Վայնոնա Ռայդերը պատմել է Հոլիվուդի՝ իր հանդեպ դաժան վերաբերմունքի և Ջոնի Դեփի հետ բաժանման մասին (լուսանկարներ)

Վայնոնա Ռայդերը, ում հոլիվուդյան կարիերան վերսկսվեց Stranger Things հիթային սերիալում նկարահանվելով, հայտնվեց Harper's Bazaar-ի թվային շապիկին և հարցազրույց տվեց հրատարակությանը չորրորդ սեզոնի թողարկման ժամանակ։

Խոսքը, սակայն, միայն Վայնոնայի նոր նախագծի մասին չէր. դերասանուհին հիշել է նաև այն ժամանակը, երբ իր կարիերան, ընդհակառակը, դադարել է։ Այս գործընթացը ուղեկցվել է մի շարք հանրային սկանդալներով։ Ամենաաղմկոտը 2001 թվականին էր, երբ Ռայդերին ձերբակալեցին Բևերլի Հիլզի Saks Fifth Avenue խանութում գողության համար:

«Ես Սան Ֆրանցիսկոյում էի։ Նոր առաջարկներ չէի ստանում։ Կարծում եմ՝ դա փոխադարձ պայմանավորված ընդմիջում էր։ Դժվար ժամանակներ էին: Այնտեղ շատ ստորություն կար։ Հիշում եմ, որ վերադարձա Լոս Անջելես և... դժվար էր: Ես չհասկացա, թե արդյո՞ք իմ կյանքի այս հատվածն ավարտվել է», - կիսվել է Ռայդերը իր հիշողություններով:
Դերասանուհին նաև նշել է, որ Հոլիվուդն ունի իր, երբեմն շատ դաժան օրենքները։

«Սա ծանր բիզնես է: Դու անընդհատ աշխատում ես, բայց եթե ուզում ես ընդմիջել, ասում են. «Եթե դանդաղեցնեք, ամեն ինչ կկանգնի»: Եվ հետո ամեն ինչ դանդաղում է, և դու լսում ես. «Անհնար է վերադառնալ»: Իսկ հետո փոխվում է․ «Այլևս քեզ չենք էլ սպասում»: Դա դաժան էր»,- ասել է դերասանուհին։

Հարցազրույցներից մեկում Վայնոնան նաև ակնարկել է, որ 1993 թվականին Ջոնի Դեփի հետ իր բաժանումը և այն ժամանակվա հոլիվուդյան մշակույթի դաժանությունն իր կյանքն ավելի մռայլ դարձրեցին ավելի, քան շատերը կարծում էին:

«Դա իմ անձնական « «Ընդհատված կյանքն» էր»,֊ասել է Վայնոնան։

«Հիշում եմ՝ մարմնավորում էի մի հերոսուհու, ում խոշտանգում են Չիլիի բանտում (խոսքը 1994 թվականին թողարկված «Հոգիների տուն» դրամայի մասին է-խմբ.):  Ես նկարահանման հրապարակում նայեցի իմ դեմքի այս կեղծ կապտուկներին և կտրվածքներին և ասացի ինքս ինձ. «Սա այն է, ինչ ես անում եմ ինքս ինձ հետ՝ ներսում»: Որովհետև ես ուղղակի հոգ չէի տանում իմ մասին»,- ասել է Ռայդերը:

Հրապարակման համար լրագրողները հարցազրույց են վերցրել նաև Վայնոնայի որոշ ընկերներից և գործընկերներից։ Նրա վաղեմի ընկեր Կիանու Ռիվզը, ում հետ նա հանդիպել է դեռևս 1980-ականների վերջին, կիսվել է դերասանուհու մասին իր կարծիքով։

«Նա մարմնավորում է մի տեսակ խոցելիություն և միաժամանակ սառնասրտություն։ Դու հավատում ես նրան: Նա ամուր կանգնած է իր ոտքերի վրա: Դու զգում ես նրա կերպարների ամբողջականությունը»,֊ասել է Կիանու Ռիվզը։

Այս թեմայով Լիլի Ռոուզ-Դեփը լուսանկարվել է ներքնազգեստով Elle ամսագրի համար Ջոնի Դեփը գիշերազգեստով հայտնվել է Ռիհաննայի ներքնազգեստի ցուցադրությանը Ջոնի Դեփը կմասնակցի Ռիհաննայի Savage X Fenty շոուին Էմբեր Հերդին մեղադրել են էսկորտ ծառայություններ մատուցելու մեջ Էմբեր Հերդը վաճառել է իր տունը, որպեսզի վճարի Ջոնի Դեփին (լուսանկարներ) Ջոնի Դեփի գործով դատավճիռը վերանայելու ենթակա չէ․ Էմբեր Հերդին մերժել են Ջոնի Դեփը համաձայնության է եկել գործընկերոջ հետ, ով դատի էր տվել նրան իրեն ծեծի ենթարկելու համար Էմբեր Հերդը նոր դատավարություն է պահանջում է Ջոնի Դեփի հետ (լուսանկարներ) Ջոնի Դեփն անճանաչելիորեն փոխվել է (լուսանկարներ) Էմբեր Հերդը գիրք կգրի Ջոնի Դեփի հետ դատավարության մասին