ առաջին տիեզերական արբանյակի հետ կապված մի շարք մանրամասներ:

Հանդիպման ընթացքում կողմերը քննարկել են նաև գործակցության ընդլայնման, ոլորտային համագործակցության զարգացմանն ուղղված երկկողմ հետաքրքրություն ներկայացնող հարցերի լայն շրջանակ: 

Այս թեմայով Ցուցարարներին չհաջողվեց հանդիպել նախարարներին. նրանք ճողոպրել էին կառավարության շենքի ետնամուտքից (տեսանյութ) Երևանի քաղաքապետը հանդիպել է Հայաստանի բասկետբոլի կանանց թիմային առաջնությունում հաղթողներին Սի Ծինփինն ու Շոլցը հանդիպել են Մի փնտրեք դավադրություններ էնտեղ, որտեղ չկան. ԿԳՄՍ նախարարը` «Ակադեմիական քաղաքի» մասին «Միասնություն» համազգային շարժումը հանդիպել է երիտասարդության հետ (տեսանյութ, լուսանկարներ) Արայիկ Հարությունյանը հանդիպել է Ֆրանկոֆոնիայի միջազգային կոմիտեի տնօրեն Զեյնա Մինայի հետ ԲՏԱ նախարարը չի բացառում ռուսական հեռուստաալիքներին առնչվող համաձայնագրի միակողմանի խզումը Հասկանում եմ՝ վաղուց չեք հանդիպել, բայց դադարեցրեք զրույցները. Ալեն Սիմոնյանը՝ պատգամավորներին «Ժողովուրդ». ԱԳ նախարարը և փոխվարչապետը կգնան ԱԺ Էկոնոմիկայի նախարարը ծանոթացել է քաղաքացիների խնդիրներին, լսել նրանց առաջարկները