Զարեհ Սինանյանը մի շարք հանդիպումներ է ունեցել Չիկագոյում

ՀՀ սփյուռքի գործերի գլխավոր հանձնակատար Զարեհ Սինանյանի այցը ԱՄՆ շարունակվում է: Գլխավոր հանձնակատարն այս պաշտոնում առաջին անգամ ժամանել է Չիկագո: Պատվավոր հյուպատոս Օսկար Թաթոսյանը, որի պաշտոնավորումն ընդգրկում է Իլինոյս, Միսսուրի, Այովա, Վիսկոնսին և Մինեսոտա նահանգները, դիմավորել է Գլխավոր հանձնակատարին: Պատվավոր հյուպատոսը համայնքի ակտիվ ներկայացուցիչներից է և հատկանշական դեր է խաղացել Չիկագոյի շուկա հայաստանյան ապրանքների ներմուծման գործում:

Հանձնակատարի գրասենյակից հայտնում են, որ Զարեհ Սինանյանն այցելել է Չիկագոյի կենտրոնում գտնվող Երևանի զբոսայգի: Այնուհետ Գլխավոր հանձնակատարը հանդիպել է Չիկագոյի շրջանի հայ երիտասարդների հետ և ծանոթացել նրանց գործունեությանը, կրթությանը և աշխատանքին, նաև ներկայացրել գրասենյակի գործունեությունը: Զարեհ Սինանյանը հատկապես կարևորել է ՀՀ կառավարման համակարգում սփյուռքահայ մասնագետների «իԳործ» և «Սփյուռքի երիտասարդ դեսպան» ծրագրերը: Հանդիպման մասնակիցները մեծ ոգևորություն են ցուցաբերել գրասենյակի ծրագրերի հանդեպ:

Հաջորդ հանդիպումը հանդիպումը հայ համայնքի փաստաբանների, բժիշկների և համայնքային ղեկավարների հետ էր: Հանդիպման ընթացքում ընդգրկուն քննարկում է ծավալվել Հայաստանի քաղաքական իրողությունների, օրենսդրական բարեփոխումների անհրաժեշտության և Հայաստան-սփյուռք օրակարգային հարցերի շուրջ: Զարեհ Սինանյանը շնորհակալություն է հայտնել համայնքի ներկայացուցիչներին առողջ երկխոսության, համագործակցության և կատարած աշխատանքի համար:

Հաջորդ օրվա ընթացում Գլխավոր հանձնակատարը Էվանսթոնի Սուրբ Հակոբ հայկական եկեղեցում ներկա է գտնվել պատարագի, որը մատուցում էր վերապատվելի Տեր Հովհան Խոջա-Էյնաթյանը։ Պատարագից հետո եկեղեցու դահլիճում տեղի է ունեցել համայնքային հանդիպում, որի ընթացքում Գլխավոր հանձնակատարը ներկայացրել է գրասենյակի գործունեությունը և հայեցակարգային ուղղությունները, այնուհետ ներկաները հնչեցրել են իրենց հուզող հարցերը:

Զարեհ Սինանյանը հատկապես կարևորել է համայնքում եկեղեցու ունեցած հայապահպան գործունեությունը, որի շնորհիվ համայնքն արդեն 100 տարուց ավելի չի կորցրել իր ինքնությունն ու հայկական մշակույթը:

Հանդիպման ավարտին եկեղեցու երգչախումբը հանդես է եկել կատարումներով:

Այս թեմայով Հայաստանում մի շարք ծառայություններ ամբողջ բնակչության համար պետպատվերով են․ ԱՆ Մի շարք հիվանդություններ ունեցող անձինք կճանաչվեն զինծառայության համար պիտանի՝ որոշակի սահմանափակումներով Բժշկական օգնության և սպասարկման մի շարք տեսակների համար սահմանված տեխնիկական և կադրային պահանջները կվերանայվեն. «Փաստ» Ղազախստանի նախագահի հետ տորագրվել են մի շարք երկկողմ համագործակցության փաստաթղթեր Իրանի մի շարք օդանավակայաններում չվերթները չեղարկվել են Հայաստան իմ առաջիկա այցի ընթացքում կընդունենք մի շարք նոր փաստաթղթեր. Տոկաև Անահիտ Մանասյանը հանդիպումներ է ունեցել Տավուշի մարզի մի շարք բնակավայրերի բնակիչների հետ Զարեհ Սինանյանն ու Արա Գոչունյանը խոսել են Թուրքիայի հայ համայնքի ներկայիս իրավիճակի և խնդիրների մասին ՄԻՊ-ն ընդունել է ԱՄՆ Հավայի նահանգի Գերագույն դատարանի դատավորին, քննարկվել են մի շարք հարցեր Երևանի և մարզերի մի շարք հասցեներում լույս չի լինի