Կաթողիկոսն իր համար դամբարան է կառուցել. «Հրապարակ»

«Հրապարակ» թերթը գրում է. «Արդեն գրեթե պատրաստ է կաթողիկոսների հուղարկավորության համար նախատեսված դամբարանը, որի գաղափարը պատկանում է Գարեգին Բ-ին։ Մոտ 25 հայրապետի հուղարկավորության հաշվարկով կառուցված հսկա դամբարանում նախապես ծրագրված էր վերահուղարկավորել նախկին կաթողիկոսներին եւ ապագայում հանգչողներին։ Սակայն դամբարանի պատրաստմանը զուգահեռ հասկացել են, որ վերահուղարկավորում անել չեն կարող, իսկ գործող կաթողիկոսի համար էլ այդ մասին մտածելը դեռ վաղ է։ Եվ պարզվել է, որ դամբարանն անտեղի է կառուցվել։

Մայր Աթոռի տեղեկատվական համակարգի տնօրեն Տեր Եսայի քահանա Արթենյանը մեզ հետ զրույցում նշեց, որ մոմավառության սրահի եւ դամբարանի կառուցման աշխատանքները կավարտվեն տարեվերջին։ Այն հարցին, թե որքան գումար է ծախսվել դամբարանը կառուցելու համար, քահանա Արթենյանը նշեց, որ շինարարական աշխատանքները դեռ շարունակվում են, եթե բարերարը հարմար գտնի, ավարտվելուն պես կհրապարակի։

Մենք հետաքրքրվեցինք, թե ինչպես է առաջացել կաթողիկոսական դամբարանի կառուցման գաղափարը։ «Մայր տաճարի որմնանկարները մոմավառության ծխից եւ հավելյալ ջերմության ազդեցությունից պաշտպանելու համար որոշվեց կառուցել առանձին մոմավառության սրահ՝ այն համադրելով կաթողիկոսական դամբարանի հետ, որտեղ կհուղարկավորվեն ամենայն հայոց հայրապետները, որպեսզի Մայր տաճարի մուտքի հատվածում այլեւս հուղարկավորություններ չկատարվեն»։ Հարցրինք, թե արդյոք նախկին կաթողիկոսները վերահուղարկավորվելո՞ւ են դամբարանում։ Տեր Եսային ասաց, որ դեռեւս նման որոշում չկա»:

Առավել մանրամասն՝ թերթի այսօրվա համարում

Այս թեմայով «Դուք սովոր եք ստրուկի կարգավիճակով ապրելուն, դուք չեք սիրում երկիրը»․ հավաք՝ Ազատության հրապարակում (տեսանյութ) Քաղաքացիները հավաքվում են Ազատության հրապարակում (տեսանյութ) «Հրապարակ». Իշխանության յուրայիններից ո՞ւմ կընտրի ՄԻԵԴ-ը «Հրապարակ». Ինչո՞ւ ուղղաթիռով «Հրապարակ». Ինչպե՞ս են այս տարի նշելու քաղաքացու օրը «Հրապարակ». ՊԵԿ նախկին փոխնախագահը հրավիրվել է դատախազություն «Հրապարակ». Մասնակցե՞լ, թե՞ չմասնակցել «պառադին» «Հրապարակ». Խաղաղապահները հեռանում են, բայց ոչ բոլորը «Հրապարակ». Օսկանյանին սպասելիս «Հրապարակ». Քաղաքապետարանում բյուջեի հաշվին անգլերեն կսովորեն