Արարատի մարզում աշակերտը քրոջն անհանգստացնելու հարցի շուրջ վեճի ժամանակ դանակահարել է երկու այլ աշակերտի

Արարատի մարզի դպրոցներից մեկի 10-րդ դասարանում սովորող Լ.Հ.-ն 2021 թվականի դեկտեմբերի 23-ին, նույն դպրոցի մեկ այլ աշակերտի՝ Ա.Հ.-ի կողմից իր քրոջն անհանգստացնելու հարցի շուրջ դպրոցի միջանցքում խոսել է նրա հետ և պահանջել, որ քրոջը չանհանգստացնի, որի ընթացքում հնչեցրել է նաև սեռական բնույթի հայհոյանք: Միջադեպին ներկա է եղել նաև Ա.Հ.-ի համադասարանցի՝ Գ.Ս.-ն։

Այս մասին հայտնում է Iravaban.net-ը` հղում անելով «Դատալեքս» դատական տեղեկատվական համակարգին:

Գործը դատարան է ստացվել 2022 թվականի հունիսի 9-ին և մակագրվել Արարատի և Վայոց Ձորի մարզերի առաջին ատյանի ընդհանուր իրավասության դատարանի դատավոր Գառնիկ Ստեփանյանին:

Աշակերտների միջև առաջացած հարցերը պարզաբանելու համար վերջիններս գնացել են դպրոցի հետնամասում գտնվող բակային հատված, որտեղ Ա.Հ.-ն և Գ. Ս.-ն Լ.Հ.-ից պարզաբանում են պահանջել սեռական բնույթի հայհոյանք հնչեցնելու համար։ Լ․Հ.-ն գրպանից հանել է դանակը և հարվածել Ա.Հ.-ին: Հարվածի հետևանքով Ա.Հ.-ն ստացել է ստամոքսի առաջնային պատի վնասման ձևով առողջությանը ծանր վնասվածք: Լ․Հ.-ն կատարվածից չբավարարվելով՝ դանակով հարվածել է նաև Գ.Ս.-ին՝ նրան պատճառելով լյարդի վնասման ձևով ծանր մարմնական վնասվածք և անմիջապես դեպքի վայրից դիմել փախուստի։

Մեղադրական եզրակացության մեջ նշվում է, որ Լ. Հ.- ին մեղսագրվում է հանցավոր արարքի կատարում, որը նախատեսված է ՀՀ քրեական օրենսգրքի 112-րդ հոդվածի 2-րդ մասի առաջին կետի հատկանիշներով (Դիտավորությամբ մեկ ուրիշին մարմնական վնասվածք պատճառելը կամ առողջությանն այլ ծանր վնաս պատճառելը, որը վտանգավոր է կյանքի համար կամ առաջացրել է տեսողության, խոսքի, լսողության կամ որևէ օրգանի կամ օրգանի ֆունկցիայի կորուստ կամ արտահայտվել է դեմքի անջնջելի այլանդակմամբ, ինչպես նաև կյանքի համար վտանգավոր այլ վնաս է պատճառել առողջությանը կամ առաջացրել է դրա քայքայում՝ զուգորդված ընդհանուր աշխատունակության ոչ պակաս, քան մեկ երրորդի կայուն կորստով կամ հանցավորի համար ակնհայտ մասնագիտական աշխատունակության լրիվ կորստով կամ առաջացրել է հղիության ընդհատում, հոգեկան հիվանդություն, թմրամոլությամբ կամ թունամոլությամբ հիվանդացում, որը կատարվել է երկու կամ ավելի անձանց նկատմամբ):

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Այս թեմայով Երևանում 16-ամյա անչափահասների վիճաբանության ժամանակ նրանից մեկը դանակահարել է մյուսին․ մանրամասներ Նուբարաշենի հոգեկան առողջության կենտրոնից դուրս գրված տղան դանակահարել է իր հարևանի մորն ու դստերը 33-ամյա երիտասարդը վիճաբանության ժամանակ դանակահարել էր կնոջը Վիճաբանության ժամանակ դանակահարել է հարևանին, որը մահացել է «Մեգամոլում» 53-ամյա տղամարդուն դանակահարել է նրա հարևանը․ մանրամասներ Ընկերոջ հետ ալկոհոլ էին օգտագործել, ապա դանակահարել էր նրան Մոսկվայում ադրբեջանցի 10 տարեկան եղբայրները հարձակվել են իրանցու վրա և դանակահարել նրան (լուսանկարներ, տեսանյութ) Բյուրեղավանի բնակիչը դանակահարել է 4 համաքաղաքացիներին. նախաքննությունն ավարտվել է Վիճաբանության ժամանակ դանակահարել էր 20-ամյա զարմիկին 45-ամյա տղամարդուն դանակահարել էր 19-ամյա համագյուղացին