Միևնույն կնոջ հետ ամուսնացած տղամարդիկ իմացել են միմյանց մասին և ընկերացել

Մեծ Բրիտանիայի Ուելսում տղամարդիկ իմացել են, որ ամուսնացած են միևնույն կնոջ հետ, աջակցել են իրար և դարձել ընկերներ: Այս մասին հայտնում է Wales Online-ը։

Կարենն առաջին անգամ ամուսնացել է 1998 թվականին, իսկ 7 տարի անց ամուսնալուծվել։ 2006 թվականին նա բուռն սիրավեպ է սկսել Փիթեր Շերաթի հետ, ում հետ շուտով ամուսնացել է։ Սակայն հարաբերությունները երկար չտեւեցին. Շերաթը խոստովանել է, որ Կարենն անընդհատ ինչ-որ բան էր թաքցնում, և թվում էր, թե նա երկակի կյանք է վարում։ Տղամարդու կասկածները, պարզվել է, հիմնավորված են.  ամուսնացած լինելով Փիթերի հետ՝ բրիտանուհին սկսել է հանդիպել Քրիստոֆեր Թոմասի հետ։

Երբ Կարենի և Շերաթի հարաբերություններն ավարտվեցին, նրանք պաշտոնապես չամուսնալուծվեցին, թեև պատրաստում էին համապատասխան փաստաթղթերը։ Ամուսնալուծության ոչ լիարժեք գործընթացը կնոջը չի խանգարել ընդունել Թոմասից ամուսնության առաջարկը և ամուսնանալ նրա հետ։

Կնոջ երրորդ ամուսնությունը երկու տարուց էլ քիչ է տեւել։ Թոմասը ամուսնալուծության հայց է ներկայացրել այն բանից հետո, երբ Կարենի իրերի մեջ գտել է Շերաթից ամուսնալուծության դիմումը: Սրտացավ տղամարդը փաստաթուղթը դրել է խոհանոցի սեղանին, հավաքել իրերն ու հեռացել։ «Այդ պահին ես հասկացա, որ մեր ամբողջ հարաբերությունները սուտ էին, և ով գիտի, թե էլ ինչպես էր նա ինձ խաբում»,- դժգոհել է նա։

Հեռանալուց երկու օր անց Թոմասը հայտնաբերել է, որ Կարենն արդեն թարմացրել է իր պրոֆիլը ծանոթությունների կայքում: Այնուհետև նա կապվել է Շերաթի հետ և ոստիկանություն հաղորդում է ներկայացրել, որ բրիտանուհին խախտել է օրենքը՝ միաժամանակ երկու տղամարդու հետ ամուսնանալով։ 2014 թվականին տեղի է ունեցել դատական ​​նիստ, որի արդյունքում Կարենը դատապարտվել է չորս ամսվա ազատազրկման և 100 ֆունտ տուգանք վճարել երկամուսնության համար։

Հետաքննության ընթացքում Թոմասին ու Շերաթին արգելել են շփվել, սակայն դատավճռից հետո տղամարդիկ վերջապես խոսել են ու հասկացել, որ շատ ընդհանրություններ ունեն։ Ժամանակի ընթացքում նրանք ընկերացել են։

Վերջին տասնամյակում Ուելսում երկամուսնության 25 դեպք է գրանցվել, երբ երկու սեռի մարդիկ գաղտնի ամուսնացել են՝ արդեն ունենալով ամուսիններ: Ուելսի ոստիկանության տվյալներով՝ 2021 թվականին հետաքննվել է երեք նմանատիպ դեպք։

Այս թեմայով Գիտնականները պարզել են, թե ինչպես է առողջ ապրելակերպն ազդում ինտիմ կյանքի վրա Մեգան Թի Ստալյոնն ամբողջովին մերկ է հայտնվել ամսագրի շապիկին (լուսանկարներ) Ամերիկացի զբոսաշրջիկն էքստրեմալ սեքսուալ խաղերով է զբաղվել Իսպանիայում ու մահացել 60-ամյա Սերգեյ Զվերևը մերկ լուսանկար է հրապարակել և զարմացրել երկրպագուներին Քարդի Բին լուսանկարվել է ամբողջովին մերկ՝ ջրահարսի կերպարով (լուսանկար) Ջոն Սինան «Օսկար»-ի բեմ է դուրս եկել ամբողջովին մերկ (լուսանկարներ) Բրեդլի Կուպերը նախընտրում է տանը «միանգամայն մերկ» շրջել «Օրական 12-13 անգամ». Նատալյա Շտուրմն անկեղծացել է հայ տղամարդու հետ իր սիրավեպի մասին Ֆլորենս Փյուն պատահաբար ցուցադրել է կուրծքը ֆիլմի պրեմիերայի ժամանակ (լուսանկարներ) Գերմանացի արքայադուստրն ամսագրի շապիկին հայտնվել է մերկ վիճակում (լուսանկար)