Էկոնոմիկայի նախարարը գյուղացիներին ու խաղող մթերողներին կոչ արեց մինչև հուլիսի 1-ը կնքել մթերման պայմանագրերը

ՀՀ կառավարության որոշմամբ մի շարք փոփոխություններ են կատարվել «Գյուղատնտեսական հումքի մթերումների (գնումների) նպատակով տրամադրվող վարկերի տոկոսադրույքների սուբսիդավորման» ծրագրում։ Կառավարության հերթական նիստին նախագիծը ներկայացրեց Էկոնոմիկայի նախարար Վահան Քերոբյանը։

«Նախագիծը վերաբերվում է գյուղատնտեսական հումքի մթերումների (գնումների) նպատակով տրամադրվող վարկերի շրջանակներում բյուջետային երաշխիքների տրամադրմանը։

Կառավարությունը նախորդ տարի նոր գործիք մտցրեց, որով պետությունը մասնակիորեն երաշխավորում էր գյուղատնտեսական հումքի մթերման համար տրամադրվող վարկերը, որպեսզի ոլորտի կազմակերպությունները կարողանան վերցնել այնքան գումար, ինչքան իրենց պետք է, ոչ թե այնքան, ինչքան գրավ ունեն։ Այդ գործիքը բավականին արդյունավետ աշխատեց։ 9 կազմակերպություններին տրամադրվել է 5,4 միլիարդ դրամի բյուջետային երաշխիք»,- ասաց Քերոբյանը։

Նախարարի խոսքով՝ հունիսի 7-ին ստացված օպերատիվ տեղեկության համաձայն՝ ընթացիկ տարում պտուղ-բանջարեղեն մթերումների կանխատեսվող ծավալները կազմում են 149, 3 հազար տոննա, անցած տարվա 80 հազար տոննայի համեմատ։

«Այս տարի ներդրել ենք գյուղատնտեսական հումքի մթերման պայմանագրերի նախօրոք կնքման մեխանիզմ, և մայիսի 31-ին արդեն ավարտվել է պտուղ-բանջարեղենի համար պայմանագրերի կնքման վերջնաժամկետը։ Ակնկալված արդյունքը կա. 1354 գյուղացիական տնտեսությունների հետ կնքվել է 1500 բերքի գնման պայմանագիր, համաձայն որի պետք է մթերվի 81,6 հազար տոննա պտուղ-բանջարեղեն 12 միլիարդ դրամ ընդհանուր գումարով»,- նշեց Քերոբյանը։

Նախարարը հիշեցրեց, որ հուլիսի 1-ին վերջանում է խաղողի մթերման պայմանագրերի կնքման համար վերջնաժամկետը և կոչ արեց բոլոր գյուղացիներին ու մթերողներին մինչև հուլիսի 1-ը կնքել մթերման պայմանագրերը։

Գյուղատնտեսական հումքի մթերումների (գնումների) նպատակով տրամադրվող վարկերի տոկոսադրույքների սուբսիդավորման» ծրագրով նախատեսվում է վերամշակման գործունեություն իրականացնող յուրաքանչյուր վարկառուին խաղողի մթերումների (գնումների) ուղղության համար բյուջետային երաշխիքները տրամադրվել առավելագույնը մինչև երկու տարի երեք ամիս մարման ժամկետով, բացի խաղողից այլ գյուղատնտեսական հումքի մթերումների համար յուրաքանչյուր վարկառուին բյուջետային երաշխիքները տրամադրվել առավելագույնը մինչև մեկ տարի երեք ամիս մարման ժամկետով, յուրաքանչյուր շահառուին և իր հետ փոխկապակցված կազմակերպություններին 2021 թվականին տրամադրված և 2022 թվականին տրամադրվող բյուջետային երաշխիքների ընդհանուր գումարը չի կարող գերազանցել 4.0 մլրդ դրամը։

Այս թեմայով Ամենայն Հայոց Կաթողիկոսը հայ ժողովրդին համերաշխության ու միասնականության կոչ արեց Հայրս հեռախոսազրույցի ընթացքում մի մտահոգիչ արտահայտություն արեց. Ռուբեն Վարդանյանի որդին հարցազրույց է տվել CNN-ին Ալիևը մինչև նոյեմբեր լիովին իրատեսական է համարում Հայաստանի հետ խաղաղության համաձայնագրի կնքումը Մինչև այսօր չունենք Արցախի ցեղասպանությունը վկայող փաստաթուղթ. Գեղամ Ստեփանյան (տեսանյութ) Կիրանցի գյուղապետը գիշերը հանդիպել է գյուղացիներին եւ ասել, որ իշխանությունները ինչ պլանավորել են, դա էլ անելու են Գազից մինչև ճանապարհ մենք խնդրելու ենք թուրքերին․ վերածվելու ենք թուրքական գավառակի. Վարուժան Գեղամյան Մարկ Մելքոնյանը` Հայաստանի՝ մինչև 8 տարեկան պատանիների չեմպիոն Մինչև միջանցք տալը՝ կանվանափոխեն Երևանի թաղամասերի անունները․ ՔՊ-ն մրցույթ կհայտարարի «Շատ թանկ է կորուստը, համակերպվելն՝ անհնար, պարզապես ապրում ենք, մինչև...». սերժանտ, ջոկի հրամանատար Տիգրան Գալստյանն անմահացել է հոկտեմբերի 31-ին «Մարտունի 2»-ում. «Փաստ» էկոնոմիկայի նախարարությունը նոր գլխավոր քարտուղար ունի