Ամենակարևորը մեր համատեղ ծրագրերի իրականացումն է․ Պուտինն ու Ալիևը քնարկել են ԼՂ հարցը

Կասպից ծովի վեցերորդ գագաթնաժողովի շրջանակում Ռուսաստանի առաջնորդ Վլադիմիր Պուտինը հանդիպել է Ադրբեջանի նախագահ Իլհամ Ալիևի հետ։ Այս մասին հայտնում է Կրեմլի մամուլի ծառայությունը։

«Ամենակարևորը մեր ծրագրերի իրականացումն է, ավելի ճիշտ՝ մինչև 2024 թվականը ռուս-ադրբեջանական համագործակցության մեր համատեղ պլանը։ Ամեն ինչ առաջ է գնում՝ կապված ղարաբաղյան կարգավորման հետ։ Մենք ինքներս ենք խոսել այս մասին, և այժմ հնարավորություն կլինի ավելի շատ խոսել այս թեմայի շուրջ»,- ասել է Պուտինը։

Նա հատկապես շնորհակալություն է հայտնել Ալիևին այն գաղափարների համար, որոնք նա ձևակերպել է ոչ պաշտոնական հաղորդակցության՝ ոչ պաշտոնական ընթրիքի ընթացքում։

«Նա գործնական էր՝ բառիս բարձրագույն իմաստով, մեր գործընկերները շատ հետաքրքիր առաջարկներ արեցին տարածաշրջանային համագործակցության զարգացման համար, ուստի, ամեն դեպքում, մեր հանդիպումն արդեն իսկ շահեկան էր, և երկկողմ հարաբերությունները լրացուցիչ խթան կստանան մեր երկկողմ զրույցից»,- ասել է Պուտինը։

Ալիևն իր հերթին նշել է, որ տարածաշրջանային խնդիրների և տարածաշրջանային հակամարտությունների կարգավորման շրջանակներում ստեղծված իրավիճակի մասին խոսելու ևս մեկ հնարավորություն կլինի, հայտնում է Կրեմլի պաշտոնական կայքը։

Այս թեմայով Շատ բան է կախված մեր երկրների փոխգործակցությունից․ Ալիևը՝ Պուտինին Ադրբեջանը և Ռուսաստանը համատեղ մասնակցում են Հյուսիս-Հարավ տրանսպորտային միջանցքի ռեալիզացիային․ Պուտին ԱՄՆ մի խումբ կոնգրեսականներ Ալիևի վարչակազմի դեմ պատժամիջոցների օրինագիծ են ներկայացնում Բաքուն գոհ է, թե ինչպես են լուծվում տարածաշրջանում անվտանգության հարցերը․ Ալիևը՝ Պուտինին Կիմ Չեն Ընը երթևեկել է Պուտինի նվիրած ավտոմեքենայով (լուսանկար) Սերբիայի նախագահը զանգահարել է Ալիևին և աջակցություն խնդրել Պուտինն ու Ռաիսին քննարկել են Մերձավոր Արևելքում տիրող իրավիճակը Մոսկվան ստիպված էր պատասխանել ուկրաինական հարձակումներին․ Պուտին Պուտինը խոսել է Ռուսաստանի հակառակորդների հետ բանակցությունների մասին Խնդիրները պետք է լուծվեն Պուտին-Փաշինյան-Ալիև պայմանավորվածությունների շրջանակում. Զախարովա