Անջելինա Ջոլին հանդիպել է Աֆղանստանի, Մալիի և Ուկրաինայի փախստականների հետ (լուսանկարներ)

Անջելինա Ջոլին բաժանորդներին ցույց է տվել, թե ինչպես է անցկացրել Փախստականների համաշխարհային օրը։ Դերասանուհին Instagramի իր էջում հրապարակել է մեծահասակների և երեխաների լուսանկարների շարք, որոնք ստիպված են եղել լքել իրենց տները պատերազմի, սովի և հալածանքների պատճառով։ Նա նրանց անվանել է իր «նոր ընկերները»։

Նրանց թվում են եղել Եգիպտոսի, Ուկրաինայի, Աֆղանստանի, Մալիի, Կոտ դ'Իվուարի, Կոնգոյի, Քրդստանի, Նիգերիայի և Գամբիայի քաղաքացիներ։ Դերասանուհու հետ միասին՝ նրանք գնացել են ընթրելու, որտեղ Ջոլիի հետ կիսվել են իրենց կյանքի պատմություններով։ Միջոցառմանը աջակցել են ՄԱԿ-ի փախստականների հարցերով գործակալությունը, Save the Children Italia-ն և Joel Nafum Refugee Center-ը:

«Ես երախտապարտ եմ, որ աշխարհում այսքան դժվարությունների արանքում այս խիզախ մարդիկ կիսվեցին ինձ հետ իրենց ժամանակով և պատմություններով: Ընտանիքը, ընկերները և սնունդը միավորում են մարդկանց, և պատիվ էր միանալ նոր ընկերներին՝ ուտելու, կիսվելու և սովորելու»,- գրել է Ջոլին։

Դերասանուհին երկար ժամանակ զբաղվում է փախստականների խնդրով՝ լինելով ՄԱԿ-ի փախստականների հարցերով UNHCR գործակալության հատուկ բանագնաց։ Վերջին շրջանում Ջոլին մեծ ուշադրություն է դարձնում Ուկրաինայում տիրող իրավիճակին, որտեղ հատուկ ռազմական գործողություն է ընթանում։ «Maleficent»-ի աստղը նախկինում եղել է Լվովում։ Նրա այցը մեծ աղմուկ բարձրացրեց համացանցում։ Դերասանուհու լուսանկարները տարածվեցին, իսկ ամենանախաձեռնող բնակիչները նույնիսկ փորձեցին վաճառել այն իրերը, որոք օգտագործել էր դերասանուհին։ Այդ ցանկում կար նաև կիսատ թողած կրուասան և նույնիսկ զուգարանակոնք։

Այս թեմայով Գերմանիայում այրվել է հյուրանոցը, որտեղ ուկրաինացի փախստականներ էին ապրում Բրեդ Փիթը խոստովանել է, որ ծանր է տարել Անջելինա Ջոլիից բաժանումը Նիդեռլանդները չի կարողանում հաղթահարել փախստականների հոսքը. Das Erste Սալմա Հայեկը նշել է լավագույն ռեժիսորի անունը, ում հետ երբևէ աշխատել է Հրապարակվել են Ջոլիի՝ 2016 թվականին Փիթի հետ վիճաբանության ժամանակ ստացած կապտուկների լուսանկարները Բրիտանիայում պահանջում են մեծացնել ուկրաինացի փախստականների նպաստը. The Independent Անջելինա Ջոլիին լուսանկարել են ճերմակ երկար զգեստով Անջելինա Ջոլին ծանր է տանում դստեր հետ բաժանումը Անջելինա Ջոլին սովորում է պարել (տեսանյութ) Անջելինա Ջոլին և նրա դուստրերը Իտալիայում են (լուսանկարներ)