ԶԱՀՄ-ի համար անընդունելի է աջակցության ծրագրում միայն 44-օրյա պատերազմի զոհերի ընտանիքներն ընդգրկելը

Հունիսի 23-ին ԱՀ ԱԺ նախագահ Արթուր Թովմասյանն ընդունել է ԱՀ զոհված ազատամարտիկների հարազատների միության վարչության նախաձեռնող խմբի անդամներին։

Հանդիպմանը ներկա էին ԱԺ նախագահի գլխավոր խորհրդական Բելլա Լալայանը, ԱԺ սոցիալական և առողջապահության հարցերի մշտական հանձնաժողովի նախագահ Արամ Գրիգորյանը, աշխատակազմի ղեկավարի տեղակալ Գարիկ Ժամհարյանը։

Միության անդամները ԱԺ նախագահին են ներկայացրել վարչության նիստում կայացրած որոշման նախագիծը, ըստ որի անընդունելի են համարում պետական մարմինների կողմից մշակված աջակցության ծրագրերում միայն 44-օրյա պատերազմի զոհերի և անհետ կորածների ընտանիքների անդամների ընդգրկումը։

Արցախյան առաջին պատերազմում զոհված ազատամարտիկների հարազատների միությունը պետական մակարդակով իրականացվող սոցիալական աջակցության ծրագրերից արցախյան առաջին պատերազմի ընտանիքներին տարանջատելու և այլ խնդիրների վերհանման բովանդակությամբ բազմաթիվ բողոք-դիմումներ և նամակներ է ստանում, որոնց միության վարչությունը դժվարանում է պատասխանել։

ԶԱՀՄ նախագահ Ա․ Առստամյանը և միության անդամներն ակնկալում են ԱՀ խորհրդարանի նախագահի միջնորդությունն խնդրի լուծման վերաբերյալ։

Արթուր Թովմասյանը հավաստիացրել է, որ հարցի քննարկումը ներկայացնելու է ԱՀ ԱԽ նիստում և հետամուտ է լինելու, որ միության առջև ծառացած խնդիրների լուծմանը ընդգրկվեն համապատասխան կառույցները։

Այս թեմայով Ադրբեջանը քանդել է օկուպացված Շուշիի «Կանաչ ժամ» եկեղեցին ԵՄ–ում արձագանքել են Արցախից ռուս խաղաղապահների վաղաժամ հեռանալուն Պետդումայում ռուս խաղաղապահների առաքելությունն անվանել են «լիովին կատարված» Խաղաղապահների դուրսբերումը ՀՀ ղեկավարի կողմից ԼՂ–ն Ադրբեջանի կազմում ճանաչելու հետևանք է. Կարասին Արցախցիները միջազգային ո՞ր երաշխիքի տակ պիտի վերադառնան Արցախ․ Մխիթարյան Ադրբեջանում հայտարարել են, թե մեկնարկել է Արցախից խաղաղապահների դուրսբերման գործընթացը Ինչ է գրել Արցախի ԱԱԾ աշխատակիցն իր քենուն կյանքից զրկելու և իր կյանքին վերջ տալուց առաջ. մանրամասներ․ ArmLur.am ԱՄՆ ՄԶԳ-ն նախատեսում է մոտ 8,5 միլիոն դոլար հատկացնել Արցախից բռնի տեղահանվածների համար Օկուպացված Քաշաթաղի շրջանում գտնվող Զորախաչ եկեղեցին՝ ադրբեջանական թիրախում Օկուպացված Արցախում բանվորներ տեղափոխող միկրոավտոբուս է շրջվել․ կա 9 վիրավոր