Կառավարությունը հաստատեց 2023-2025 թթ. պետական միջնաժամկետ ծախսային և 2022-2026 թթ. պարտքի բեռի նվազեցման ծրագրերը

Կառավարության 2021-2026 թվականների ծրագրին համահունչ, 2023 թվականին և հաջորդող երկու տարիներին հարկաբյուջետային քաղաքականությունն ուղղված կլինի թիրախավորված 7 տոկոս տնտեսական աճի ապահովմանը` շեշտադրելով պետական ներդրումների մասնաբաժնի էական մեծացումն ու ծախսերի իրականացման արդյունավետության բարձրացումը:

 այս մասին կառավարության նիստում հայտարարեց ՀՀ ֆինանսների նախարար Տիգրան Խաչատրյանը:

Նրա խոսքով` հարկաբյուջետային քաղաքականության կարևոր ցուցանիշներն այս տարվա ընթացքում կարձանագրեն 2022 թվականի բյուջեով սահմանված թիրախային ցուցանիշների առաջանցիկ բարելավվում:

«Կառավարության պարտքը կնվազի ավելի արագ, քան նախատեսված է և չի գերազանցի ՀՆԱ-ի 60 տոկոսը` սահմանված 60.2 տոկոսի փոխարեն: Հարկային եկամուտները կգերազանցեն ՀՆԱ-ի նկատմամբ 23.4 տոկոսը, որն այս տարվա համար սահմանված թիրախն է: Պետական բյուջեի ծախսերի ֆինանսավորումն ավելի մեծ չափով կիրականացվի սեփական եկամուտների հաշվին և ավելի քիչ կֆինանսավորվի փոխառու միջոցներով, ինչի արդյունքում պետական բյուջեի դեֆիցիտը ՀՆԱ-ի նկատմամբ չի գերազանցի 3 տոկոսը: Տարվա 5 ամիսների ընթացքում արձանագրված ակտիվության բարձր ցուցանիշը, որը կազմել է 10.2 տոկոս, թույլ է տալիս գնահատել, որ տարին կամփոփվի տնտեսական աճի թիրախին մոտ ՀՆԱ-ի 7 տոկոս աճով»,-ասաց նա:

Տիգրան Խաչատրյանը նշեց, որ այսօրվա դրությամբ առկա են նախադրյալներ` 2023-2025 թթ. միջնաժամկետ ծախսային ծրագրի հարկաբյուջետային քաղաքականության հիմնական արդյունքային  ցուցանիշները կառավարության ծրագրի գերակայություններին համահունչ պլանավորելու համար:

«Գալիք երեք տարվա տնտեսական աճի թիրախը սահմանված է 7 տոկոս, միջնաժամկետում թիրախին հասնելու նպատակին կնպաստի առաջիկա երեք տարում ավելացվող կապիտալ ծախսերի ծավալը, որոնք այս տարվա համար ծրագրված ՀՆԱ-ի արդյունքի 4.5 տոկոսից կբարձրանան և 2025-ին կգտնվեն ՀՆԱ-ի 6 տոկոսի սահմաններում:

Զգալի չափով ավելացվելու են ներդրումներն այնպիսի ծրագրերում, որոնք ուղղված կլինեն տնտեսական և սոցիալական ենթակառուցվածքների բարելավմանը»,-ասաց նախարարը՝ հավելելով, որ կրթության ոլորտում ֆինանսավորումը 2.3 տոկոսից կավելանա մինչև 2.6, իսկ առողջապահության ոլորտում` 1.6 տոկոսից` 1.7 տոկոս: Նախատեսվում է ավելացնել նաև սոցիալական ապահովության ծրագրերին ուղղվող ծախսերը: 2023 թվականի ընթացքում այդ ծախսերը կավելանան ավելի քան 65 միլիարդ դրամով:

Նախարարի խոսքով` 2023-ին հանրային ծառայողների աշխատավարձերի ավելացման համար կհատկացվի 17.3 միլիարդ դրամ: Կրթության ոլորտի ծախսերի ավելացումը կկազմի 31.6 միլիարդ դրամ, ընթացիկ ծախսերը կավելանան 18.3 միլիարդ դրամով` կապիտալ ծախսերը` 13.3 միլիարդ դրամով: Գիտության գծով կհատկացվի 36.3 միլիարդ դրամ, դրանով կբարձրացվեն գիտաշխատողների աշխատավարձերը, նաև կստեղծվեն համատեղ օգտագործման գիտական սարքավորումների կենտրոններ:

«Սուբվենցիոն ծրագրերի համար կհատկացվի 22 միլիարդ դրամ: 2023 թվականին նախատեսվում է Արցախի Հանրապետությանը տրամադրվող աջակցությունը պահպանել այս տարվա համար սահմանված բարձր մակարդակի վրա` 144 միլիարդ դրամի չափով»,- ավելացրեց նախարարը:

Այս թեմայով Օկուպացված Արցախում մինչև 2026-ի վերջ մոտ 40 000 ադրբեջանցի կբնակեցվի 2026-ից սկսած դպրոցի ավարտական քննությունները կհանդիսանան նաև բուհի համար ընդունելության քննություններ. նախագիծ Հայաստանի կառավարությունը Թավրիզում գլխավոր հյուպատոսություն բացելու որոշում է ընդունել Պետական ​​սահմանի մոտ 10-12 կմ-ն արդեն կարելի է սահմանազատված համարել. Ալիև Պանթուրիքիստական ծրագրերը շարունակվում են. ՀՀ-ում Սիրիայի դեսպան Հայաստան-Ադրբեջան պետական սահմանի Տավուշ-Ղազախ հատվածում տեղադրվել է առաջին սահմանային սյունը Պետական քաղաքականությունն ուղղված է դպրոց-բուհ-գիտություն կապի ամրապնդմանը. Ժաննա Անդրեասյան «Հիմա փոքր Վարդանն է բոլորիս ուժ տալիս, եղբայրները խենթանում են նրա համար». Վարդան Կևորկովն անմահացել է 2022 թ. սեպտեմբերի 13-ին Ներքին Հանդի դիրքում. «Փաստ» Հայն իր պետական զինանշանով հողաթափեր է արտադրում Այս պահին գյուղ են եկել պետական օղակներից ու չափագրումներ են իրականացնում․ Գառնիկ Դանիելյան